“ᐊᓄᕆᓂᖅᓴᐅᖃᑦᑕᓕᖅᑐᖅ ᒫᓐᓇ ᐊᓯᔾᔨᐸᓪᓕᐊᑦᓱᓂᓗ ᓯᑯ ᐃᒪᕐᓗ ᓱᑲᑦᑐᐹᓗᒻᒥᒃ, ᓂᕈᒥᓂᖅᓴᐸᓘᓕᖅᑐᖅ.”

“ᐱᑭᐅᓪᓕᐊᖅᐸᔪᒐᓗᐊᖅᑐᖓ ᑭᓯᐊᓂ ᒫᓐᓇ ᐊᑦᑕᕐᓇᓗᐊᓕᕐᒪᑦ ᐃᖏᕐᕋᒋᐊᑦᓴᖅ ᓯᒃᑯᑯᑦ ᐅᐸᑉᐸᔪᔭᕋᓗᐊᒃᑲ ᐅᐸᒍᓐᓇᐃᓪᓕᔭᒃᑲ. ᑕᕆᐅᑉ ᓯᑯᖓ ᐅᕙᓐᓂᒃ ᐊᑦᑐᐃᓯᒪᓂᖅᐸᐅᕙᓪᓚᐃᔪᖅ.”

“ ᓂᕈᒥᓐᓂᖅᓴᐹᓘᓕᖅᑐᖅ ᒫᓐᓇ, ᐅᑭᐅᒃᑯᑦ ᐊᓪᓛᑦ. ᐃᒃᑮᓇᖅᑐᓪᓚᕆᐊᓘᕙᔪᒐᓗᐊᕐᒪᑦ ᔮᓐᓄᐊᕿᒥ ᑏᓴᕝᕙᒥᓗ ᑭᓯᐊᓂ ᒫᓐᓇ ᐃᒃᑮᓇᓗᐊᕈᓐᓃᖅᑐᖅ. ᓂᕈᒻᒥᓐᓂᖅ ᐊᓯᔾᔨᖅᓯᒪᔪᖅ.”

“ᖃᓐᓂᖃᑦᑕᖅᑑᒐᓗᐊᖅ ᑭᓯᐊᓂ ᑕᕝᕙᓂᓪᓗᐊᖑᓐᖏᑦᑐᖅ. ᖃᓂᖃᑦᑕᖅᑐᖅ ᐊᐅᔭᓪᓗᐊᒥ ᓄᓇ ᐊᐱᒻᒪᕆᑦᓱᓂ.”

“ᑕᐃᑦᓱᒪᓂᒋᐊᖅ ᓂᕈᒥᑦᓯᒐᐃᒻᒪᑦ ᓂᕈᒥᑦᑑᕙᔪᔪᖅ ᖃᑦᓯᒐᓛᓂᒃ ᐅᓪᓗᓂᒃ ᐱᓇᓱᐊᕈᓯᕐᓂᓘᓐᓃᑦ, ᓂᕈᒥᑲᐃᓐᓇᖅᐸᔪᔪᖅ. ᐊᒻᒪᓗ ᐃᒃᑮᓇᖅᓯᒐᐃᒻᒪᑦ ᐊᑯᓂᐊᓗᒃ ᐃᒃᑮᓇᖅᐸᑦᓱᓂ ᑭᓯᐊᓂ ᒫᓐᓇᐅᓕᖅᑐᖅ ᓂᕈᒥᑦᓯᕙᓪᓕᐊᑐᐃᓐᓇᖅᑑᔮᖅᑐᖅ ᑭᓯᐊᓂ ᐅᓪᓗᐃᓐᓇᑲᓐᓂᖃᐃ ᓂᕈᒥᓪᓗᓂ ᖃᐅᖓᓂ ᐃᒃᑮᓇᖅᓯᓕᕇᖅᓱᓂ.”

“ᓯᓚ ᐅᓪᓗᒥ ᐊᔾᔨᒋᓐᖏᓪᓚᕆᓕᖅᑕᖓ… ᑕᑯᓯᒪᔪᖓ ᐊᒥᓱᐊᓗᓐᓂᒃ ᑰᓐᓂᒃ ᖁᐊᕐᓂᖅ (ᓯᕐᒥᓖᑦ) ᐊᐅᒪᓕᖅᑐᑦ ᑕᑯᖃᑦᑕᖅᓯᒪᔭᒃᑯᑦ. ᖁᐊᑦ ᑰᑦ ᓱᓕ ᐊᐅᑉᐊᓪᓕᐊᔪᑦ ᐅᖓᓯᑐᐹᓘᓕᖅᓱᑎᓪᓗ ᑕᕆᐅᕐᒥᒃ.”

