ᐃᖃᓗᐃᑦ

ᐃᖃᓗᐃᑦ, ᑕᐃᔭᐅᕙᓚᐅᖅᓯᒪᔪᖅ ᕗᕉᕕᓴ ᕙᐃ, ᐱᓇᓱᐊᕐᕕᐅᔪᖅ ᒐᕙᒪᒃᑯᓐᓄᓪᓗ ᑐᑦᑕᕐᕕᑦᓱᓂ ᕿᑭᖅᑖᓘᒻᒥ ᐊᒻᒪᓗ ᒐᕙᒪᖃᕐᕕᐅᑦᓱᓂ ᓄᓇᕗᒻᒥ. ᐃᓂᖃᖅᓱᓂ ᓂᒋᖅᐸᓯᐊᓂ ᕿᑭᖅᑖᓘᑉ ᑯᔭᓯᒥ ᐊᖏᕐᕋᕆᔭᐅᓪᓗᓂᓗ ᐅᖓᑖᓃᑦᑐᓄᑦ 7060 ᐃᓄᐃᑦ, ᐃᖃᓗᐃᑦ ᐊᖏᓂᖅᐸᐅᔪᖅ ᓄᓇᓕᓐᓂ ᓄᓇᕗᒻᒥ ᐊᖅᑯᑕᐅᑦᓱᓂᓗ ᐅᑭᐅᖅᑕᖅᑐᒧᑦ ᑲᓇᓐᓇᖓᓂᒃ ᑲᓇᑕᐅᑉ.
ᐃᖃᓗᐃᑦ ᐱᕈᖅᐸᓪᓕᐊᓪᓚᕆᑦᓯᒪᔪᖅ ᓴᖅᑭᓚᐅᖅᓯᒪᒻᒪᓂᑦ ᓄᓇᕗᑦ. ᓄᓇᓕᓖᑦ ᑕᑯᖃᑦᑕᖅᓯᒪᔪᑦ ᓄᑖᓂᒃ ᐃᓪᓗᓂᒃ ᓴᓇᔭᐅᔪᓂᒃ ᕿᓚᒥᑲᓪᓛᓗᒃ ᓲᕐᓗ ᓄᑖᖅ ᒪᓕᒐᓕᐅᕐᕕᒃ ᐊᓪᓚᕝᕖᓪᓗ, ᐊᒻᒪᓗ ᐊᖏᕐᕋᖅᑖᖅᑲᐅᑦ ᐃᓪᓗᒋᔭᐅᓂᐊᖅᑐᑦ ᐊᒥᓱᓐᖑᐸᓪᓕᐊᑐᐃᓐᓇᖅᑐᓄᑦ ᓄᓇᓕᓐᓄᑦ. ᐊᒥᓱᑦ ᓄᑖᑦ ᑲᒻᐸᓂᐅᔪᑦ ᒐᕙᒪᒃᑯᓪᓗ ᐊᓪᓚᕝᕕᖏᑦ ᒪᑐᐃᖅᓯᓯᒪᔪᑦ ᒪᑐᒥᓐᓂᒃ ᑎᑭᐅᑎᓯᒪᒍᓐᓇᖁᓪᓗᒋᑦ ᐱᕈᖅᐸᓪᓕᐊᔪᓄᑦ. ᑐᓴᕆᐊᒃᑲᓐᓂᕈᒪᒍᑦᓯ ᐃᖃᓗᐃᑦ ᒥᑦᓵᓄᑦ ᑕᑯᔪᒥᓇᖅᑐᖏᑦᑕ, ᑕᑯᒋᐊᓐᖑᐊᑕᖅᓯᓐᓇᕆᑦ ᓄᓇᓕᐸᐅᔭᖏᓐᓂᒃ ᐃᖃᓗᐃᑦ ᐃᑭᐊᖅᑯᑎᖓ ᐅᕙᓂ: http://www.city.iqaluit.nu.ca/.

