ᐃᒪᖅ ᐊᑑᑎᖃᓪᓚᕆᒻᒪᑦ ᐅᑭᐅᖅᑕᖅᑐᒥ ᓄᓇᓕᓐᓄᑦ ᐆᒪᔾᔪᑎᓄᓪᓗ ᐱᒻᒪᕆᐊᓗᒻᒥᓪᓗ ᐊᐅᓚᓂᖃᖅᓱᓂ, ᐊᑦᑐᐊᑦᓱᓂ ᓯᓚᒧᑦ ᐊᐅᔪᐃᑦᑐᒧᓪᓗ ᓄᓇᒧᑦ, ᐃᑭᐊᖏᓐᓂ ᐊᒻᒪᓗ ᒪᑭᒪᒍᓐᓇᕐᓂᖏᓐᓂ ᐅᑭᐅᖅᑕᖅᑐᒥ ᓄᓇᐃᑦ. ᓇᓗᓇᐃᕈᑎᒋᓗᒍ ᐊᑦᑐᐃᓂᖏᓐᓂᒃ ᓯᓚᐅᑉ ᐊᓯᔾᔨᕐᓂᖓᑲ ᐱᓱᑦᑎᓂᒃ ᐆᒪᔾᔪᑎᖏᓐᓂᓪᓗ ᐊᒻᒪᓗ ᐃᒪᑦᓯᐊᕙᐅᑉ ᐱᐅᔫᓂᖓᓂᒃ ᐊᑐᐃᓐᓇᐅᓂᖓᓂᓪᓗ ᐅᑭᐅᖅᑕᖅᑐᒥ ᓴᖅᑮᓯᒪᔪᒍᑦ ᐃᒪᓕᕆᕕᒻᒥᒃ ᓄᓇᒥᓗ ᐆᒪᔾᔪᑎᓂᒃ ᖃᐅᔨᓴᕈᑎᓂᒃ.
ᖃᐅᔨᓴᕐᓂᖅ ᐊᑑᑎᔪᖅ Cape Bounty ᐅᑭᐅᖅᑕᖅᑐᒥ ᐃᒪᓕᕆᕕᒻᒥ ᖃᐅᓱᐃᑦᑑᑉ ᕿᑭᖅᑕᖓᓂ, ᓴᓂᐊᓂ ᓄᓇᕗᑦ/ᓄᓇᑦᓯᐊᑉ ᑭᓪᓕᖓᑕ, ᓱᓕᓗ ᐃᖅᑲᓇᐃᔮᖃᒃᑲᓐᓂᖅᒥᑦᓱᑕ Polar Bear Pass -ᒥ ᕿᖓᐅᒻᒥ. ᖃᐅᔨᓴᕐᓂᖅ Cape Bounty ᐅᑭᐅᖅᑕᖅᑐᒥ ᐃᒪᓕᕆᕕᒻᒥ ᖃᐅᔨᓴᕐᓂᐊᖅᑐᒍᑦ ᖃᓄᖅ ᓯᓚᐅᑉ ᐊᓯᔾᔨᕐᓂᖓ ᐊᑦᑐᐃᓂᖃᕐᓂᐊᕐᒪᖔᖅ ᑰᓐᓂᒃ, ᓄᓇᒥᒃ ᐊᐅᔪᐃᑦᑐᒥᒃ, ᐃᔾᔪᓂᒃ, ᐱᕈᖅᑐᓂᒃ, ᐱᕈᖅᓰᕕᒻᒥᑎᑐᑦ ᐳᓪᓚᓂᒃ ᐊᓂᐊᑦᓯᓂᖅ ᐊᒻᒪᓗ ᓴᒃᑯᑕᐅᓂᖏᑦ ᓱᕈᓐᓇᖅᑐᐃᑦ ᐅᑭᐅᖅᑕᖅᑐᒥ ᖁᑦᓯᑦᑐᒥ ᑰᖏᓐᓄᑦ ᑕᓯᖏᓐᓄᓪᓗ.
ᑲᑎᖅᓱᐃᕕᒋᓯᒪᔭᕗᑦ ᐃᒪᓕᕆᕕᒻᒥ ᑲᓲᒪᔾᔪᑏᑦ ᐊᑐᐃᓐᓇᐅᑎᑦᓯᓂᐊᖅᑐᑦ ᖃᐅᔨᔭᐅᓯᒪᓐᖏᑦᑐᓂᒃ ᑐᑭᓯᓂᐅᔪᓂᒃ ᐃᑉᐱᓐᓂᕆᐊᑭᓐᓂᖏᓐᓂᒃ ᓂᕆᐅᒋᔭᐅᓂᖏᓐᓂᓪᓗ ᓯᕗᓂᑦᑎᓐᓂ ᐊᑦᑐᐃᓂᕆᓂᐊᖅᑕᖓᑕ ᓯᓚᐅᑉ ᐊᓯᔾᔨᕐᓂᖓᑕ ᖁᑦᓯᑦᑐᒥ ᐃᒪᕐᒥᒃ, ᓄᓇᒥᒃ ᐊᐅᔪᐃᑦᑐᒥᒃ ᐆᒪᔾᔪᑎᒌᑦᑐᓂᓪᓗ.
