ᒪᓕᒐᓕᐅᖅᑎ ᓯᓯᐅᓪ ᓇᓪᕚᓇ ᓚᐃᔪᓪ ᓂᕈᐊᖅᑕᐅᓚᐅᖅᑐᖅ ᐅᑐᐱᕆ 27, 2025−ᒥ, ᑭᒡᒐᖅᑐᖅᑎᐅᓂᐊᖅᖢᓂ ᓇᑦᑎᓕᖕᒧᑦ 7−ᒋᓕᖅᑕᖓᓂ ᒪᓕᒐᓕᐅᕐᕕᖕᒥ ᓄᓇᕗᒻᒥ. ᓄᓇᕗᒻᒥ ᓯᕗᓕᖅᑎᑦ ᑲᑎᒪᑎᓪᓗᒋᑦ, ᓚᐃᔪᓪ ᓂᕈᐊᖅᑕᐅᓚᐅᖅᐳᖅ ᓯᕗᓕᖅᑎᑦ ᑲᑎᒪᔨᖏᓐᓄᑦ ᐃᓚᒋᔭᐅᖁᔭᐅᓪᓗᓂ ᐊᖏᖅᑎᑕᐅᓪᓗᓂᓗ ᑎᑎᕋᕐᕕᖕᒧᑦ ᓄᕕᐱᕆ 20, 2025−ᒥ. ᓂᕈᐊᖅᑕᐅᓚᐅᖅᑳᕋᓂ, ᓚᐃᔪᓪ ᐃᖅᑲᓇᐃᔭᓚᐅᖅᓯᒪᕗᖅ ᓄᓇᕗᑦ ᑐᙵᕕᒃᑯᓐᓄᑦ ᐊᑐᐊᒐᓕᕆᔨᐅᓪᓗᓂ ᐃᒡᓗᓕᕆᓂᕐᒧᑦ ᐊᖏᕐᕋᖃᙱᑦᑐᓕᕆᓂᕐᒧᓪᓗ. ᑭᖑᓂᐊᒍᑦ ᓯᕗᓕᖅᑎᓄᑦ ᐃᑲᔪᖅᑎᒋᔭᐅᓕᓚᐅᖅᓯᒪᕗᖅ ᐊᖓᔪᖅᑳᑉ ᑐᒡᓕᐊᓄᑦ, ᐃᑲᔪᖅᑐᐃᕙᒃᖢᓂ ᐱᓕᕆᐊᖑᔪᓂᒃ ᐊᔭᐅᖅᑐᐃᒃᑲᓐᓂᕈᒪᓪᓗᑎᒃ ᐱᓕᕆᐊᒃᓴᓂᒃ ᐱᔨᑦᑎᕋᐅᑎᓂᒡᓗ ᐃᓄᖕᓄᑦ. ᒥᔅ ᓚᐃᔪᓪ ᐊᑯᓂᐊᓗᒃ ᐱᓕᕆᖃᑦᑕᖅᓯᒪᔪᖅ ᐊᖏᕐᕋᒥᓂ. ᑲᑎᒪᔨᐅᖃᑕᐅᖃᑦᑕᖅᓯᒪᔪᖅ ᑕᓗᕐᔪᐊᕐᒥ ᕼᐋᒻᒪᓚᒃᑯᑦ ᑲᑎᒪᔨᖏᓐᓄᑦ ᐊᒻᒪ ᓄᓇᕗᑦ ᓯᕗᓂᒃᓴᕗᒻᒥ ᑲᑎᒪᔨᐅᓪᓗᓂ, ᐃᒃᓯᕙᐅᑕᐅᑉ ᑐᒡᓕᕆᓪᓗᓂᐅᒃ ᑮᓇᐅᔭᓕᕆᔨᐅᓪᓗᓂᓗ.