ᓄᓇᕗᒻᒥ ᐊᕕᑦᑐᖅᓯᒪᔪᓂ ᓱᖏᐅᑎᓂᕐᒧᑦ ᑲᑐᔾᔨᖃᑎᒌᑦᑐᑦ ᐊᐅᓚᓂᖓᑦ ᓄᓇᕗᓕᒫᒧᑦ ᐊᐅᓚᔾᔭᒋᐊᕈᑕᐅᔪᖅ, ᐱᕙᓪᓕᐊᑎᑕᐅᓯᒪᑦᓱᓂ ᒐᕙᒪᒃᑯᖏᓐᓄᑦ ᓄᓇᕗᑦ ᐃᓚᒋᔭᐅᓪᓗᓂ ᓄᓇᒥᐅᑕᓕᓕᕆᔨᓄᑦ ᑲᓇᑕᒥ ᐊᕕᑦᑐᖅᓯᒪᔪᓂ ᓱᖏᐅᑎᓂᕐᒧᑦ ᑲᑐᔾᔨᖃᑎᒌᓐᓂᒃᑯᑦ ᐊᐅᓚᓂᖓᑦ. ᑎᑭᑦᓱᒪᔭᐅᔪᖅ ᑖᒃᑯᓄᖓ ᓯᕗᕙᖅᑎᑦᓯᓂᖅ ᓯᓚᐅᑉ ᐊᓯᔾᔨᕐᓂᖓᓄᑦ ᓱᖏᐅᑎᓂᕐᒧᑦ ᐊᑦᑐᐊᔪᓄᑦ ᐃᓱᒫᓘᑕᐅᔪᓄᑦ ᓇᓗᓇᐃᖅᑕᐅᓯᒪᔪᓄᑦ ᐃᓱᒫᓘᑕᐅᔪᓄᑦ ᐅᔭᕋᓐᓂᐊᕐᓂᕐᒨᖓᔪᓄᑦ ᐋᖅᑭᐅᒪᔾᔪᑎᓄᓪᓗ ᐅᑯᐊ ᓱᖏᖅᑑᑎᒋᔭᖏᓐᓄᑦ.
ᑕᑯᑦᓴᐅᔪᖅ ᑲᓇᑕᐅᑉ ᐅᑭᐅᖅᑕᖅᑐᖓ ᐊᑑᑎᒋᐊᖓ ᐊᓚᒡᒐᐃᑦᑐᒻᒪᕆᓐᓂᒃ ᐊᓯᔾᔨᕐᓂᐅᔪᓂᒃ ᓯᓚᒥ. ᐅᑯᐊ ᐊᓯᔾᔨᕐᓂᐅᔪᑦ ᐊᑦᑐᐃᓂᖅᐸᐅᒧᑦ ᐅᑭᐅᖅᑕᖅᑑᑉ ᐊᕙᑎᖓᓂᒃ, ᖃᑭᒪᓇᓱᐊᕐᓂᖓᓂᒃ ᐊᒻᒪᓗ ᐱᖅᑯᓯᖓᓂᒃ.
ᓄᓇᕗᒻᒥ ᐅᔭᕋᓐᓂᐊᕐᓂᖅ ᑐᑦᑕᕐᕕᐅᔪᖅ ᐊᕕᑦᑐᖅᓯᒪᔪᓂ ᖃᑭᒪᓇᓱᐊᓂᕐᒧᑦ. ᐃᑲᔪᖅᓯᓂᖃᖅᑐᖅ ᐅᑭᐅᖅᑕᖅᑐᒥ ᐱᕙᓪᓕᐊᓂᕐᒥᒃ ᓴᖅᑮᓂᒃᑯᑦ ᐃᖅᑲᓇᐃᔭᑦᓴᓂᒃ, ᐃᑲᔪᖅᓯᔪᓂᒃ ᖃᕿᒪᓇᓱᐊᕐᓂᒧᑦ ᐊᐅᓚᓂᐅᔪᓂᒃ, ᖃᐅᔨᒪᔭᐅᑎᑦᓯᑦᓱᑎᓪᓗ ᐃᓕᓐᓂᐊᕋᑦᓴᐅᔪᓂᒃ.
