“ᑕᑯᑦᓴᐅᓪᓚᕆᑦᑐᖅ ᐅᐱᕐᓴᕋᐃᓐᓂᖅᓴᐅᖃᑦᑕᓕᕐᒪᑦ ᑕᐃᑦᓱᒪᓂᓂᑦ. ᑕᖅᑭᖓ ᐄᑉᐳᕉᓪ ᐆᑦᑑᑎᒋᒍᓐᓇᖅᑕᕋ ᐊᓯᔾᔨᕐᓂᐅᓯᒪᔪᓄᑦ, ᐃᒻᒪᖃᑦᑕᐅᖅ ᐅᔾᔨᕆᔭᐅᔪᖅ ᐊᒥᓱᓄᑦ ᐃᓄᓐᓄᑦ. ᑕᖅᑭᖅ ᐊᑐᖅᑕᐅᒐᔪᓲᖑᒻᒪᑦ ᑐᓂᖅᑕᐃᒧᑦ ᓇᓪᓕᐅᓂᖅᓯᐅᖅᑎᓪᓗᒋᑦ. ᓄᓐᖑᒐᓚᖓᓂᐅᓕᖅᑐᖅ ᑐᓂᖅᑕᐃᖅᑐᖃᖅᑎᓪᓗᒍ 2000-ᕈᕆᐊᕕᑦᑎᓪᓗᒍ, ᑭᓯᐊᓂ ᑕᒃᑯᓇᓂ ᖃᑦᓯᒐᓛᓂ ᐊᕐᕌᒍᓂ ᐊᓂᒍᖅᑐᓂ, ᐅᐱᕐᖏᓴᕋᐃᓐᓂᖅᓴᐅᓂᖓᓄᑦ, ᓇᓪᓕᐅᓂᖅᓯᐅᕐᓃᑦ ᖃᓪᓕᒋᐊᖅᑎᑕᐅᒋᐊᖃᔪᔪᑦ ᐱᓇᓱᐊᕈᓰᓐᓂᒃ ᒪᕐᕉᓐᓂᒃ.”
“ᑕᓰᑦ ᑰᓪᓗ ᐃᒻᒪᑎᓐᓂᕈᖅᐸᓪᓕᐊᓴᕋᐃᓐᓂᖅᓴᐅᖃᑦᑕᓕᖅᑐᑦ ᐊᑐᕋᑦᓴᐅᒍᓐᓃᕇᖅᐸᓕᖅᓱᑎᓪᓗ ᐅᓪᓗᐃᑦ ᖃᑦᓰᓐᓇᐃᑦ. ᐊᓪᓛᑦ ᓯᑯ ᐊᐅᑉᐸᓪᓕᐊᔪᑦᓴᕈᓚᐅᕋᓂ ᐊᑐᕋᑦᓴᐅᒍᓐᓃᖃᑦᑕᓕᖅᑐᖅ ᐊᑦᑕᕐᓇᓗᐊᕐᓂᖓᓄᑦ. ᑕᓰᒃ ᓵᓐᓂᖅᓴᐹᓗᓐᓂᒃ ᓯᑯᐊᖃᓕᖅᑐᑦ ᐊᑯᓃᕈᓐᓇᕋᓂᓗ. ᐅᓪᓗᒥᐅᓕᖅᑐᖅ ᓯᑯ ᐊᐅᓴᕋᐃᓐᓂᖅᓴᐅᓕᕐᒪᑦ ᐊᐅᒃᑳᓂᕈᖅᐸᑦᓱᓂ ᓇᔪᕋᑦᓴᐅᒍᓐᓃᖅᓱᓂ.”
