ᐅᑭᐅᖅᑕᖅᑐᒥ ᓯᑯᐃᕈᑉᐸᓪᓕᐊᔪᖅ, ᓯᑯ ᐊᐅᔭᒃᑯᑦ ᓄᖑᑉᐸᓪᓕᐊᒻᒪᑦ ᓱᑲᑦᑐᐊᓗᒻᒥᒃ, ᓱᑲᓐᓂᖅᓴᖅ ᓂᕆᐅᒋᔭᐅᓯᒪᔪᓂᒃ. ᓯᑯᖃᓐᖏᑦᓯᐊᒻᒪᕆᓕᓛᕐᓂᖓ ᐅᑭᐅᖅᑕᖅᑑᑉ ᐊᐅᔭᒃᑯᑦ ᓂᕆᐅᓇᖅᑐᖅ, ᒪᑯᐊᓗ ᐱᔭᐅᒐᓱᐊᓛᖅᑐᑦ (ᐅᖅᓱᐊᓗᐃᑦ, ᒑᓰᑦ, ᐅᔭᕋᑦᓯᐊᕙᐃᑦ) ᐊᒻᒪᓗ ᐃᒪᒃᑯᑦ ᐊᖅᑎᓕᐅᕐᓗᑎᒃ ᐊᑯᕐᖓᓐᓂ ᑕᕆᐅᑉ ᐊᑭᖏᑦᑕ ᐊᐃᓯᐊ ᐊᒻᒪᓗ ᔫᕋᑉ.
ᓂᕆᐅᓇᖅᑐᖅ ᓱᑲᑦᑐᒻᒪᕆᐊᓗᒻᒥᒃ ᐱᕙᓪᓕᐊᓂᖃᕐᓂᐊᕆᐊᖓ ᐅᑭᐅᖅᑕᑐᒥ ᐅᒥᐊᖅᔪᐊᖅᑕᐅᖃᑦᑕᕐᓂᖅ ᐊᐅᓚᔾᔭᐃᓯᒪᔪᖅ ᐊᐃᕙᓂᕐᒥᒃ ᑲᓇᑕᒥ ᖃᓄᖅ ᑲᓇᑕᒥ ᓴᓐᖏᓂᖃᕐᓂᖅ ᑕᑯᑦᓴᐅᑎᑕᐅᓂᐊᕐᒪᖔᒻ ᓴᐳᔭᐅᖁᓪᓗᒍ ᐊᕙᑎᖓ. ᐃᓛᒃ ᐅᒥᐊᖅᔪᐊᖅᑕᐅᖃᑦᑕᕐᓂᖅ ᑕᐃᒫᑎᒋᐊᓗᒃ ᓱᑲᑦᑐᒥᒃ ᐱᕙᓪᓕᐊᓂᐊᖅᑲ?
ᓱᓇᐃᑦ ᐃᓗᓕᖏᑦ ᐅᒥᐊᖅᔪᐊᒃᑰᖃᑦᑕᖅᑐᑦ ᐱᔪᒪᔭᕆᔭᖃᕋᔭᖅᑲᑦ ᐊᑑᑎᓂᕐᒧᑦ ᐊᑑᑎᑲᐃᓐᓇᖃᑦᑕᖅᑐᓂᒃ ᐊᕐᕌᒍᒥ, ᑎᑎᖅᑐᖅᓯᒪᑦᓯᐊᖏᑦᑐᓂᒃ, ᐱᔨᑦᓯᖅᑕᐅᓯᒪᓐᖏᑦᑐᓂ ᐅᑭᐅᖅᑕᖅᑐᒥ ᐊᖅᑯᑎᒥᒃ? ᓴᕕᕋᔮᓗᓐᓂᒃ ᐅᓯᔪᑦ ᐅᒥᐊᕐᔪᐊᑦ ᐊᑯᕐᖓᓐᓂ ᑕᕆᐅᑉ ᐊᑭᖏᑦᑲ ᑐᐊᕕᓚᖓᕙᑦ ᐊᖅᑯᑎᒧᑦ?
