ᓄᓇᕐᔪᐊᖅ ᐅᓪᓗᖓ, ᑕᑯᔭᐅᖃᑦᑕᖅᑐᖅ ᐊᐃᕐᕆᓕᑕᒫᑦ 22-ᖑᓕᕌᖓᑦ, ᓄᓇᕐᔪᐊᕐᒥᑦ ᐅᓪᓗᕆᔭᐅᕗᖅ ᐊᕙᑎᑦᑎᓐᓂ ᐅᔾᔨᕈᓱᓕᖅᑎᑦᑎᒃᑲᓐᓂᕈᒪᓪᓗᑎᒃ ᓴᐳᔾᔨᔪᒪᓪᓗᑎᒡᓗ. ᑕᒪᑐᒪᓂ ᐊᕐᕌᒍᒥ ᐱᔾᔪᑕᐅᓂᐊᖅᑐᖅ,"ᓄᓇᕐᔪᐊᕗᑦ, ᓴᙱᓂᕗᑦ,"ᑎᓕᐅᕆᔪᑦ ᓄᓇᓕᖕᓂ ᐱᓕᕆᖃᑎᒌᖁᓪᓗᒋᑦ ᓅᑉᐸᓪᓕᐊᑎᑦᑎᓗᑎᒃ ᑲᔪᓰᓐᓇᕈᓐᓇᖅᑐᒥᒃ ᐆᒻᒪᖅᑯᑎᖃᕐᓂᕐᒥᑦ.
ᖁᕕᐊᓲᑎᒋᓗᒍ ᓄᓇᕐᔪᐊᑉ ᐅᓪᓗᖓ 2025, ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᑐᖅᑲᖅᑕᕐᕕᒃ (CCS) ᐊᑭᖃᙱᑦᑐᒥᒃ ᓄᓇᓕᖕᓂ ᑕᕐᕆᔭᖅᑎᑦᑎᓚᐅᖅᑐᑦ ᓘᑦᑖᖅ ᓯᐅᔅ' ᓛᕋᒃᔅ ᐃᖃᓗᖕᓂ ᑕᕐᕆᔭᕐᕕᖓᓂ. ᑕᕐᕆᔭᕆᐊᖅᑐᑦ ᐊᑭᖃᙱᑦᑐᒥᒃ ᐹᒃᑯᐊᖅᑐᖅᑎᑕᐅᓚᐅᕆᕗᑦ ᓂᐅᖅᑲᒐᒃᓴᒥᓪᓗ ᐱᓕᕆᐊᖑᔪᒧᑦ ᐃᓚᒋᔭᐅᓪᓗᓂ, ᑐᕌᒐᖃᖅᖢᑎᒃ ᓴᖅᑭᔮᖅᑎᒃᑲᓐᓂᕈᒪᓪᓗᒋᑦ ᐊᕙᑎᑦᑎᓐᓂ ᓴᐳᔾᔨᓯᒪᓂᐅᑉ ᒥᒃᓵᓄᑦ ᓯᓚᐅᓪᓗ ᐊᓯᔾᔨᖅᐸᓪᓕᐊᓂᖓᓄᑦ ᖃᓄᐃᓕᐅᕈᑕᐅᔪᑦ.
ᑕᕐᕆᔭᖅᑎᑦᑎᔪᑦ ᑲᔪᓯᑦᑎᐊᓚᐅᖅᑐᑦ, ᐃᓄᐃᑦ ᖃᐃᔪᑦ 90−ᑲᓴᑦᑎᐊᖑᓪᓗᑎᒃ −ᓄᑕᖅᑲᓂᒃ ᐃᓐᓇᕐᓄᑦ −ᑕᕐᕆᔭᕐᕕᒃ ᑕᑕᑦᑎᐊᖅᖢᓂ. ᐃᓄᒋᐊᑦᑎᐊᖅᑐᑦ ᑲᔪᓯᓚᐅᖅᐳᑦ ᑕᕐᕆᔮᓂᒃᑎᓪᓗᒋᑦ, ᐃᓚᐅᔪᑦ ᐊᐱᖅᑯᑕᐅᔪᓂᒃ ᑭᐅᑲᑕᒃᖢᑎᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ, ᑲᔪᓯᑎᑕᐅᔪᓐᓇᖅᑐᑦ ᐱᔾᔪᑎᒋᓪᓗᒋᑦ, ᑕᕐᕆᔭᖅᑕᐅᔪᒥᓪᓗ ᑐᓴᖅᑕᐅᔭᕆᐊᖃᓗᐊᖅᑐᒥᑦ. ᓵᓚᒃᓴᖅᑐᑦ ᓵᓚᒃᓴᐅᓯᐊᒃᓴᑦᑎᐊᕙᖕᓂᑦ ᐊᖏᕐᕋᐅᔾᔨᓪᓗᑎᒃ, ᖁᕕᐊᓇᖅᓯᒃᑲᓐᓂᖅᖢᓂ ᐃᓚᐅᑦᑎᐊᖅᖢᑎᒡᓗ ᐅᓐᓄᒃᓴᐅᑎᓪᓗᒍ.