“ᑕᑯᓯᒪᔭᒃᑲ ᐊᓯᔾᔨᕐᓂᐅᔪᑦ ᐱᓗᐊᖅᑐᒥᒃ ᐊᕐᕌᓂ. ᖃᓐᓂᓚᕆᓚᐅᖅᓯᒪᔪᓐᖏᒻᒪᑦ ᐊᕐᕌᓂᓕᒫᖅ. ᐃᒫᒃ ᐱᖅᓯᓪᓚᕆᓪᓗᓂ, ᓱᓕ ᐱᖅᑐᖅᓯᐅᓚᐅᓐᖏᑦᑐᒍᑦ ᑕᕝᕙᓂ ᐅᑭᐅᖅ. ᑐᓴᖅᐸᒃᑲᓗᐊᖅᑐᒍᑦ ᐱᖅᓯᕐᓂᕋᐃᔪᓂᒃ ᓈᓚᐅᑎᒃᑯᑦ, ᑭᓯᐊᓂ ᓇᑎᕈᕚᑐᐃᓐᓇᐸᑦᑐᖅ, ᐱᖅᓯᓪᓚᕆᒐᓂ.”
“ᐃᒻᒪᖃ 1975-ᖑᑎᓪᓗᒍ, ᑲᓪᓕᓚᐅᖅᓯᒪᒻᒪᑦ ᖃᐅᔨᒋᐅᖅᓱᖓᓗ ᑲᓪᓕᖅᑐᒥᒃ ᑕᑯᓇᓂᒋᐊᖅ…. ᐅᓪᓗᒥᐅᓕᖅᑐᖅ, ᑲᓪᓕᖃᑦᑕᓕᖅᑐᖅ ᐊᐅᔭᑕᒫᑦ ᑕᐅᓇᓂᒋᐊᖅ ᑲᖏᖅᓱᒥ”.
“ᐅᓪᓗᒥᐅᓕᖅᑐᖅ ᓇᑭᑐᐃᓐᓇᑦᓯᐊᖅ ᐊᓄᕆᓯᐅᓕᖅᑐᒍᑦ. ᐊᓄᕇᑦ ᓴᕿᔭᑦᓱᑎᒃ ᐊᓯᔾᔨᖅᑕᖏᓐᓇᖅᓱᑎᓪᓗ. ᓯᓚ ᓯᓚᑦᓯᐊᖑᓚᖓᔫᔮᕋᓱᐊᓗᕐᒪᑦ, ᑭᓯᐊᓂ ᐊᓄᕆᓕᑲᓪᓚᑕᖅᑯᖅ ᑕᒪᓐᓇ ᐊᐅᓚᓂᐅᔮᖅᐸᓕᖅᑐᖅ ᐅᓪᓗᒥ.”
“ᐱᖅᓯᓂᖅᓴᐅᕙᔪᔪᒍᑦ, ᓴᓐᖏᔪᒻᒪᕆᐊᓗᓐᓂᒃ ᐱᖅᓯᖅᑕ. ᑭᓯᐊᓂᓕ, ᐱᖅᓯᕐᓂᐅᕙᑦᑐᖅ ᐊᓪᓛᑦ ᓇᐃᑑᓕᖅᑐᖅ. ᐅᓪᓗᒥ ᐱᖅᓯᖏᓐᓂᖅᓴᐅᕙᓕᖅᑐᒍᑦ ᑭᓯᐊᓂ ᐊᓄᕆᓯᐅᓂᖅᓴᐅᑦᓱᑕ.”
“ᐱᖅᓯᓂᖅᓴᐅᕙᔪᔪᒍᑦ, ᓴᓐᖏᔪᒻᒪᕆᐊᓗᓐᓂᒃ ᐱᖅᓯᖅᑕ. ᑭᓯᐊᓂᓕ, ᐱᖅᓯᕐᓂᐅᕙᑦᑐᖅ ᐊᓪᓛᑦ ᓇᐃᑑᓕᖅᑐᖅ. ᐅᓪᓗᒥ ᐱᖅᓯᖏᓐᓂᖅᓴᐅᕙᓕᖅᑐᒍᑦ ᑭᓯᐊᓂ ᐊᓄᕆᓯᐅᓂᖅᓴᐅᑦᓱᑕ.”
