ᕕᕗᐊᕆ 2-ᒥ, ᓄᓇᕗᒻᒥ ᓯᕗᓕᖅᑎ, ᐲᔭᐃ ᐊᕿᐊᕈᖅ, ᐊᒻᒪ ᓄᓇᕗᒻᒥ ᒥᓂᔅᑕ ᐊᕙᑎᓕᕆᔨᒃᑯᓐᓄᑦ, ᑕᐃᕕᑦ ᔪᐊᓇᓯ, ᑲᑎᖃᑎᖃᓚᐅᖅᐳᖅ ᓄᓇᕗᒻᒥ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᒪᒃᑯᒃᑐᓄᑦ ᐅᖃᐅᔾᔪᐃᔨᑦ ᑲᑎᒪᔨᕋᓛᖏᓐᓂᒃ, ᑲᑎᒪᔨᕋᓛᑦ ᐊᕐᕌᒍᓕᒫᖅᓯᐅᑎᒥᒃ ᑲᑎᒪᑎᓪᓗᒋᑦ. ᑲᑎᒪᑎᓪᓗᒋᑦ ᓄᓇᕗᒻᒥ ᑲᑎᒪᔩᑦ ᐊᒻᒪ ᑲᑎᒪᔩᑦ ᐃᓚᐅᔪᓐᓇᖅᓯᓚᐅᖅᐳᑦ ᐅᖃᖃᑎᖃᑦᑎᐊᖅᖢᑎᒡᓗ ᓯᕗᓕᖅᑎ ᐊᒻᒪ ᒥᓂᔅᑕ ᔪᐊᓇᓯᒥᑦ.
ᑕᒪᕐᒥᒃ ᓯᕗᓕᖅᑏᒃ ᐅᖃᓚᐅᖅᑐᑦ ᐅᐱᒍᓱᖕᓂᕋᖅᖢᑎᒃ ᑲᑎᒪᔨᕋᓛᓄᑦ, ᓇᓗᓇᐃᖅᓯᓪᓗᑎᒃ ᖃᓄᖅ ᑲᔪᖏᖅᓴᐃᔪᓐᓇᕐᒪᖔᑕ ᒪᒃᑯᒃᑐᓂᑦ ᑕᑯᓪᓗᑎᒃ, ᖁᕕᐊᒋᔭᖃᖅᑐᓂᒃ ᓄᓇᕗᒻᒥᐅᓂᒃ ᐱᓕᕆᐊᖃᖅᑐᓂᒃ ᐊᒃᓱᕈᓐᓇᓂᖅᐹᓂᒃ ᐱᕕᒃᓴᑦᑎᓐᓂ. ᐅᖃᐅᓯᖃᓚᐅᕐᒥᔪᑦ ᓇᖕᒥᓂᖅ ᐃᓱᒪᒋᔭᒥᖕᓂᒃ ᖃᓄᖅ ᐊᑐᖅᓯᒪᔭᖏᑦ ᑐᑭᓯᐅᒪᓕᕈᑎᒋᖕᒪᖔᑦ ᐊᕙᑎᑦᑎᓐᓂ ᓯᓚᐅᓪᓗ ᒥᒃᓵᓄᑦ. ᐃᓱᒪᒋᔭᒥᓂᒃ ᐅᖃᖃᑎᒌᑐᐃᓐᓇᓚᐅᖅᐳᑦ ᐃᓚᐅᑎᑦᑎᓪᓗᑎᒡᓗ, ᑲᑎᒪᔨᕋᓛᓂᑦ ᖃᔅᓯᑲᓪᓚᖕᓂᒃ ᐃᓱᒫᓘᑕᐅᓗᐊᖅᑐᓂᒃ ᐅᖃᐅᓯᖃᖅᖢᑎᒃ.
ᐅᖃᖃᑎᒌᒃᑐᑦ ᐊᑑᑎᖃᑦᑎᐊᖅᑐᓂᒃ ᑐᓴᖅᑎᑦᑎᓚᖅᐳᑦ ᒪᒃᑯᒃᑐᓄᑦ ᐃᓱᒪᒋᔭᒥᓂᒃ ᐅᖃᕈᓐᓇᖅᖢᑎᒃ ᐃᑲᔪᖅᖢᑎᒡᓗ ᐋᖅᑭᒃᓱᐃᑎᓪᓗᒋᑦ ᓄᓇᕗᒻᒥ ᓯᓚᐅᑉ ᐊᑐᐊᒐᖏᓐᓂᒃ. ᐅᖃᖃᑎᒌᒃᑐᑦ ᓴᙱᒃᑎᒋᐊᕈᑕᐅᓚᐅᖅᐳᖅ ᐱᒻᒪᕆᐅᓂᖓᓂᒃ ᑲᑐᔾᔨᖃᑎᒌᖕᓂᖅ ᒫᓐᓇ ᓯᕗᓕᖅᑎᒋᔭᐅᔪᓂᒃ ᐃᓱᒪᓕᐅᕆᔨᓂᒡᓗ, ᐊᒻᒪ ᒪᒃᑯᒃᑐᑦ ᓯᕗᓕᖅᑎᑦ, ᓯᕗᓂᒃᓴᑦᑎᓐᓂ ᓴᐱᓕᖅᓴᕋᐃᙱᓐᓂᖅᓴᐅᖁᓪᓗᒋᑦ.