ᑕᒪᓐᓇ ᖃᐅᔨᓴᕐᓂᖅ ᑕᐃᒪᐃᒻᒪᑦ ᑐᕌᒐᖃᕋᔭᖅᑐᖅ ᐊᐱᖅᑯᑎᒥᒃ: ᖃᓄᑎᒋ ᐅᒥᐊᖅᔪᐊᖅᑕᐅᖃᑦᑕᕐᓂᖅ ᐱᕙᓪᓕᐊᓂᖅᑲ ᑕᓪᓗᕈᑎᐅᑉ ᐃᒪᖓᓂ ᐃᓗᐊᓄᖔᕐᓗ, ᖃᓄᐃᑦᑐᓂᒃ ᐅᒥᐊᖅᔪᐊᖅᑕᖃᕐᓗᓂ: ᐅᓯᔨᐅᓂᐊᖅᑲᑦ, ᐃᖃᓗᒐᓱᐊᖅᑏᑦ, ᐳᓚᕋᑦᑐᓕᕆᔩᑦ, ᐃᖏᕐᕋᑎᑕᐅᔪᑦ ᐅᔭᕋᓐᓂᐊᖅᑎᓄᑦ? ᖃᓄᕐᓕ ᐅᒥᐊᕐᔪᐊᓖᑦ ᐃᓱᒪᕙᑦ, ᓱᒻᒪᓪᓗ?
ᐃᖏᕐᕋᓂᖓ ᐊᒻᒪᓗ ᐊᖏᓂᖓ ᐅᒥᐊᕐᔪᐊᒃᑰᖅᑐᑦ ᐱᕙᓪᓕᐊᓂᕆᓂᐊᖅᑕᖓ ᐃᒻᒪᖃ, ᓇᓗᓇᐃᖅᓯᒍᑕᐅᓂᐊᖅᑐᖅ ᖃᓄᑎᒋ ᓄᓇᕐᔪᐊᕐᒥ ᐊᑐᖅᑕᐅᒐᓱᐊᕐᓂᐊᕐᒪᖔᖅ ᑲᓇᑕᐅᑉ ᐱᒋᓂᕋᖅᑕᖓ: ᐃᖏᕐᕋᔪᖃᓕᖅᐸᓪᓕᐊᓂᖅ ᑲᓇᑕᒧᑦ ᓱᖏᐅᑎᒍᑕᐅᓂᐊᖅᑐᖅ ᓄᑖᓄᑦ ᐊᑑᑎᔪᓄᑦ ᐊᒻᒪᓗ ᓇᓗᓇᐃᖅᓯᒍᑕᐅᓗᓂ ᒪᓕᒐᖅᑎᒍᑦ ᐱᔪᓐᓇᕐᓂᕐᒥᒃ.
ᖃᐅᔨᓴᕐᕕᐅᔪᑦ ᓄᓇᐃᑦ
ᖃᐅᓱᐃᑦᑐᖅ, ᐃᖃᓗᑦᑑᑦᑎᐊᖅ
ᐃᖃᓗᐃᑦ
ᒥᑦᑎᒪᑕᓕᒃ
ᖁᒡᓗᖅᑐᖅ
ᓄᓇᓕᓐᓂ ᑲᑐᔾᔨᖃᑎᒌᑦ
ᓄᓇᓕᐸᐅᔭᖓᑦ ᐃᖃᓗᐃᑦ
ᒐᕙᒪᒃᑯᖏᑦ ᓄᓇᕗᑦ
ᐊᐅᓚᓂᐅᑉ ᒥᑦᓵᓄᑦ ᑐᑭᓯᒋᐊᕐᕕᑦᓴᐃᑦ:
ᕗᕆᐊᑐᕆᒃ ᓚᓯᐊᕐ ᐃᓕᓴᐃᔨᒻᒪᕆᒃ ᒥᓂᔅᑕᐅᕕᖓᓐᓂ ᓄᓇᓐᖑᐊᓕᕆᔨᒃᑯᑦ ᓚᕕᐅᓪ ᓯᓚᑦᑐᓴᕐᕕᔾᔪᐊᕐᒥ