“ᐱᖅᓯᓂᖅᓴᐅᕙᔪᔪᒍᑦ, ᓴᓐᖏᔪᒻᒪᕆᐊᓗᓐᓂᒃ ᐱᖅᓯᖅᑕ. ᑭᓯᐊᓂᓕ, ᐱᖅᓯᕐᓂᐅᕙᑦᑐᖅ ᐊᓪᓛᑦ ᓇᐃᑑᓕᖅᑐᖅ. ᐅᓪᓗᒥ ᐱᖅᓯᖏᓐᓂᖅᓴᐅᕙᓕᖅᑐᒍᑦ ᑭᓯᐊᓂ ᐊᓄᕆᓯᐅᓂᖅᓴᐅᑦᓱᑕ.”
“ᓇᓗᓇᐃᖅᓯᕙᓪᓕᐊᑐᐃᓐᓇᖅᑐᖅ ᖃᖓᒃᑯᑦ ᐊᑑᑎᓂᐊᕐᒪᖔᖅ; ᓇᓗᓇᐃᒃᑯᑕᐅᒐᔭᖅᑑᒐᓗᐊᑦ ᑕᒻᒪᑎᑦᓯᕙᓕᕐᒪᑕ ᐃᓄᓐᓂᒃ ᓯᓚᓐᓂᐊᖃᑦᑕᖅᓯᒪᔪᓂᒃ ᖃᐅᔨᒪᒍᑎᒥᓐᓂᒃ ᑕᑯᓐᓇᖅᓱᑎᒃ.”
“ᐃᓚᖓ ᓯᑯ ᐊᐅᑉᐸᔪᓐᖏᑦᑐᖅ ᐊᐅᔭᑐᖃᓚᐅᖅᑎᓐᓇᒍ. ᐃᓚᖏᓐᓂ ᐊᐅᓴᕋᐃᓐᓂᖅᓴᐅᒐᓛᑦᓱᓂ, ᐃᓗᐊᓂᐅᒐᔪᑦᑐᖅ ᓇᓗᓇᐃᖅᑕᐅᓯᒪᔫᑉ ᐃᓄᑐᖃᕐᓄᑦ. ᐊᐅᑉᐸᔪᔪᖅ ᔪᓚᐃᒥ ᐃᓚᖓᓂ ᔪᓚᐃ ᓄᓐᖑᐊᓂ ᑕᒫᓂ ᐃᖃᓗᓐᓂ ᑕᒪᐅᓐᖓᕆᐊᓐᖓᕋᑦᑕ. ᐊᓯᖏᓐᓂᒃ ᐊᕐᕌᒍᓂ ᐃᓚᖓᓂ ᐊᐅᒡᒍᓯᕈᖅᐸᔪᔪᖅ. ᐃᖅᑲᐅᒪᔪᖓ ᐊᕐᕌᒍᐃᑦ ᐃᓚᖓᓐᓂ ᑕᐃᒪᐃᔪᒻᒪᑦ. ᓯᑯᐃᔪᔪᖅ ᐊᐅᒡᒍᓯ ᑕᐃᑲᓂ ᐊᕐᕌᒍᕐᒥ, ᑭᓯᐊᓂ ᐅᓪᓗᒥ, ᐊᕐᕌᒍᓂ ᖃᑦᓯᒐᓛᓂ ᐊᓂᒍᖅᑐᓂ, ᓯᑯᖃᖃᑦᑕᕈᓐᓃᖅᑐᓄᑦ ᔫᓂᒧᓄᑦ ᐊᓪᓛᑦ. ᐅᓪᓗᒥ ᐃᓚᖏᑦ ᐃᓄᐃᑦ ᐃᒫᖅᓯᕙᓪᓕᖅᑐᑦ ᐅᒥᐊᕐᒥᓐᓂᒃ ᓯᑯᖃᑲᐃᓐᓇᑐᐃᓐᓇᖅᐸᓕᕐᒪᑦ.