ᐱᔾᔪᑎᓪᓗᐊᑕᐅᔪᖅ: ᑐᕌᒐᐅᔪᖅ ᐊᐅᓚᓂᕐᒧᑦ ᐊᑐᐃᓐᓇᐅᑎᖅᓯᓂᖅ ᑐᓐᖓᕕᑦᓴᒥᒃ ᓯᕗᓂᕐᒥ ᐊᑦᑐᖅᑕᐅᓂᕐᒧᑦ ᖃᐅᔨᓴᕐᓂᐅᔪᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ ᕿᑭᖅᑕᐃᑦ ᓯᑯᖏᓐᓂ, ᑕᕆᐅᕐᒥ ᐊᒻᒪᓗ ᑕᕆᐅᕐᒥ ᓂᕿᐅᖃᑎᒌᑦᑐᓂᒃ. ᐱᔭᓪᓕᐊᑎᑕᐅᑎᓪᓗᒍ ᑕᒪᓐᓇ ᐱᔪᓐᓇᕐᓂᐅᔪᖅ (ᑕᒪᒃᑮᓐᓄᑦ ᐃᒪᕕᒻᒧᑦ ᑕᕆᐅᓪᓗ ᓯᑯᖓᓄᑦ) ᐊᑐᖅᓱᑎᒃ ᓄᑖᖑᓂᖅᐹᓂᒃ ᐊᐅᓚᐅᓂᔪᓂᒃ ᓈᓴᐅᑎᑎᒍᑦ ᖃᐅᔨᕐᓴᕐᓂᐅᔪᒥᒃ ᑲᓇᑕᐅᑉ ᐅᑭᐅᖅᑕᖅᑐᖓᓂᒃ ᐅᑭᐅᖅᑕᖅᑐᒥᓗ ᕿᑭᖅᑕᓂᒃ, ᐊᑐᐃᓐᓇᐅᑎᑦᓯᕕᑦᓴᐅᑐᐃᓐᓇᕆᐊᖃᕐᒪᑦ ᓴᓇᕐᕈᑎᓂᒃ ᐊᒥᓱᓄᑦ ᓯᕗᓂᑦᑎᓐᓂ ᖃᐅᔨᕐᓴᓂᐅᔪᓄᑦ ᑕᒫᓂ.
ᓴᓇᕐᕈᑏᑦ (ᓲᕐᓗ ᓄᑖᕈᕆᐊᖅᓯᒪᔪᑦ ᐊᐅᓚᓂᐅᔪᑦ) ᐱᕙᓪᓕᐊᑎᑕᐅᓯᒪᓕᖅᐸᑕ ᐆᑦᑐᕋᖅᑕᐅᓯᒪᓕᕐᓗᑎᒃ, ᐊᑐᐃᓐᓇᐅᑎᑕᐅᒍᓐᓇᖅᑐᑦ ᐊᓯᖏᓐᓄᑦ ᐃᓗᐊᓂ ᑲᓇᑕᐅᑉ (ᓲᕐᓗ ᐊᐅᓚᓂᐅᔪᓂᒃ ᑕᐅᑐᓐᖑᐊᖅᑏᑦ ᐊᑦᑐᐊᔪᑦ ᐃᖃᓗᓕᕆᔨᒃᑯᓐᓄᑦ ᐃᒪᓕᕆᔨᒃᑯᓄᓪᓗ ᑲᓇᑕᒥ ᐊᒻᒪᓗ ᑲᓇᑕᒥ ᓯᑯᓕᕆᔨᒃᑯᓐᓄᑦ).
ᕐᑳᖓᒍᒃᑲᓐᓂᖅ, ᑐᖏᓕᓐᓂᒃ ᑕᐅᑐᒐᖃᕐᓗᑎᒃ, ᐊᑐᖅᑕᐅᒍᓐᓇᖅᑐᑦ ᓂᕆᐅᓇᖅᑐᓂᒃ ᑕᑯᓐᓇᕈᑕᐅᓗᑎᒃ ᐱᕚᓪᓕᖅᓯᒪᔪᓂᓪᓗ ᕿᒥᕐᕈᓗᑎᒃ ᐃᓱᒫᓘᑕᐅᔪᓂᒃ ᑕᕆᐅᕐᒦᑦᑐᓄᑦ, ᐆᒪᔪᕐᓄᑦ, ᐆᒪᖃᑎᒌᑦᑐᓄᑦ ᐅᕝᕙᓗ ᓴᓗᒪᐃᑦᑐᒧᑦ ᐊᑐᖅᑕᐅᑎᓪᓗᒋᑦ ᑖᒃᑯᐊ ᐊᐅᓚᓂᐅᔪᑦ ᓄᑖᓄᑦ ᐱᕙᓪᓕᐊᑎᑕᐅᓯᒪᔪᓄᑦ ᑕᖏᓕᓐᓄᑦ ᑕᑯᒍᑎᓄᑦ.
