ᑭᓲᖕᒪᑦ ᓄᓇᕐᔪᐊᑉ ᐅᓪᓗᖓ

ᐊᐃᕐᕆᓕ 22 ᓄᓇᕐᔪᐊᑉ ᐅᓪᓗᕆᖕᒪᒍ, ᓄᓇᕐᔪᐊᒥᑦ ᐃᖏᕐᕋᓂᐅᓪᓗᓂ ᐃᑲᔪᖅᑐᐃᓂᐊᕐᓗᓂ ᐊᕙᑎᒥᑦ ᓴᐳᔾᔨᓂᕐᒥᑦ ᓯᓚᓗ ᖃᓄᐃᓕᕙᓪᓕᐊᓂᖓ.

ᑕᒪᑐᒪᓂ ᐊᕐᕌᒍᒥ ᐱᔾᔪᑕᐅᓂᐊᖅᑐᖅ ᐆᒻᒪᖅᑯᑎᕗᑦ, ᓄᓇᕐᔪᐊᕗᑦ, ᐅᔾᔨᕆᔭᐅᓕᖅᑎᓐᓇᓱᒡᓗᑎᒍᑦ ᐊᒃᓱᕉᑕᐅᔪᑦ ᐃᑲᔪᖅᓱᕐᓗᒋᑦ ᐃᖏᕐᕋᐃᓐᓇᖅᑐᑦ ᐆᒻᒪᖅᑯᑎᑐᕈᓯᑦ ᐊᒻᒪ ᐱᖓᓱᐃᓕᖅᑲᖓᓗᑎᒃ ᓄᓇᕐᔪᐊᕐᒥ ᐊᐅᓚᓂᕆᔭᐅᔪᑦ ᓴᓗᒪᔪᒥᒃ ᐆᒻᒪᖅᑯᑎᑐᕈᓯᕐᒥᒃ 2030−ᒧᑦ ᑎᑭᓪᓗᒍ.

ᓯᓚᐅᑉ ᐊᓯᔾᔨᖅᐸᓪᓕᐊᓂᖓᓄᑦ ᑐᖅᑲᖅᑕᕐᕕᒃ ᑐᙵᓱᒃᑎᑦᑎᔪᒪᔪᑦ ᐃᓕᔅᓯᓐᓂᒃ ᖁᕕᐊᓲᑎᖃᕐᓂᐊᖅᑎᓪᓗᑕ ᓄᓇᕐᔪᐊᑉ ᐅᓪᓗᖓᓂᒃ!

ᓄᓇᕘᓕᒫᒥ

ᐊᔾᔨᓕᐅᖅᓯᒪᔪᑦ ᕿᓂᖅᑕᐅᔪᒃᓴᑦ

ᑲᑎᖃᑎᒋᓗᒋᑦ ᐱᖃᓐᓇᕆᔭᑎᑦ ᖃᑕᙳᑎᑎᓪᓗ ᐃᓚᐅᖃᑕᐅᓗᑎᓪᓗ ᐊᔾᔨᙳᐊᓂᒃ ᕿᓂᖅᑐᓂᒃ ᓵᓚᖃᕋᓱᒡᓗᑎᑦ ᓵᓚᒃᓴᒐᒃᓴᑦᑎᐊᕙᖕᓂᑦ!

ᓄᓇᕐᔪᐊᑉ ᐅᓪᓗᖓᓂ ᓇᓚᐅᑦᑖᒐᖅ

ᓄᓇᕗᑦ ᒐᕙᒪᒃᑯᑦ ᐃᓄᖕᓄᑦ ᑐᓴᐅᒪᔪᓕᕆᔾᔪᑎᑦ ᐱᔾᔪᑎᖃᖅᐳᑦ ᐊᐃᕐᕆᓕ 22-ᒥ ᐊᕙᑎᓕᕆᔨᒃᑯᑦ ᓄᓇᕐᔪᐊᑉ ᐅᓪᓗᖓᓂ ᓇᓚᐅᑦᑖᒐᕐᒧᑦ. ᑭᐅᔾᔪᑎᓯ ᑎᑎᕋᕐᓗᒋᑦ ᐊᒧᔭᐅᔪᒃᓴᒧᑦ ᓵᓚᒃᓴᖃᑕᐅᓇᓱᒡᓗᑎᑦ!

ᐃᖃᓗᐃᑦ

ᓄᓇᕐᔪᐊᑉ ᐅᓪᓗᖓᓂ ᐱᔾᔪᑎᓕᒃ ᑕᕐᕆᔮᒃᓴᖅ ᐊᑭᖃᔾᔮᙱᑦᑐᖅ

ᐃᓚᐅᖃᑕᐅᓛᖅᐳᑎᑦ ᐊᐃᕐᕆᓕ 22−ᒥ ᐃᖃᓗᖕᓂ ᑕᕐᕆᔭᕐᕕᖕᒥ ᐊᑭᖃᙱᑦᑐᒥᒃ ᑕᕐᕆᔭᖃᑕᐅᓛᕋᔅᓯ Dr. Seuss' ᑕᕐᕆᔮᒃᓴᖅ ᑕᐃᒎᓯᖃᖅᑐᖅ The Lorax!