ᐅᓇ ᐊᐅᓚᓂᖅ ᕿᒥᕐᕈᓂᖃᕐᓂᐊᖅᑐᖅ ᐱᖅᑯᓯᒃᑯᑦ, ᖃᑭᒪᓇᓱᐊᕐᓂᒃᑯᑦ ᐊᕙᑎᒃᑯᓪᓗ ᐊᑦᑐᖅᑕᐅᓂᐅᔪᓂᒃ ᐅᔭᕋᓐᓂᐊᕐᓂᕐᒧᑦ ᐱᕙᓪᓕᐊᓂᖏᓐᓄᓪᓗ ᓯᑕᒪᑦ ᐅᑭᐅᖅᑕᖅᑐᒥ ᓄᓇᓖᑦ: ᖁᒡᓗᖅᑐᖅ, ᕿᑎᕐᒥᐅᓂ, ᖃᒪᓂᑦᑐᐊᖅ, ᑲᖏᖅᖠᓂᖅ) ᐊᒻᒪᓗ ᐊᕐᕕᐊᑦ ᑭᕙᓪᓕᕐᒥ.
ᑲᑐᔾᔨᖃᑎᖃᕐᓂᖅ ᓄᓇᓕᓐᓂᒃ ᖃᐅᔨᓴᖅᑎᓂᒃ ᑐᓴᐅᒪᑎᑦᓯᔪᓂᓪᓗ, ᐅᓇ ᐊᐅᓚᓂᐅᔪᖅ ᑐᕌᒐᖃᖅᑐᖅ ᓇᓗᓇᐃᔭᐃᓂᕐᒥᒃ ᐃᓱᒫᓘᑕᐅᔪᓂᒃ ᐱᒻᒪᕆᐅᓂᖏᓐᓄᑦ ᐊᑦᑐᐊᔪᓄᑦ ᐅᔭᕋᓐᓂᐊᕐᓂᕐᒧᑦ ᐊᒻᒪᓗ ᓄᓇᓕᓐᓂ ᐊᓯᔾᔨᕐᓂᐅᔪᒧᑦ, ᐊᒻᒪᓗ ᕿᒥᕐᕈᓂᕐᒧᑦ ᓄᓇᓕᓐᓂ ᓱᖏᐅᑎᓂᐅᔪᓂᒃ ᐊᓯᔾᔨᕐᓂᐅᔪᓄᑦ ᓴᓇᔨᓄᑦ. ᖃᐅᔨᒪᔪᕐᒃᔪᐊᖅ ᑮᓕᖕᓗ, ᖃᐅᔨᓴᕐᓂᕐᒧᓪᓗ ᐱᓕᕆᖃᑎᒌᑦᑯᑦ ᐱᖃᐅᓯᔾᔪᑦ ᐃᓕᓯᒪᔪᕐᔪᐊᖅ ᔮᓐ ᓵᓐᓗᔅ ᒪᒧᐊᕆᐅ ᓯᓚᑦᑐᓴᕐᕕᔾᔪᐊᖓᓂᒃ, ᐃᓕᓯᒪᔪᕐᔪᐊᖅ ᕗᕌᖕᒃ ᑕᔅᑕ ᓯᓚᑦᑐᓴᕐᕕᔾᔪᐊᖓᓂᒃ ᕗᕆᑎᔅ ᑲᓚᒻᕕᐊ, ᐊᒻᒪᓗ ᐃᓕᓯᒪᔪᕐᔪᐊᖅ ᐊᒪᓕ ᑳᒧᕋᓐ, ᓯᓚᑦᑐᓴᕐᕕᔾᔪᐊᖓᓂᑦᑕᐅᖅ ᕗᕆᑎᔅ ᑲᓚᒻᕕᐊ. ᐱᓕᕆᖃᑎᒌᑦᑐᑦ ᐱᓕᕆᖃᑎᖃᕐᒥᔪᑦ ᐲᑕ ᐃᕐᓂᕐᒥᒃ, ᑲᒥᓯᓇᐅᓚᐅᖅᓯᒪᔪᒥᒃ ᓄᓇᕗᒻᒥ ᐱᒃᑯᒋᔭᐅᓪᓗᓂᓗ ᐃᓄᐃᑦ ᐱᖅᑯᓯᖓᓐᓂᒃ ᑭᒡᒐᖅᑐᐃᔨ ᑐᓐᖓᕕᖃᖅᓱᓂ ᐋᑐᕚᒥ.