ᐊᐅᓚᓂᐅᔪᑦ

ᓄᓇᕗᒻᒧᑦ ᑐᕌᖓᔪᖅ ᐊᐅᓚᓂᐅᔪᖅ ᑐᕌᒐᖃᖅᓱᓂ ᓯᕗᕙᖅᑎᑦᓯᓂᕐᒥᒃ ᓯᓚᐅᑉ ᐊᓯᔾᔨᕐᓂᖓᓄᑦ ᓱᖏᐅᑎᓂᕐᒧᑦ ᖃᐅᔨᒪᓂᕐᒥᒃ ᖃᓄᖅᑑᕈᑎᖃᕐᓂᕐᒥᓪᓗ ᐃᑲᔪᖅᓯᒍᑕᐅᔪᓄᑦ ᓄᓇᕗᒻᒥ.

ᖃᓄᖅ ᐃᓄᑐᖃᓯ ᓄᓇᓕᑦᓯᓐᓂᓗ ᓯᕗᓕᖅᑏᑦ ᐅᖃᐅᓯᑦᓴᖃᖅᑲᑦ ᐊᓯᔾᔨᐸᓪᓕᐊᔫᑉ ᓯᓚᐅᑉ ᒥᑦᓵᓄᑦ ᐊᕐᕌᒍᓂ ᐊᓂᒍᖅᑐᓂ? ᐊᒥᖅᑲᐅᑎᒋᒍᒃ ᑕᒪᓐᓇ ᓯᓚᑐᓂᑦ ᕿᒥᕐᕈᓂᐅᔪᓪᓗ ᓯᓚᐅᑉ ᐊᓯᔾᔨᕐᓂᖓᓂᒃ ᐃᓘᓐᓇᑎᓄᑦ. ᐃᑲᔪᕐᓂᐊᖅᑐᑎᑦ ᓯᐊᒻᒪᖅᑎᖅᑕᐅᑎᓪᓗᒍ ᑐᓴᕋᖅᓴᖅ ᓯᓚᐅᑉ ᐊᓯᔾᐸᓪᓕᐊᓂᖓᑕ ᒥᑦᓵᓄᑦ ᐃᓚᒍᑦᓯᐅᔾᔨᓗᑎᓪᓗ ᖃᐅᔨᒪᓂᑐᖃᕐᒧᑦ.

ᐅᖃᐅᓯᖃᕐᓂᖅ ᓯᓚᐅᑉ ᐊᓯᔾᔨᕐᓂᖓᓂᒃ ᐊᒻᒪᓗ ᓇᓗᓇᐃᔭᐃᓂᖅ ᐊᐅᓚᓂᐅᔪᓂᒃ ᐃᑲᔪᖅᓯᓂᕐᒧᑦ ᒫᓐᓇ ᐊᒻᒪᓗ ᓯᕗᓂᑦᑎᓐᓂ ᓯᓚᐅᑉ ᐊᓯᔾᔨᕐᓂᖓᓄᑦ ᓱᖏᐅᑎᒍᑎᓂᒃ ᐊᐅᓚᓂᐅᔪᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ.

ᐅᓇ ᐊᐅᓚᓂᐅᔪᖅ ᑲᑎᑎᑦᓯᔪᖅ ᑕᕆᐅᑉ ᓯᑭᖓᓂᒃ ᖃᐅᔨᓴᖅᑎᓂᒃ ᕿᒥᕐᕈᓪᓗᑎᒃ ᐊᐅᓚᓂᐅᔪᓂᒃ ᐱᔾᔪᑕᐅᔪᓂᒃ ᑕᑯᔭᐅᓯᒪᔪᓄᑦ ᐊᓯᔾᔨᕐᓂᐅᔪᓄᑦ ᐃᒪᕕᒻᒧᑦ ᓯᑯᓄᑦ, ᐊᐳᑎᖃᕐᓂᖓᓄᑦ, ᐊᒻᒪᓗ ᑕᐅᑦᑐᖓ ᑕᕆᐅᕐᒥ ᓯᑯᓕᒻᒥ ᐊᕙᑎᒥ.

