Uvani Iidjirurvia 2nd, Nunavut Hivuliqtia, P.J. Akeeagok, nalu Nunavut Minista Avatiqijitkunun, David Joanasie, katimaqatigijait Nunavunmi Hilap Aalanguqtirniranun Inulramiit Uqaudjijit Katimajiit (NuCCYAC), katimatilugit ukiumi upalungaijautinun katimadjutini. Katimatilugit NuCCYAC ilaujut pijakhaqaqhutik ilaulutik naunaijautiqaqtuni uqautigijaujut haffumunga Hivuliqtimin unalu Minista Joanasie.
Tamangnik hivuliqtik uqautigijait inmi quviahuutitik katimajiinun, akhuurutigiblugu qanuqtut akhuuqhainirit tautukhugit inulramiit, quviahuktut Nunavunmiut pidjutigijaat atauhiq akhut akhuurutaujuq ajungnaqtuq atuqtaujuq. Uquatigiblugillu inmi ihumagijatik mikhaanun qanuqtut inmi atuqhimajtik ihuaqhaidjutigijaat inmi kangiqhidjutitik avatiliqinirmun ukualu hilakkut ajuqhautit. Uqautigijaujut kangiqhidjutiqaqtut ilauqatigiigutillu, katimajiinun ilaujunun uqautigijait qaffit ihumaaluutauluaqtut.
Uqautiginirit tunihijut iharianaqtunik pijakhanik inulramiit nipiinin inmi ihumagijamingnik ukualu ikajuqtut ihuaqhainirmun Nunavunmi hilap aalanguqtirniranun maliruagahanun. Himmautigiigutait akhuuqhaidjutiqaqtut havaqatigiingnirmun qitqani tadja hivuliqtit ukualu ihumaliurutinik-havaktut, ukualu inlramiit hivuliqtit, havangiranun mahulingainikkut hivunikhaq.