Pujuum aanialailaqutaa anianiit ajurnaqtuq takujaarni . Naunaijattiariami, 2024mi, Kanada piliuqhimajuq aktilaanganik imaatun 13.42 tonnes aktilaanga CO₂ hiamitiqtuq attauhiq inuk hapkunanga uqhurjuat uvalu havakvikjuat havauhiit. Tamna uqumaitilaanga 60nik sikiituunik uvaluuniin saivanik angijunik anguhalungnik qilaluganik.
Uvani Apitilirvik 21, 2026, ukua Nunavunmi Hilap Aalanguqtirniranun Titiraqtiat (CCS) qaitqujait Nunavunmiun ilaulutik haffumunga Zero Emissions Ublua imaa pilutik mikijunik hulidjutinik tapkua ikiklijuumirutikhat pujuit maniktuqluangnaitumiklu.
Hamma ilangit ikiklijuumiqtitigiaqaqtutin pujuurnik:
- Qamillugit quliit: Qamillugit quliit ubluummaat ihariagijaungitpat anigaiguvitlu igluamit.
- Pihugit akhaluutituqhimaitumik: Hivikittumut aullaarahuarumik, ihumagilugu pihugiami qajangnaitpat ihuaqtumiklu.
- Akhaluutituqatigiingniq: Uhittiqatigilugit aallat inuit aadjikkiiktumungaunahuaruffi.
- Unguvarlugit plugviit alrujaqtuqtut: Ilangit alrujaqtuqtut hunavaluit atuqhimmaaqtut alrujaqtuqtunik qamihimagaluaqhutik.
- Himmauhirlugit utuqqait qulliit LEDqaqtut: LEDqaqtut qulikhat atukhaaqpaktut alrujaqtuutinik atuqtauluangitunit kaimaluriktunit qulikhat.
- Atuffaarlugit hunat pijaaqtatit: Igitinnagu hunavaluk, ihumagilugu ihuaqhaqtauttaaqtuq, atutqiffaarlugu tunilugiluunniit.
- Niuvirlutit atuqhimajumik pijaaqqat: Aquiqtuqtinnatit hunamik nutaamik, naunaidjavatit nalvaaqtauqtaaqtuq atuqtauhimajunik nunamingni. Niuvingniq atuqhimajumik mikhijuumirutiniaqtuq qaffitaalauniit uhidjutit tapkua tujuqtaujukhat Nunavunmun.
- Uukturit uuminnga Aularaanginnaqtumi Auladjutit Haniqpani Iglungni Aittuinikkut Pinahuarutimi: Nanminiqaruvit igluqpannuamik nunami, ihumagilugu uukturiarni CCS-kut Aularaanginnaqtun Auladjutikhat Igluqpannuani Aittuutit Pinahuaruti. Iliuraqniq aularaanginnaqtunik auladjutinik ikajuutiginiaqtat atuluangitumik uqhurjuanik, maniktuqluangnaitumik uvalu ikiklijuumiqlugit pujuit.
Nunavut pidjutiqaqtut mikijumik ilanganik Kanadap attautimun pujuit, kihimi mikijut hulidjutit aalanguutauniaqtut. Pilugit hulidjutikhat tapkua ihuaqtut ilingnun ikajuutauniaqtut ikiklijuumirlugit pujuit, maniktuqluangnaitumik uvalu ikajurlugit hilaup hulidjutait avatiini Nunavut.
"Data Page: CO₂ anianiit atauhirmun inungmun", ilanga hapkunani makpiraani: Hannah Ritchie, Pablo Rosado, unalu Max Roser (2023) - "CO₂ unalu Pujuum Anialailaqutaa Anianiit". Nampangit ihuaqhaqhimajuq uumannga Global Carbon Project, Aadlatqiiktut tunngavingit. Pijauhimajuq hamanga https://archive.ourworldindata.org/20260807-075129/grapher/co-emissions-per-capita.html [qaritaujakkut ikajuutit] (tutquqhimajut uvani Niqiliqivik 7, 2026).