ᐊᐅᓚᓂᕆᔭᕗᑦ ᕿᒥᕐᕈᓂᖃᖅᑐᖅ ᑐᓐᖓᕕᐅᔪᓂᒃ ᐊᐱᖅᑯᑎᓄᑦ: ᓱᓇᐅᒻᒪᑦ ᐅᑭᐅᖅᑕᖅᑑᑉ ᐊᑦᓱᖏᖅᓯᒪᓂᖓ? ᓱᓇᓂᒃ ᐊᑐᐊᒐᓕᐅᖅᑏᑦ ᓂᕆᐅᒋᐊᖃᖅᑲᑦ ᐅᑭᐅᖅᑕᖅᑐᖅ ᓄᓇᕐᔪᐊᕐᒥ ᖃᓄᐃᑦᑑᒐᔭᕐᒪᖔᖅ ᓯᕗᓂᕐᒥ, ᑕᑯᓐᓇᖅᓱᒋᑦ ᐊᔾᔨᒌᓐᖏᑦᑐᑦ ᐊᐅᓚᓂᐅᔪᑦ ᓴᖅᑭᐸᓪᓕᐊᔪᑦ ᑕᒫᓂ?

ᖃᓄᑎᒋ ᐅᒥᐊᕐᔪᐊᑦ ᐱᕙᓪᓕᐊᓂᐊᖅᑲᑦ ᑕᓪᓗᕈᑎᒃᑯᑦ ᐊᖅᑯᑎᑎᒍᑦ ᐃᓗᐊᓄᖔᕐᓗ, ᖃᓄᐃᑦᑑᓗᑎᓪᓗ ᐅᒥᐊᕐᔪᐊᒃᑰᖅᑐᑦ: ᐅᓯᖃᑦᑕᖅᑐᑦ ᐅᒥᐊᕐᔪᐊᑦ, ᐃᖃᓗᓐᓂᐊᖅᑏᑦ, ᐳᓚᕋᑦᑐᓕᕆᔩᑦ, ᐃᖏᕐᕋᔾᔪᑏᑦ ᐊᐅᓚᔾᔭᑦᑕᐅᓯᒪᒧᑦ ᐅᔭᕋᓐᓂᐊᕐᓂᕐᒧᑦ?

ᐊᑐᖅᓱᓗᑎᒃ ᐃᑎᔪᓂᒃ ᐊᑑᑎᓯᒪᔪᓂᒃ ᖃᐅᔨᓴᕐᓂᐅᔪᓂᒃ, ᑖᓐᓇ ᐊᐅᓚᓂᐅᔪᖅ ᓇᓗᓇᐃᖅᓯᓂᐅᓂᐊᖅᑐᖅ ᒪᓂᒪᓂᖏᓐᓂᒃ ᓂᕿᑦᓴᐃᑦ ᓯᑕᒪᓂᒃ ᐊᕕᑦᑐᖅᓯᒪᔪᓂ ᐃᓄᓐᓄᑦ ᑐᑦᑕᕐᕕᐅᔪᓂ ᐃᖃᓗᐃᑦ, ᐊᕐᕕᐊᑦ, ᐃᓅᕕᒃ, ᐊᒻᒪᓗ ᑰᔾᔪᐊᖅ) ᓯᓚᐅᑉ ᐊᓯᔾᔨᕐᓂᖓᓄᑦ ᑐᓐᖓᕕᐅᓗᓂ ᓇᓗᓇᐃᔭᐃᓂᖅ ᓱᖏᐅᑎᓂᕐᒧᑦ ᐃᑎᕐᓂᐅᔪᓂᒃ,

