You are here

ᐅᕙᒍᑦ ᒥᑦᓵᓄᑦ

ᓄᓇᕗᒻᒥ ᓯᓚᐅᑉ ᐊᓯᔾᔨᕐᓂᖓᓄᑦ ᑐᑦᑕᕐᕕᑦ ᐃᑭᐊᖅᑎᖅᓯᒪᔪᖅ ᓯᓚᐅᑉ ᐊᓯᔾᔨᕐᓂᖓᓄᑦ ᑐᑭᓯᒋᐊᕐᕕᑦᓴᖅ ᑐᕌᒐᖃᖅᑐᖅ ᐊᑐᐃᓐᓇᐅᑎᑦᓯᕐᓂᒥᒃ ᒫᓐᓇᕐᓂᑕᕐᓂᒃ ᓯᓚᐅᑉ ᐊᓯᔾᔨᕐᓂᖓᓄᑦ ᑐᓴᕋᑦᓴᓂᒃ ᐊᑦᑐᐊᔪᓂᒃ ᓄᓇᕗᒻᒥᐅᓄᑦ. ᓴᖅᑭᖅᑕᐅᓯᒪᔪᑦ ᒐᕙᒪᒃᑯᖏᓐᓄᑦ ᓄᓇᕗᑦ ᒥᓂᔅᑕᐅᕕᖓᓐᓂᒃ ᐊᕙᑎᓕᕆᔨᒃᑯᑦ.

NC3-ᑯᑦ ᑕᒫᓃᑦᑐᑦ ᐊᒥᖅᑲᐅᑎᖃᕈᒪᑦᓱᑎᒃ ᑐᓂᐅᖅᑲᐃᓗᑎᓪᓗ ᓯᓚᐅᑉ ᐊᓯᔾᔨᕐᓂᖓᓄᑦ ᖃᐅᔨᒪᓂᐅᔪᓂᒃ ᓄᓇᕗᒻᒥ ᑐᓴᕋᑦᓴᐃᓪᓗ ᐊᑐᐃᓐᓇᐅᑎᒋᐊᒃᑲᓐᓂᕐᓗᒋᑦ ᑭᓇᒃᑯᑐᐃᓐᓇᕐᓄᑦ.  ᐃᑲᔪᕈᑕᐅᒻᔪᖅ ᐊᑐᓕᖅᑎᑦᓯᓂᕐᒧᑦ ᑎᑭᑦᓱᒪᔭᐅᔪᓂᒃ ᐋᖅᑭᑦᑕᐅᓯᒪᔪᓂᒃ ᐅᐸᒋᐊᖅᑕᕗᒃᑯᓐᓄᑦ: ᐋᖅᑭᑦᓱᐃᑦᓱᑎᒃ ᐊᐅᓚᓂᕐᒥᒃ ᓯᓚᐅᑉ ᐊᓯᔾᔨᕐᓂᖓᓄᑦ ᑐᓐᖓᕕᐅᔪᓂᒃ ᑎᑎᖅᑲᓂᒃ ᐊᒻᒪᓗ ᐅᔾᔨᕈᓱᓐᓂᖅᓴᐅᑎᑦᓯᓗᑎᒃ ᑲᓇᑕᒥ ᓄᓇᕐᔪᐊᕐᒥᓗ ᓯᓚᐅᑉ ᐊᓯᔾᔨᕐᓂᖓᑕ ᐊᑦᑐᐃᓂᖓᓂᒃ ᓄᓇᕗᒻᒥ.

ᒐᕙᒪᒃᑯᖏᑦ ᓄᓇᕗᑦ ᓴᖅᑮᓚᐅᖅᓯᒪᒻᒪᑕ NC3-ᒥᒃ ᑲᑐᔾᖃᑎᖃᖅᓱᑎᒃ ᓄᓇᒥᐅᑕᓕᕆᔨᒃᑯᓐᓂᒃ ᑲᓇᑕᒥ ᐊᒻᒪᓗ ᓄᓇᕗᒻᒥ ᖃᐅᔨᓴᖅᑐᓕᕆᔨᒃᑯᓐᓂᒃ, ᐃᑲᔪᖅᓯᒍᑎᖃᖅᓱᑎᒃ ᐊᔾᔨᒌᓐᖏᑦᑐᓂᒃ ᒐᕙᒪᐅᓐᖏᑦᑐᓂᒃ ᐊᒻᒪᓗ ᐃᓄᓐᓄᑦ ᑎᒥᖁᑕᐅᔪᓂᒃ.

ᓯᓚ ᐊᓯᔾᔨᐸᓪᓕᐊᔪᖅ ᓄᓇᑦᑎᓐᓂ. NC3-ᑯᑦ ᕿᓂᖅᑐᑦ ᐃᑲᔪᕈᒪᓪᓗᑎᒃ ᓄᓇᕗᒻᒥᐅᓂᒃ ᐅᔾᔨᕈᓱᒃᑲᓐᓂᖁᓪᓗᒋᑦ ᐊᑦᑐᖅᑕᐅᓂᖏᓐᓂᒃ ᐃᓕᓐᓂᐊᕐᓗᑎᓪᓗ ᖃᓄᖅ ᓱᖏᐅᑎᒍᓐᓇᕐᓂᕐᒥᒃ.                                    

