“ᓯᑯ ᓵᓪᓕᕙᓪᓕᐊᑐᐃᓐᓇᖅᑐᖅ; ᐊᑦᑐᖅᑕᐅᓯᒪᓗᐊᓐᖑᐊᖅᑑᔮᖅᑐᖅ ᓯᓚᐅᑉ ᐊᓯᔾᔨᐸᓪᓕᐊᓂᖓᓄᑦ.”

“ᐊᐅᔪᐃᑦᑐᖅ ᓄᓇ ᐊᓯᔾᔨᖅᓯᒪᔪᖅ ᑕᑯᑦᓴᐅᑦᓱᓂᓗ. ᐃᓚᖏᓐᓂ ᓄᓇᐃᑦ ᓄᖑᑎᖅᐸᓪᓕᐊᔪᑦ ᐃᓚᖏᓐᓂᓗ ᐸᓂᖅᐸᓪᓕᐊᑦᓱᑎᒃ.”

“ᐊᓯᔾᔨᖅᓯᒪᓪᓚᕆᑦᑐᖅ ᑕᕆᐅᖅ, ᐃᒪᖅ ᐊᒻᒪᓗ ᓯᑯ ᑕᑯᓐᓇᖅᓱᒋᑦ ᐊᕐᕌᒍᐃᑦ ᕐᑳᖏᖅᓯᒪᔪᑦ; ᐊᐅᓴᕋᐃᓐᓂᖅᓴᐹᓘᓕᖅᑐᖅ. ᐃᓱᒪᖃᑦᑕᖅᑐᖓᓕ ᑕᕆᐅᑉ ᐃᒪᖓ ᓂᕈᒥᑦᓯᕙᓪᓕᐊᒋᐊᖓ… ᓯᑯ ᐊᐃᑉᐸᓪᓕᐊᑦᓱᓂ ᐊᑖᓂᖔᖅ ᓯᑰᑉ, ᑕᒪᓐᓇᓗ ᐱᔾᔪᑕᐅᓪᓗᓂ ᐃᓱᒪᖃᑦᑐᖅᑐᖓ ᑕᕆᐅᖅ ᓂᕈᒥᑦᓯᕙᓪᓕᐊᒋᐊᖓ…”

“ᐊᐳᑏᑦ ᓈᓐᖑᐊᖏᑦ ᐊᓯᔾᔨᖅᓯᒪᓕᖅᑐᑦ… ᒪᓕᒐᓱᐊᕋᓗᐊᖅᓱᑎᒍᑦ ᓈᓐᖑᐊᑦ ᑕᕝᕙᕈᖅᑎᑕᐅᓯᒪᔪᑦ ᐊᓄᕆᒧᑦ ᐅᐊᓐᓇᒦᓐᖔᖅᑐᒧᑦ, ᓂᒋᕐᒨᖅᓂᖅᓴᐅᓂᐅᓴᑐᐃᓐᓇᓕᖅᑐᒍᑦ…”

“ᐊᓄᕆᓂᖅᓴᐅᖃᑦᑕᓕᖅᑐᖅ ᒫᓐᓇ ᐊᓯᔾᔨᐸᓪᓕᐊᑦᓱᓂᓗ ᓯᑯ ᐃᒪᕐᓗ ᓱᑲᑦᑐᐹᓗᒻᒥᒃ, ᓂᕈᒥᓂᖅᓴᐸᓘᓕᖅᑐᖅ.”

“ᐱᑭᐅᓪᓕᐊᖅᐸᔪᒐᓗᐊᖅᑐᖓ ᑭᓯᐊᓂ ᒫᓐᓇ ᐊᑦᑕᕐᓇᓗᐊᓕᕐᒪᑦ ᐃᖏᕐᕋᒋᐊᑦᓴᖅ ᓯᒃᑯᑯᑦ ᐅᐸᑉᐸᔪᔭᕋᓗᐊᒃᑲ ᐅᐸᒍᓐᓇᐃᓪᓕᔭᒃᑲ. ᑕᕆᐅᑉ ᓯᑯᖓ ᐅᕙᓐᓂᒃ ᐊᑦᑐᐃᓯᒪᓂᖅᐸᐅᕙᓪᓚᐃᔪᖅ.”

“ ᓂᕈᒥᓐᓂᖅᓴᐹᓘᓕᖅᑐᖅ ᒫᓐᓇ, ᐅᑭᐅᒃᑯᑦ ᐊᓪᓛᑦ. ᐃᒃᑮᓇᖅᑐᓪᓚᕆᐊᓘᕙᔪᒐᓗᐊᕐᒪᑦ ᔮᓐᓄᐊᕿᒥ ᑏᓴᕝᕙᒥᓗ ᑭᓯᐊᓂ ᒫᓐᓇ ᐃᒃᑮᓇᓗᐊᕈᓐᓃᖅᑐᖅ. ᓂᕈᒻᒥᓐᓂᖅ ᐊᓯᔾᔨᖅᓯᒪᔪᖅ.”

“ᖃᓐᓂᖃᑦᑕᖅᑑᒐᓗᐊᖅ ᑭᓯᐊᓂ ᑕᕝᕙᓂᓪᓗᐊᖑᓐᖏᑦᑐᖅ. ᖃᓂᖃᑦᑕᖅᑐᖅ ᐊᐅᔭᓪᓗᐊᒥ ᓄᓇ ᐊᐱᒻᒪᕆᑦᓱᓂ.”