“ᐃᑉᐱᒍᓱᑦᑐᖓ ᐅᓪᓗᒥ ᓄᓇᑦᑎᓐᓂ ᐊᐳᑎ ᐊᕿᓂᖅᓴᐹᓘᓕᖅᑐᖅ ᐃᑎᓂᖅᓴᐅᑦᓱᓂ, ᑭᓯᐊᓂ ᐅᓪᓗᒥ ᒥᑦᑎᒪᑕᓕᒻᒥ ᓯᑯ ᐊᔾᔨᒋᔫᔮᕈᓐᓃᖅᑕᖓ ᐱᐅᓯᕆᕙᔪᔭᖓᑕ.”

“ᑕᑯᓯᒪᔭᕋ ᓯᑯ ᐊᓯᔾᔨᖅᑐᖅ, ᐃᓚᖓᓂ ᐊᑯᓂᐅᓂᖅᓴᖅ ᓯᑯᒐᓱᐊᖃᑦᑕᓲᖅ…”

“ᐊᓯᔾᔨᖅᓯᒪᔪᒻᒪᕆᐊᓗᑦᑕᖃᓐᖏᑦᑐᖅ, ᑭᓯᐊᓂ ᐅᑭᐅᒃᑯᑦ ᐊᒦᑦ, ᐃᑎᖅᓱᒋᑦ ᐃᓪᓗᒧᑦ, ᑭᐊᑦᑎᑖᓯᕙᔪᒐᓗᐊᕐᒪᑕ. ᐅᓪᓗᒥᓕ, ᐸᓂᖅᑐᓪᓚᕆᐊᓗᐃᑦ. ᑕᓯᑎᖃᓗᐊᖅᓱᒋᑦ ᑕᐃᒪᐃᑉᐸᔪᒐᑎᒃ ᑕᐃᒪᐃᑉᐸᒍᓐᓃᖅᑐᑦ. ᓯᓚ ᐸᓂᓗᐊᖅᑑᔮᓕᖅᑐᖅ. ᓇᑦᓯᕋᔭᐃᑦ ᐊᓪᓛᑦ ᐱᔭᕆᐊᑐᓂᖅᓴᐅᓕᖅᑐᑦ ᑲᒪᒋᒋᐊᖏᑦ ᓯᓚᒦᑎᑉᐸᑦᓱᑎᒍᓗ ᓇᑦᓯᕋᔭᐃᑦ ᖃᑯᖅᓯᑲᓐᓂᖁᒧᑦ ᐱᒋᐊᖅᓱᓂ ᒫᑦᓯᒥ. ᐅᓪᓗᒥᐅᓐᖏᑦᑐᕐᓕ. ᑕᐃᒪᐃᑉᐸᓕᖅᑐᒍᑦ ᕕᕗᐊᕆᒥ ᓱᓕᓗ ᖃᑯᖅᓯᓂᕆᒋᐊᓕᒻᒥᑎᑐᑦ ᖃᑯᖅᓯᒐᑎᒃ ᐸᓂᖅᑐᓪᓚᕆᐊᓘᑦᓱᑎᒃ. ᑕᐃᑦᓱᒪᓂᓕ ᕿᒧᑦᓯᖅᐸᔪᒐᑦᑕ, ᐅᖓᓯᑦᑐᐊᓗᒻᒧᑦ ᕿᒧᑦᓯᖅᐸᔪᔪᒍᑦ. ᐸᕐᓇᐃᕆᐊᖃᖅᐸᔪᔭᕗᑦ ᐊᒦᑦ ᐄᓪᐳᕉᓪᒥ.

“ᑕᑯᑦᓴᐅᔪᖅ ᐊᐅᔪᐃᑦᑐᖅ ᓄᓇ ᐊᐅᑉᐸᓪᓕᐊᔪᖅ ᐃᑎᓂᖅᓴᒧᑦ. ᕿᒥᕐᕈᒐᓱᐊᓐᖏᒃᑲᓗᐊᖅᓱᓂ, ᑕᑯᑦᓴᐅᔪᖅ ᓄᓇ ᐊᓯᔾᔨᖅᑐᖅ, ᐱᓗᐊᖅᑐᒥᒃ ᓄᓇᓂ ᐊᐅᔪᐃᑦᑐᓕᓐᓂᒃ ᓯᑯᓂᒃ.”