ᑕᖅᓴᐅᑉ ᒥᑦᓵᓄᑦ

ᑕᖅᓴᖅ ᐃᓗᓕᓕᒃ ᐱᖓᓱᓂᒃ ᐱᒻᒪᕆᐊᓗᓐᓂᒃ - ᓯᓚ - ᓄᓇ - ᐃᒪᖅ - ᐊᑐᓂᑦ ᐊᑦᑐᖅᑕᐅᓪᓚᕆᑦᓱᑎᑦ ᐊᓯᔾᔨᐸᓪᓕᐊᔪᒧᑦ ᓯᓚᒧᑦ ᐊᒻᒪᓗ ᑎᒍᒥᐊᖅᓱᑎᒃ ᐱᒻᒪᕆᐊᓗᓐᓂᒃ ᐃᓄᓐᓄᑦ.

ᕿᑎᖓᓂ ᓯᕿᓂᐅᑉ, ᖃᓐᓂᕈᖅᓪᓕᐊᔪᖅ, ᑕᑯᑦᓴᐅᑎᑦᓯᔪᖅ ᐃᓄᐃᑦ ᐅᓂᒃᑳᖅᑐᐊᖓᓐᓂᒃ ᐊᒻᒪᓗ ᓴᓇᐅᒐᕐᓂᕐᒨᖓᔪᓂᒃ ᐊᑑᑎᕙᑦᑐᓄᑦ ᐊᓯᔾᔨᐸᓪᓕᐊᑎᓪᓗᒋᑦ. ᓯᕿᓂᖅ ᑭᒡᒐᖅᑐᐃᔪᖅ ᐊᓯᔾᔨᕐᓂᐅᔪᓂᒃ ᓄᑦᑕᕐᓂᖏᓐᓂᓪᓗ ᓂᕈᒥᓐᓂᐅᑉ, ᖁᖅᓱᕐᓂᖓ ᓯᕿᓂᐅᑉ ᓄᕈᐊᖅᑕᐅᓯᒪᑦᓱᓂ ᑭᒡᒐᖅᑐᐃᓂᐊᖅᑎᓪᓗᒍ ᐊᑦᓱᐃᓐᓂᖓᓂᒃ ᓄᓇᐅᑉ, ᐃᒪᐅᑉ ᕿᓚᐅᓪᓗ, ᑕᐃᒫᑦᓴᐃᓐᓇᒐᓚᒃ ᑭᒡᒐᖅᑐᖅᑕᐅᒻᒪᑦ ᓴᐃᒻᒪᑎᖓᓂᒃ ᓄᓇᕗᑦ.

ᖃᓂ ᓴᖅᑭᐸᓪᓕᐊᔪᖅ ᐅᖓᑖᓂᒃ ᓯᕿᓂᐅᑉ ᑕᑯᑦᓴᐅᑎᑦᓯᔪᖅ ᐊᓯᔾᔨᕐᓂᐅᔪᓂᒃ ᐊᐳᑎᒥ ᖃᐅᓯᕐᓇᕐᒥᓗ. ᑲᓲᒪᓂᖏᑦ ᖃᓂᐅᑉ ᓯᕿᓂᐅᓪᓗ ᑭᒡᒐᖅᑐᐃᔪᑦ ᓯᓚᐅᑉ ᐊᓯᔾᔨᕐᓂᖓᓂᒃ - ᖃᓄᖅ ᖃᓐᓂᓲᖑᒻᒪᖔᖅ ᓯᓚ ᓂᕈᒥᑦᓯᕙᓪᓕᐊᒋᐊᖃᖅᑎᓪᓕᒍ ,ᖃᓄᕐᓗ ᓂᕈᒥᒻᒪᖔᖅ ᐃᒃᑮᓇᕆᐊᖃᖅᓱᓂ.

ᐃᓐᓈᕈᖅ ᐊᒻᒪᓗ ᑰᒃ ᑭᒡᒐᖅᑐᐃᔫᒃ ᐊᐅᔪᐃᑦᑐᕐᓂᒃ ᐊᐅᑉᐸᓪᓕᐊᔪᓂᒃ ᐃᖏᕐᕋᔪᓂᓪᓗ ᐱᔾᔪᑕᐅᓪᓗᓂ ᓯᓚᐅᑉ ᐊᓯᔾᔨᕐᓂᖓ. ᖁᐊᑦ ᐃᒪᕖᑦ ᑕᓰᓪᓗ ᑭᒡᒐᖅᑐᖅᑕᐅᔪᑦ ᑐᖑᔪᖅᑐᓄᑦ, ᐃᖅᑲᐃᒍᑎᒋᓪᓗᑎᒍᓗ ᐱᒻᒪᕆᐅᓂᖓᓂᒃ ᐃᒪᐅᑉ ᓯᑰᓪᓗ ᐊᖑᓇᓱᕝᕕᒋᓗᒋᑦ ᒪᑭᒪᑦᓯᒍᑎᒋᓗᒋᑦ ᓄᓇᓕᑦᑎᓐᓂᒃ.