ᐱᓕᕆᖃᑎᒌᑦᑐᑦ ᒫᓐᓇᕈᓗᒃ ᐳᓛᕆᐊᖅᓯᒪᔪᔪᑦ ᐅᔭᕋᓐᓂᐊᕐᕕᒻᒥᒃ ᓄᓇᓕᓐᓂ ᖃᐅᔨᖅᓴᑎᓂᒃ ᐊᒻᒪᓗ ᓯᓚᑖᓂᒃ ᖃᐅᔨᓴᖅᑏᑦ ᐱᕕᑦᓴᖃᕐᓂᐊᖅᑐᖅ ᐊᒥᖅᑲᐅᔾᔨᓂᕐᒥᒃ ᖃᐅᔨᒪᓂᕐᒥᒃ ᑖᒃᑯᓄᖓ ᐊᑑᑎᓯᒪᔭᒥᓄᑦ ᐊᒻᒪᓗ ᓱᖏᐅᑎᓂᕐᒧᑦ ᐅᐸᓗᖓᐃᔭᐅᑎᓂᒃ ᐃᓕᓐᓂᐊᕐᓂᕐᒥᒃ ᐸᕐᓇᑕᐅᓂᐊᖅᑐᒥᒃ ᓄᓇᕗᒻᒥ. ᖃᐅᔨᖅᑏᑦ ᕿᒥᕐᕈᓂᐊᕐᒥᔪᑦ ᐃᑦᓴᕐᓂᑕᕐᓂᒃ ᑐᖅᑯᖅᑕᐅᓯᒪᔪᑦ ᐊᑦᑐᐊᔪᓂᒃ ᐱᐅᓯᐅᓯᒪᔪᓄᑦ ᓴᓇᔨᓄᑦ ᐱᕙᓪᓕᐊᓂᕐᒧᑦ ᐅᑭᐅᖅᑕᖅᑐᒥ, ᑲᓱᖅᑎᓪᓗᒍᓗ ᑕᒪᓐᓇ ᐱᐅᓯᐅᓯᒪᔪᖅ ᐊᓯᔾᔨᐸᓪᓕᐊᔪᒧᑦ ᒐᕙᒪᒃᑯᓐᓂ ᐃᓅᓯᓕᕆᓂᕐᒧᑦ ᖃᑭᒪᓇᓱᐊᕐᓂᕐᒧᓪᓗ ᐊᑐᐊᒐᕐᓄᑦ ᐊᕕᑦᑐᖅᓯᒪᔪᓂ, ᓲᕐᓗ ᐃᓄᐃᑦ ᓄᑦᑎᖅᑕᐅᓂᖏᑦ. ᑕᒪᓐᓇ ᖃᐅᔨᓴᕐᓂᖅ ᕿᓂᕈᑕᐅᓂᐊᖅᑐᖅ ᑐᑭᓯᓂᐊᕈᑕᐅᓗᓂ ᖃᓄᖅ ᒫᓐᓇ ᐊᐃᕙᓂᐅᔪᑦ ᐊᖏᖃᑎᒌᓐᖏᓐᓂᐅᔪᓪᓗ ᐅᔭᕋᓐᓂᐊᕐᓂᕐᒨᖓᔪᓄᑦ ᑕᑯᑦᓴᐅᑎᑦᓯᒻᒪᖔᑕ ᐃᓄᐃᑦ ᐊᑑᑎᓯᒪᔭᖏᓐᓂᒃ ᖃᐅᔨᒪᓂᑐᖃᖏᓐᓂᓪᓗ ᓯᕗᕐᖓᓂ ᐱᕙᓪᓕᐊᓯᒪᔪᓄᑦ ᐊᑦᑐᐃᓂᕆᓯᒪᔭᖏᓐᓂᓪᓗ.
ᑕᑯᑦᓴᐅᔪᖅ ᓄᓇᓕᓐᓄᑦ ᐊᑦᑐᐊᓂᐊᖅᑐᖅ, ᓄᓇᓕᓐᓂ ᑎᑎᕋᖅᓯᒪᔪᑦ ᑕᒪᑦᓱᒥᖓ ᖃᐅᔨᒪᓂᐅᔪᒥᒃ ᐱᐅᓯᐅᓯᒪᔪᒥᓪᓗ, ᐊᒻᒪᓗ ᑐᓴᕋᑦᓴᐃᑦ ᐊᑑᑎᖃᖅᑐᑦ ᓄᓇᓕᓐᓄᑦ ᐊᑐᐊᒐᓕᐅᖅᑎᓄᓪᓗ ᕿᒥᕐᕈᑎᓪᓗᒋᑦ ᐱᕚᓪᓕᕈᑎᑦᓴᐅᑐᐃᓐᓇᕆᐊᓕᓐᓂᒃ ᐊᑦᑐᖅᑕᐅᓂᐅᔪᓂᓪᓗ ᒫᓐᓇ ᐱᕙᓪᓕᐊᑎᑦᓯᓂᕐᒧᑦ ᑐᑦᓯᕋᐅᑎᓄᑦ.
ᖃᐅᔨᓴᖅᕕᐅᒧᑦ
ᖃᒪᓂᑦᑐᐊᖅ
ᑲᖏᖅᖠᓂᖅ
ᐊᕐᕕᐊᑦ
ᖁᒡᓗᖅᑐᖅ
ᓄᓇᓕᓐᓂᒃ ᑲᑐᔾᔨᖃᑎᒌᓐᓃᑦ
ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᑦ, ᖃᒪᓂᑦᑐᐊᕐᒥ ᐊᖑᓇᓱᑦᑏᑦ ᑲᑐᔾᔨᖃᑎᒌᖏᑦ, ᖃᒪᓂᑦᑐᐊᕐᒥ ᐃᓱᒫᓘᑎᓖᑦ ᓄᓇᓖᑦ ᑲᑎᒪᔨᕋᓛᖏᑦ, ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ, ᖁᒡᓗᖅᑐᖅ ᐊᖑᓂᐊᖅᑏᑦ ᑲᑐᔾᔨᖃᑎᒌᖏᑦ.
ᐊᐅᓚᓂᕐᒥᒃ ᑐᑭᓯᒋᐊᕐᕕᑦᓴᑦ:
ᐊᕐᓐ ᑮᓕᖕ
ᐃᑲᔪᖅᑎ ᐃᓕᓴᐃᔨᕐᔪᐊᒥᒃ
ᒥᓂᔅᑕᐅᕕᖓᓐᓂ ᓄᓇᓐᖑᐊᓕᕆᔩᑦ
ᓯᓚᑦᑐᓴᕐᕕᔾᔪᐊᖓᓂᒃ ᓂᐅᕙᓐᓛᓐ