ᓯᓚᐅᑉ ᓂᕈᒥᑦᓯᕙᓪᓕᐊᓂᖓ ᐊᔭᐅᕐᒪᑦ ᓱᑲᑦᑐᐊᓗᒻᒥᒃ ᐊᓯᔾᔨᐸᓪᓕᐊᓂᔪᓂᒃ ᐅᑭᐅᖅᑕᖅᑐᒥ ᐆᒪᖃᑎᒌᑦᑐᓄᑦ, ᐊᒻᒪᓗ ᖃᐅᔨᓴᕐᓂᖃᓪᓚᕆᒋᐊᖃᕋᑦᑕ ᑐᐊᕕᕐᓇᖅᑐᒥᒃ ᒪᓐᓂᑦᓯᐅᑎᓯᒪᓂᖏᓐᓂᒃ ᑕᕆᐅᑉ ᐃᖅᑳᓃᑦᑐᑦ ᐆᒪᔪᐊᕐᔪᐊᐃᑦ ᐊᓯᔾᔨᕐᓂᐅᔪᓄᑦ ᐃᖏᕐᕋᓕᕇᖅᑐᓄᑦ.

ᓯᓚᐅᑉ ᐊᓯᔾᔨᖅᑕᕐᓂᖓ ᐅᑭᐅᖅᑕᖅᑐᒥ ᓄᓇᓂ, ᐊᑕᐅᓯᒃᑯᑦ ᓯᓚ ᖃᓄᑐᐃᓐᓇᑦᓯᐊᖅ ᐱᕙᑦᑎᓪᓗᒍ, ᓴᖅᑮᒍᑕᐅᒍᓐᓇᖅᑐᖅ ᑐᓐᖓᕕᓗᐊᓐᖏᓂᕐᒥᒃ ᐅᓗᕆᐊᓇᖅᑐᓂᓪᓗ, ᐱᖃᓯᐅᑎᑦᓱᓂ ᐅᓕᕕᔾᔪᐊᕐᓂᖅ, ᓄᓇᐃᑦ ᓯᑑᕐᓂᖏᑦ, ᐊᐅᑉᐸᓪᓕᐊᔪᑦ, ᓯᓈᓂ ᓯᑯᒧᑦ ᐅᔭᐅᖅᑕᐅᔪᑦ, ᓯᓚᕐᓂᓪᓗᓯᑲᓪᓚᖃᑦᑕᕐᓃᑦ ᐊᒻᒪᓗ ᓯᓈᑉ ᓄᖑᑎᖅᐸᓪᓕᐊᓂᖓ. ᐱᓕᕆᖃᑎᒌᕗᑦ ᐊᐅᓚᓂᕐᒧᑦ ᖃᐅᔨᓴᖅᑐᑦ ᑕᒪᒃᑮᓐᓂᒃ ᐱᔾᔪᑕᐅᔪᓂᒃ ᐊᓯᔾᔨᕐᓂᕐᒧᑦ ᐊᒻᒪᓗ ᐊᑦᑐᐃᓂᖏᑦ ᑐᓐᖓᕕᖃᑦᓯᐊᖏᑦᑐᑦ ᓄᓇᓕᓐᓂ ᓄᓇᐃᑦ ᓂᕈᐊᖅᑕᐅᓯᒪᔪᑦ ᐅᑭᐅᖅᑕᖅᑐᒥ.

ᖃᓄᖅ ᐃᑲᔪᕈᓐᓇᕐᒪᖔᖅᐱᑦ

ᐅᖃᐅᑎᑎᒍᑦ ᖃᓄᐃᑦᑐᖃᖅᐸᓪᓕᐊᒻᒪᖔᖅ ᓄᓇᓕᑦᓯᓐᓂ, ᐊᔾᔨᓂᒃ ᑕᑯᑦᓴᕈᖅᑎᑦᓯᕙᓪᓗᓯ ᐃᓚᒍᑦᓯᐅᔾᔨᓗᓯᓗ ᑲᑎᖅᓱᖅᑕᓄᑦ ᑐᑦᑕᕐᕕᑦᑎᓐᓄᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓅᖓᔪᓂᒃ.

ᐊᒥᖅᑲᐅᑎᒋᒍᒃ ᓄᓇᓕᑦᓯᓐᓂ ᐃᓄᐃᑦ ᖃᐅᔨᒪᔭᑐᖃᖓᑦ