ᓯᓚᐅᑉ ᐊᓯᔾᔨᕐᓂᖓ, ᐱᓗᐊᖅᑐᒥᒃ ᐊᑦᑐᐊᔪᓄᑦ ᐊᐅᔪᐃᑦᑑᑉ ᓄᓇᐅᑉ ᐊᐅᑉᐸᓪᓕᐊᓂᖓᓄᑦ, ᐊᓚᒡᒐᐃᑦᑐᐹᓗᒃ ᐃᓱᒫᓘᑕᐅᓯᒪᓕᖅᑐᖅ ᐋᖅᑭᐅᒪᔾᔪᑏᑦ ᐸᕐᓇᑕᐅᓂᖏᓐᓄᑦ ᒪᑭᒪᔭᐅᓂᖏᓐᓄᓪᓗ ᓄᓇᕗᒻᒥ. ᓂᕆᐅᒋᔭᐅᔪᑦ ᐊᓯᔾᔨᕐᓂᐊᕆᐊᖏᑦ ᐊᐅᔪᐃᑦᑐᓂ ᓄᓇᓂ ᓴᖅᑮᓯᒪᔪᑦ ᐊᑦᓱᕈᕐᓇᖅᑐᑲᓐᓂᕐᒥᒃ ᐋᖅᑭᑦᓱᐃᓂᕐᒧᑦ ᑎᑎᖅᑑᔮᕐᓂᕐᒧᓪᓗ ᓄᑖᓂᒃ ᓇᑉᐸᕆᐊᓕᓐᓂᒃ ᓲᕐᓗ ᑐᓚᑦᑕᕐᕖᑦ, ᐊᖅᑯᑏᑦ, ᓄᓇᓯᐅᑎᑯᑖᓄᑦ ᐊᖅᑯᑏᑦ ᐊᒻᒪᓗ ᐋᖅᑭᑦᓱᐃᓂᖅ ᐊᐅᓚᑦᓯᕕᓐᓂᒃ ᐃᓪᓗᓂᒃ.
ᑐᕌᒐᕆᔭᐅᔪᑦ ᓄᓇᕗᒻᒥ ᐊᕕᑦᑐᖅᓯᒪᔪᓂ ᓱᖏᐅᑎᓂᕐᒧᑦ ᑲᑎᒪᔨᕋᓛᓄᑦ:
- ᐱᕚᓪᓕᖅᑎᓪᓗᒍ ᓄᓇᕗᑦ ᐊᓐᓇᒍᓐᓇᕐᓂᖓ ᐊᓯᔾᔨᖅᑐᒧᑦ ᓯᓚᒧᑦ ᑲᑐᔾᔨᖃᑎᒌᓐᓂᒃᑯᑦ ᐊᐅᓚᓂᒃᑯᑦ ᕿᒥᕐᕈᓗᒋᑦ ᐋᖅᑭᐅᒪᔾᔪᑏᑦ ᐃᑲᔪᖅᓯᒍᑕᐅᓗᑎᒃ ᐅᔭᕋᓐᓂᐊᕐᓂᕐᒧᑦ ᐊᐅᓚᓂᐅᔪᓂᒃ, ᐱᓗᐊᖅᑐᒥᒃ ᐊᐅᓚᑦᓯᓂᕐᒥᒃ ᐅᓗᕆᐊᓇᖅᑐᓂᒃ ᓯᓚᐅᑉ ᐊᓯᔾᔨᕐᓂᖓᓅᖓᔪᓂᒃ ᐊᒥᐊᒃᑯᕐᓗᑯᓄᑦ ᓱᕈᓐᓂᓪᓗ ᐊᐅᓚᑦᓯᕕᐅᔪᓄᑦ, ᐊᖅᑯᑎᓄᑦ ᐊᒻᒪᓗ ᑐᓚᑦᑕᕐᕖᑦ ᐋᖅᑭᑦᓯᒪᓂᖏᓐᓄᑦ; ᐊᒻᒪᓗ
- ᐱᕚᓪᓕᑎᑦᓯᓗᑎᒃ ᐱᔪᓐᓇᕐᓂᐅᔪᒥᒃ ᓯᕗᕙᖅᑎᑦᓯᓂᕐᒧᑦ ᓱᖏᐅᑎᓂᕐᒧᑦ ᖃᓄᖅᑑᕈᑕᐅᔪᓂᒃ ᑖᒃᑯᓇᓂ.