ᑲᑎᑎᑦᓯᐊᕐᓗᒋᑦ ᐊᑦᑐᐊᒧᑦ ᐃᒪᕐᒧᑦ ᐆᒪᔾᔪᑎᓄᓪᓗ ᐊᐅᓚᓂᐅᔪᓄᑦ ᖃᐅᔨᕐᓴᓂᐅᔪᓄᑦ, ᑖᓐᓇ ᐊᐅᓚᓂᐅᔪᖅ ᓇᓗᓇᐃᖅᓯᓂᐅᒐᓱᐊᖅᑐᖅ ᐊᕙᑎᒧᑦ ᐃᓅᓯᕐᒧᓪᓗ ᒪᓐᓂᑦᓯᐅᒪᒍᑎᓪᓗᐊᑕᐅᔪᑦ. ᑐᕌᒐᕆᔭᕗᑦ ᐱᕙᓪᓕᐊᑎᑦᓯᓂᖅ ᐊᑦᑐᖅᑕᐅᓂᕐᒧᑦ ᖃᓄᐃᑦᑑᓂᖏᓐᓂᒃ ᖃᐅᔨᓴᕐᕈᑎᒋᓗᒋᑦ ᑲᓲᒪᓂᖏᓐᓂᒃ ᓂᕆᐅᒋᔭᐅᔪᓄᑦ ᐊᕙᑎᒧᑦ ᐊᓯᔾᔨᕐᓂᐅᓂᐊᖅᑐᓄᑦ ᓱᖏᖑᑎᒍᑕᐅᑐᐃᓐᓇᕆᐊᓕᓐᓄᓪᓗ ᓄᓇᓕᓐᓄᑦ ᒐᕙᒪᒃᑯᓪᓗ ᑎᒥᖁᑎᖏᓐᓄᑦ (ᐃᒪᑦᓯᐊᖃᕐᓂᖅ ᐆᒪᔾᔪᑎᓂᓪᓗ ᐃᑉᐱᒍᓱᑦᓯᐊᕐᓂᖅ) ᓴᓇᔩᓪᓗ (ᓄᓇᒦᑦᑐᓂᒃ ᐲᔭᐃᓂᖅ, ᐋᖅᑭᐅᒪᔾᔪᑎᓂᒃ ᓴᐳᔾᔨᓂᖅ).
ᖃᐅᔨᓴᕐᕕᐅᔪᑦ ᓄᓇᐃᑦ
Cape Bounty, ᖃᐃᓱᐃᑦᑑᑉ ᕿᑭᖅᑕᖓ: 74° 50’ N, 109° 30’ O
Polar Bear Pass, ᕿᖓᐅᒃ:75° 40’ N, 98° 30’ N
ᓄᓇᓕᓐᓂ ᑲᑐᔾᔨᖃᑎᒌᑦ
ᖃᐅᓱᐃᑦᑐᕐᒥ ᓄᓇᓕᓐᓂ ᐃᓚᒋᔭᐅᔪᑦ
ᖃᕐᒪᖅᑕᓕᒃ ᐃᓕᓐᓂᐊᕐᕕᒃ
ᐊᐅᓚᓂᐅᑉ ᒥᑦᓵᓄᑦ ᑐᑦᑕᕐᕕᐅᔪᑦ:
ᓯᑳᑦ ᓚᒪᕉ ᐃᓕᓴᐃᔨᒻᒪᕆᒻᒧᑦ ᐃᑲᔪᖅᑎ ᒥᓂᔅᑕᐅᕕᖓᓐᓂ ᓄᓇᓐᖑᐊᓕᕆᔩᑦ ᑯᐃᓐ ᓯᓚᑦᑐᓴᕐᕕᔾᔪᐊᖓᓂ
ᒪᓕᓴ ᓚᕝᕋᓂᐊ ᐃᓕᓴᐃᔨᒻᒪᕆᒻᒧᑦ ᐃᑲᔪᖅᑎ ᒥᓂᔅᑕᐅᕕᖓᓐᓂ ᓄᓇᓐᖑᐊᓕᕆᔩᑦ ᑯᐃᓐ ᓯᓚᑦᑐᓴᕐᕕᔾᔪᐊᖓᓂ