ᐱᓪᓚᕆᓐᖑᐊᑎᑦᓯᓂᖅ ᑖᑦᓱᒻᒪᖓᑦ ᓄᓇᐸᐅᔮᓗᒻᒥᒃ ᑲᓇᑕᐅᑉ ᐅᑭᐅᖅᑕᖅᑐᖓ ᐱᒻᒪᕆᐅᓂᐊᖅᑐᖅ ᑕᑯᓐᓇᖅᓱᖏᑦ ᐊᒥᓱᑦ ᒪᓐᓇᖃᕐᒥᖅ ᖃᐅᔨᓴᕐᓂᐅᓯᒪᔪᑦ ᑕᑯᑦᓴᐅᑎᑦᓯᔪᑦ ᐊᓚᒡᒐᐃᑦᑐᒥᒃ ᐊᓯᔾᔨᕐᓂᐅᔪᑦ ᒫᓐᓇ ᐊᑐᑎᔪᑦ ᐅᑭᐅᖅᑕᖅᑐᒥ, ᑕᐃᒫᒃ ᐅᓂᒃᑳᖑᕋᑖᖅᓯᒪᔪᒻᒪᑕ ᐅᑭᐅᖅᑕᖅᑐᒥ ᓯᓚᐅᑉ ᐊᑦᑐᐃᓂᖓᓂᒃ ᖃᐅᔨᕐᓴᕐᓂᕐᒥ.
ᓴᓐᖏᔪᒻᒪᕆᒻᒥᒃ ᐱᔭᕆᐊᓕᑦᑕᖃᕐᒥᔪᖅ ᑕᒪᒃᑮᓐᓂ ᓴᓇᔨᓂ ᒐᕙᒪᒃᑯᓐᓂᓗ ᐊᒥᓲᓂᖅᓴᐃᑦ ᐃᓄᐃᑦ ᐃᓕᓐᓂᐊᖅᑎᑕᐅᓗᑎᒃ ᐱᕙᓪᓕᐊᑎᑦᓯᓂᕐᒥᒃ, ᐋᖅᑭᑦᓱᐃᓂᕐᒥᒃ, ᐃᖏᕐᕋᑎᑦᓯᓂᕐᒥᒃ ᕿᒥᕐᕈᓂᕐᒥᓪᓗ ᐃᓗᓕᖅᑐᔪᓂᒃ ᐃᓘᓐᓈᒍᑦ ᐃᖏᕐᕋᓂᐅᔪᓄᑦ ᐆᑦᑐᕋᐅᑎᓂᒃ. ᐊᖏᓂᖅᓴᐃᑦ HQP ᑭᖑᕚᕆᔭᐅᓂᐊᕐᒥᔪᑦ ᑖᑦᓱᒧᖓ ᐊᐅᓚᓂᐅᔪᒧᑦ.
ᖃᐅᔨᓴᕐᕕᐅᔪᑦ
ᐆᑦᑐᕋᐅᑎᖃᕐᕕᒃ ᐱᖃᓯᐅᔾᔨᔪᖅ ᐃᓘᓐᓇᑦᓯᐊᖓᓂᒃ ᐅᑭᐅᖅᑕᖅᑑᑉ ᑕᕆᐅᖓᓂᒃ ᑎᑭᐅᑎᑦᓱᒍ ᓛᕙᑐᐊᕆᐅᑉ ᐃᒪᖓ, ᑭᓯᐊᓂ ᑐᕌᒐᖃᓗᐊᓐᖑᐊᖅᓯᒪᒧᑦ ᖁᑦᓯᓂᖅᓴᓂᒃ ᐅᑭᐅᖅᑕᖅᑐᒥ ᕿᑭᖅᑕᓂᒃ
ᓄᓇᓕᓐᓂ ᑲᑐᔾᔨᖃᑎᒌᓐᓂᐅᔪᑦ
ᓱᓕ ᐱᕙᓪᓕᐊᑎᑕᐅᒋᐊᓕᒃ ᐆᑦᑐᕋᐅᑎ ᑎᑭᐅᑎᓯᒪᓕᑕᐃᓐᓇᕐᒪᑦ ᐊᑐᖅᑕᐅᒍᓐᓇᖅᓱᓂ ᑭᐅᔾᔪᑕᐅᓗᓂ ᐊᐱᖅᑯᑎᓂᒃ ᐊᑦᑐᐊᔪᓂᒃ ᐃᓄᓐᓄᑦ ᓄᓇᖃᖅᑐᓄᑦ ᐅᑭᐅᖅᑕᖅᑐᒥ.
-ᑰᔾᔪᐊᕌᓗᒻᒥ ᐅᑭᐅᖅᑕᖅᑐᒥᒃ ᖃᐅᔨᓴᕐᕕᒃ ᐊᐳᑎᒥᒃ ᓯᑯᒦᑦᑐᓂᒃ
ᐊᐅᓚᓂᕐᒧᑦ ᑐᑭᓯᒋᐊᕐᕕᑦᓴᖅ:
ᐹᓪ ᒪᐃᔭᔅ
ᐃᑲᔪᖅᑎ ᐃᓕᓴᐃᔨᕐᔪᐊᒧᑦ
ᒥᓂᔅᑕᐅᕕᖓᓐᓂᒃ ᓄᓇᕐᔪᐊᓕᕆᔩᑦ ᓯᓚᐃᓐᓇᓕᕆᔩᓪᓗ
ᓯᓚᑦᑐᓴᕐᕕᔾᔪᐊᖓᓂᒃ ᐃᐅᓪᕘᑕ
ᐃᐊᑦᒪᓐᑕ, ᐃᐅᓪᕘᑕ