ᑖᒃᑯᐊ ᑐᕌᒐᐅᔪᑦ ᐱᔭᐅᒐᓱᐊᖅᑐᑦ ᐅᑯᑎᒎᓇ ᐊᐅᓚᓂᒃᑯᑦ:
ᒪᓐᓂᑦᓯᐅᑎᓯᒪᑐᐃᓐᓇᕆᐊᖃᕐᓂᕐᒥᒃ ᕿᒥᕐᕈᓂᖅ ᓄᓇᕗᒻᒥ ᐅᔭᕋᓐᓂᐊᖅᑐᓂᒃ ᓯᓚᐅᑉ ᐊᓯᔾᔨᕐᓂᖓᓄᑦ
ᐅᓇ ᐊᐅᓚᓂᐅᔪᖅ ᐱᖃᓯᐅᔾᔨᔪᖅ ᖃᐅᔨᕐᓴᕐᓂᕐᒥᒃ ᒪᓐᓂᑦᓯᐅᑎᓯᒪᓂᕐᒥᒃ ᐊᐅᔪᐃᑦᑑᑉ ᓄᓇᐅᑉ ᐊᐅᑉᐸᓪᓕᖓᓄᑦ ᓱᕈᓐᓂᒃ ᓄᐊᑦᓯᕕᓐᓂ ᐊᒻᒪᓗ ᑐᓚᑦᑕᕐᕖᑦ ᐋᖅᑭᑦᓯᒪᓂᖏᓐᓂ. ᐅᓇ ᐊᐅᓚᓂᐅᔪᖅ ᑲᒪᒋᐊᔭᖃᕐᓂᐊᖅᑐᖅ ᐃᓗᓕᖅᑐᔪᓂᒃ ᓂᕆᐅᒋᔭᐅᔫᑉ ᓯᓚᐅᑉ ᐊᓯᔾᔨᕐᓂᖓᓄᑦ ᐊᒻᒪᓗ ᑐᕌᒐᖃᕐᓂᖅ ᓯᓚᐅᑉ ᐃᑉᐱᓐᓂᕆᐊᑭᓐᓂᖓᓂᒃ ᓱᖏᐅᑎᓂᕐᒧᓪᓗ ᐱᔪᓐᓇᕐᓂᐅᔪᓂᒃ ᐅᔭᕋᓐᓂᐊᕐᓂᕐᒥ ᐱᕈᖅᐸᓪᓕᐊᑎᑦᓯᓗᑎᒃ ᑲᔪᓯᑎᑦᓯᓗᑎᓪᓗ ᐋᖅᑭᐅᒪᔾᔪᑎᓪᓗᐊᑕᕐᓂᒃ, ᐊᒻᒪᓗ ᓯᕗᓪᓕᐅᑎᒋᐊᓕᓐᓂᒃ ᓯᕗᓂᕐᒥ ᐊᐅᓚᔾᔭᒋᐊᕈᑎᓄᑦ.
ᑎᑎᕋᖅᑕᐅᓂᖏᑦ ᐊᐅᓚᓂᑦᓯᐊᕙᐃᑦ ᐅᑭᐅᖅᑕᖅᑐᒥ ᕿᓂᕐᓂᕐᒧᑦ ᐅᔭᕋᓐᓂᐊᕐᓂᕐᒧᓪᓗ
ᐅᓇ ᐊᐅᓚᓂᐅᔪᖅ ᐱᖃᓯᐅᔾᔨᔪᖅ ᐅᖃᖃᑎᖃᕐᓂᕐᒥᒃ ᐅᔭᕋᓐᓂᐊᖅᑎᓂᒃ, ᒪᓕᒐᖃᖅᑎᑦᓯᔪᓂᒃ ᐊᒻᒪᓗ ᐊᓯᖏᓐᓂᒃ ᖃᓄᖅᑑᖅᑎᓂᒃ ᑎᑎᕋᖅᑎᓪᓗᒋᑦ ᒫᓐᓇ ᐅᑭᐅᖅᑕᖅᑐᒥ ᐅᔭᕋᓐᓂᐊᖅᑎᓄᑦ ᐊᐅᓚᓂᐅᔪᓂᒃ. ᑕᒪᓐᓇ ᓇᓗᓇᐃᖅᓯᒍᑕᐅᓂᐊᖅᑐᖅ ᐅᑭᐅᖅᑕᖅᑐᒥ ᕿᓂᕐᓂᖅ ᐅᔭᕋᓐᓂᐊᕐᓂᕐᓗ ᑖᓐᓇ ᐊᐅᓚᓂᐅᔪᖅ ᐱᖃᓯᐅᔾᔨᔪᖅ ᐅᖃᖃᑎᖃᕐᓂᕐᒥᒃ ᐅᔭᕋᓐᓂᐊᖅᑎᓂᒃ, ᒪᓕᒐᓕᕆᔨᓂᒃ ᐊᓯᖏᓐᓂᓪᓗ ᖃᓄᖅᑐᖅᑎᓄᑦ ᑎᑎᕋᕐᓗᑎᒃ ᒫᓐᓇ ᐅᑭᐅᖅᑕᖅᑐᒥ ᐅᔭᕋᓐᓂᐊᕐᓂᕐᒧᑦ ᐊᐅᓚᓂᐅᕙᑦᑐᓂᒃ. ᑕᒪᓐᓇ ᓇᓗᓇᐃᖅᓯᒍᑕᐅᓂᐊᖅᑐᖅ ᓱᓇ “ᐱᐅᔫᒻᒪᖔᖅ” ᐊᕙᑎᒧᑦ ᐊᐅᓚᓂᐅᔪᓄᑦ ᐅᑭᐅᖅᑕᖅᑐᒥ ᐅᔭᕋᓐᓂᐊᕐᓂᕐᒧᑦ - ᕿᓂᕐᓂᒃᑯᑦ ᒪᑐᓂᖓᓄᑦ ᐅᑎᖅᑎᑦᓯᓂᖓᓄᓪᓗ.
ᐊᐅᓚᓂᕐᒧᑦ ᑲᑐᔾᔨᖃᑎᒌᑦ:
- ᒐᕙᒪᒃᑯᖏᑦ ᓄᓇᕗᑦ - ᒥᓂᔅᑕᐅᕕᖓᑦ ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗ
- ᒐᕙᒪᒃᑯᖏᑦ ᓄᓇᕗᑦ - ᒥᓂᔅᑕᐅᕕᖓᑦ ᐊᕙᑎᓕᕆᔨᒃᑯᑦ
- ᓄᓇᒥᐅᑕᓕᕆᔨᒃᑯᑦ ᑲᓇᑕᒥ
- ᓄᓇᕗᒻᒥ ᖃᐅᔨᓴᖅᑐᓕᕆᔩᑦ
- ᓄᓇᕗᒻᒥ ᐊᑦᑐᖅᑕᐅᓂᕐᒧᑦ ᕿᒥᕐᕈᔩᑦ
- ᓄᓇᕗᒻᒥ ᑲᑐᔾᔨᖃᑎᒌᑦ ᐅᔭᕋᓐᓂᐊᕐᓂᕐᒧᑦ
- ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦ
- ᕼᐋᒻᒪᓚᒃᑯᖏᑦ ᐃᖃᓗᑦᑑᑦᑎᐊᖅ
- Newmont ᐅᔭᕋᓐᓂᐊᖅᑏᑦ
- ᓄᓘᔮᓐᓂ ᐅᔭᕋᓐᓂᐊᕐᓂᕐᒧᑦ ᑯᐊᐳᕇᓴ
- ᐊᕇᕙ
ᐊᐅᓚᓂᕐᒧᑦ ᑐᑦᑕᕐᕖᑦ
ᔭᕋᑦ ᕗᕋᐃᓴ
ᑕᒻᒪᕇᒃᑯᑎᓕᕆᔨ
ᐱᕙᓪᓕᐊᔪᓕᕆᔨᒃᑯᑦ ᐃᖏᕐᕋᔪᓕᕆᔨᒃᑯᓪᓗᐞᒐᕙᒪᒃᑯᖏᑦ ᓄᓇᕗᑦ
ᐃᖃᓗᑦᑑᑦᑎᐊᖅ, ᓄᓇᕗᑦᐞᐅᕐᑳᓚᐅᑖ: (867) 983-4160ᐞᖃᕆᑕᐅᒃᑯᑦ: jfraser@gov.nu.ca
ᐃᑲᔪᖅᓯᒍᑕᐅᔪᑦ
ᑐᑭᓯᒋᐊᒃᑲᓐᓂᕈᓐᓇᖅᑐᑎᑦ ᓄᓇᒥᐅᑕᓕᕆᔨᒃᑯᓐᓂᒃ ᑲᓇᑕᒥ ᐅᕗᖓ ᑕᑯᓂᐊᕐᓗᑎᑦ:
