ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᑐᖅᑲᖅᑕᕐᕕᒃ ᐊᓕᐊᓇᐃᒍᓱᒃᑐᑦ ᑐᓴᖅᑎᑦᑎᔭᕆᐊᒃᓴᖅ ᒪᕐᕉᖕᓂᒃ ᓄᑖᓂᒃ ᐃᓕᓐᓂᐊᕈᑎᒃᓵᖕᓂᒃ ᓴᖅᑭᑎᑦᑎᖕᒪᑕ ᐱᔾᔪᑎᖃᓗᐊᖅᑐᑦ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂᑦ ᑲᔪᓰᓐᓇᕈᓐᓇᖅᑐᓂᒡᓗ ᐆᒻᒪᖅᑯᑎᑦ ᓴᖅᑭᔮᖅᑎᒃᑲᓐᓂᕐᓗᒋᑦ ᖃᓄᐃᓕᐅᕐᓂᕐᓗ.
ᓘᓯᐅᑉ ᐃᓕᓐᓂᐊᒐᒃᓴᖓ ᐅᓂᒃᑳᖅᑐᐊᖑᕗᖅ ᓴᓇᔭᐅᓯᒪᔪᖅ ᐃᓕᓐᓂᐊᖅᑎᓄᑦ ᐊᔪᙱᓐᓂᓕᖕᓄᑦ 1-ᒥ 3-ᒧ. ᒪᒃᑯᒃᑑᑉ ᐊᕐᓇᐅᑉ ᓘᓯᒥ ᐊᑎᑲᖅᑑᑉ ᓇᒧᙵᐅᕙᓪᓕᐊᓂᖓᓂ ᒪᓕᒃᐳᖅ ᐃᓕᑦᑎᕙᓪᓕᐊᑎᓪᓗᒍ ᖃᓄᖅ ᓯᓚᐅᑉ ᐊᓯᔾᔨᖅᐸᓪᓕᐊᓂᖓ ᐊᒃᑐᐃᖕᒪᖔᑦ ᐃᓚᒥᓂᒃ ᓄᓇᓕᖕᓂᓪᓗ. ᐱᓕᕆᖃᑎᖃᖅᖢᑎᒃ ᐅᓂᒃᑳᖅᑐᐊᖅᑎᓂᒃ ᑎᑎᕋᐅᔭᑦᑎᐊᖅᓯᒪᔪᓂᓪᓗ, ᐅᖃᓕᒫᒐᕐᒥ ᓇᓗᓇᐃᖅᑕᐅᔪᖅ ᐊᒃᑐᐊᖃᑦᑕᐅᑎᓂᖓᓂᒃ ᐃᓅᓯᑦᑎᓐᓂ, ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓂ, ᐆᒻᒪᖅᑯᑎᒥᑦ ᓂᕈᐊᕆᔭᐅᕙᒃᑐᑦ ᖃᓄᕐᓗ ᓅᑉᐸᓪᓕᐊᓂᖅ ᑲᔪᓰᓐᓇᕈᓐᓇᖅᑐᓄᑦ ᐆᒻᒪᖅᑯᑎᖃᖅᑎᑦᑎᔨᑦ ᐃᑲᔪᕈᓐᓇᖅᐳᑦ ᓄᓇᓕᑦᑎᓐᓂ ᐊᕙᑎᑦᑎᓐᓂᒡᓗ.
ᑲᒪᒋᑦᑎᐊᕐᓚᕗᑦ (ᐱᓕᕆᐊᒃᓴᖅ 1) ᐅᖃᓕᒫᒐᐅᓪᓗᓂ ᑐᕌᖓᔪᖅ ᐊᑯᓪᓕᕐᒥ ᐃᓕᓐᓂᐊᖅᑎᓄᑦ. ᑖᓐᓇ ᓯᕗᓪᓕᖅᐹᑦᑎᐊᖅ ᓴᖅᑭᑕᐅᔪᖅ ᓇᐃᑦᑐᒥᒃ ᐅᓂᒃᑳᖅᑐᐊᖃᖅᐳᖅ, ᑐᑭᓯᕚᓪᓕᕐᓇᖅᖢᓂ ᑎᑎᕋᖅᓯᒪᔪᖅ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᑕ ᒥᒃᓵᓄᑦ, ᕿᒥᕐᕈᐊᒐᖅ, ᐊᐱᖅᓱᖅᑕᐅᓪᓗᓂ ᐆᒪᔪᕐᓂᐊᖅᑎᒥᑦ, ᐊᓕᐊᓇᐃᑦᑐᐃᓪᓗ ᐱᙳᐊᕈᑎᑦ ᐱᓕᕆᐊᒃᓴᓪᓗ. ᑖᓐᓇ ᐅᖃᓕᒫᒐᖅ ᑐᕌᒐᖃᖅᐳᖅ ᐃᓕᓐᓂᐊᖅᑎᑦᑎᔪᒪᓪᓗᑎᒃ ᑲᔪᖏᖅᓴᐃᓗᑎᒡᓗ ᒪᒃᑯᒃᑐᓂᒃ ᓄᓇᕗᒻᒥ ᓯᓚᓕᕆᒃᑳᓘᓕᕐᓗᑎᒃ ᓄᓇᓕᖏᓐᓂᒃ.
ᐊᑖᓃᑦᑐᑦ ᓇᕿᓪᓗᒋᑦ ᖃᐅᔨᓇᓱᒡᓗᒋᑦ ᑕᒪᕐᒥᒃ ᐃᑲᔫᑎᒃᓴᑦ!
ᑲᒪᒋᑦᑎᐊᕐᓚᕗᑦ (ᐱᓕᕆᐊᒃᓴᖅ 1) – ᐃᓄᒃᑎᑐᑦ
ᑲᒪᒋᑦᑎᐊᕐᓚᕗᑦ (ᐱᓕᕆᐊᒃᓴᖅ 1) – ᖃᓪᓗᓈᑎᑐᑦ