Nunaqjuap Ublua, tautuktaujuq uvani Qitiqqautiyuq 22mi, nunaqjuami tamaani ublua hulidjut akhuurutaujuq avatiinun ilituqhainirmun munaridjutinunlu. Uvani ukiumi pidjutigijaujuq "Uvagut Nunaqjuavut, Auladjutivut," akhuuqhaidjutaujuq nunallaanun atautimuklutik uvalu katitirnirmun hulidjutinun mikhaanun nuutirnirmun aularaanginaqtumik auladjutinik.
Quviahuutigijaangani Nunaqjuap Ublua 2025mi, Aalanguqtirnirmun titiraqti CCS) katimapkaijut akiitumik nunallaamun piksasiuqtitijut haffuminga Dr. Seuss’ The Lorax uvani Astro Piksasiuqviani Iqalungni. Qungiairaqtuqtut paakuaqtuqtitaublutik niuqagahaniklu ilaujuq hulidjutinun, kitut turaangajut ilituqhainirmn avatiptingnun munaridjutikhainun hilakkullu hulidjutit.
Qungiaqtitaujuq nakuujut, inugiangnira 90 inuit—inulramirnin inirnikhanun—inugiakhitijut piksasiuqvingmi. Quviahulukaaqtut avatiinii hivuani piksasiup itqungniarutinik ulapqipkaijut, humi ilaujut kiublugit apirhuutit ilaujut hilap aalanguqtirniranun, aularaanginarnikkut, piksasiuplu pidjutigijainun tuhaqtidjutit. Akimajut tunijaujut alianaqtunik taktanik, ilaliutidjutaujut quvianarnirmun ilauqatigiingnirmunlu ubluqitani.