ᐃᒡᓗᓂᒃ ᓇᖕᒥᓂᖃᖅᑎᓄᑦ ᐆᒻᒪᖅᑯᑎᑐᕈᓯᕐᓄᑦ ᖃᓄᖅᑑᒐᒃᓴᑦ

ᐊᑐᖖᒋᓐᓂᖅᓴᐅᓇᔭᖅᑐᑎᑦ 1-2% ᐅᖅᑰᓴᐅᑎᒧᑦ ᐊᑭᓕᒐᒃᓴᒧᑦ ᑕᒫᑦ 1o ᐅᖅᑰᓇᕐᓂᖓ ᐊᑦᑎᒃᓯᒋᐊᕌᖓᕕᐅᒃ ᐅᖅᑰᓴᐅᑏᑦ.

ᐃᓕᓯᓗᑎᑦ ᕿᓪᓕᖅᑑᔭᓂᑦ ᓯᓚᑖᓃᓐᓂᖅᓴᓄᑦ ᐹᓄᑦ ᐊᒻᒪᓗ ᐃᒐᓛᓄᑦ ᐊᓯᐅᔨᖁᓇᒃ ᐅᖅᑰᓂᖓᓂᑦ ᐊᖏᕐᕋᕐᓂᒃ.

ᐃᓪᓕᖅᓱᕐᓗᒋᑦ ᐅᕝᕙᓘᓐᓃᑦ ᐊᖕᒪᔪᐃᑦ ᒪᑐᐊᖅᑎᕐᓗᒋᑦ ᓱᓪᓗᓖᑦ, ᓱᓪᓗᓕᕋᓛᑦ, ᓱᐴᕈᑏᑦ ᐅᕝᕙᓘᓐᓃᑦ ᐅᖅᑰᓴᐅᑎᐅᑉ ᐃᓂᖏᑦ ᐊᑭᓐᓇᒦᓲᑦ, ᐃᒡᓘᑉ ᖁᓛᓂ ᐅᕝᕙᓘᓐᓃᑦ ᓇᑎᕐᒥ ᐅᖅᑰᓴᖅᑐᒃᑯᑦ ᖅᑰᓴᖖᒋᑦᑐᒃᑯᓪᓗ.

ᐊᑦᑎᒃᓯᒋᐊᕐᓗᒍ ᐋᖅᑭᒋᐊᕈᑎ ᐅᖅᑰᓴᐅᑎᒧᑦ ᐅᓐᓄᐊᒃᑯᑦ ᓯᓂᒃᑎᓪᓗᑎᑦ ᐅᕝᕙᓘᓐᓃᑦ ᐊᐃᓯᒪᔪᖃᖖᒋᑎᓪᓗᒍ.

ᑕᐃᒪᐃᒃᑲᓗᐊᕈᕕᑦ ᓱᒃᑲᓂᕐᓴᒥᒃ ᐅᖅᑰᓯᔾᔮᖖᒋᑦᑐᖅ. ᐊᔪᕐᓇᖖᒋᑦᑐᑯᓘᖕᒪᑦ ᐳᐃᒍᕆᐊᒃᓴᖅ ᐊᕐᐸᕐᑎᒋᐊᕆᐊᖓ ᐊᑐᖅᑎᑦᑎᑐᐃᓐᓇᕋᔭᖅᑐᖅ ᐊᐅᓚᔪᓐᓇᐅᑎᐅᑉ ᑮᓇᐅᔭᕐᑐᕐᓂᖓᓂᑦ.

ᑖᒃᑯᐊ ᐅᕕᓂᖕᓂᐊᕈᑏᑦ ᐊᑐᖖᒋᓐᓂᖅᓴᐅᔪᓐᓇᕐᒪᑕ 15% ᐆᓇᖅᑐᒥᑦ ᐃᒪᕐᒥᑦ ᐊᑭᖏᓐᓂᑦ, ᑯᕕᑎᔾᔪᑏᑦ ᒥᒃᖠᒋᐊᖅᑎᑦᑎᔪᓐᓇᖅᑎᓪᓗᒋᑦ ᐃᒪᕐᑐᕐᓂᕐᒥᑦ 10%-ᐸᓗᖕᒥᑦ. ᑯᕕᕐᔪᐊᓲᖑᖖᒋᑦᑐᑦ ᐅᕕᓂᖕᓂᐊᕈᑎᒧᑦ ᐊᒻᒪᓗ ᑯᕕᑎᔾᔪᑎᓄᑦ ᐃᒪᐃᐸᓗᖕᒪᑕ 1.0 - 2.5 GPM (ᐃᒪᖅᑐᓂᖓ ᖃᐅᔨᓴᐅᑎᐅᑉ ᓱᒃᑲᓂᖅᓴᖓᒍᑦ).

ᐊᑐᖅᑕᐃᓕᓂᖅ ᐊᐅᓚᔪᓐᓇᐅᑎᒥᑦ ᐅᖅᑰᓇᓗᐊᖅᑎᓪᓗᒍ ᐅᕝᕙᓘᓐᓃᑦ ᓂᒡᓚᓱᓗᐊᖅᑎᓪᓗᒍ ᐊᑑᑎᖃᕈᓐᓇᕐᒥᔪᖅ ᐊᑐᖅᐸᒃᑐᓄᑦ.

ᐃᖏᕐᕋᓂᖓ ᓇᐃᓐᓂᖅᓴᐅᖃᑦᑕᕋᔭᖅᑐᖅ ᓴᓗᒪᑎᓪᓗᒍ ᐊᒻᒪᓗ ᐊᑐᖖᒋᓐᓂᖅᓴᐅᓗᑎ ᐊᐅᓚᔪᓐᓇᐅᑎᒥᑦ.

ᖁᐊᒃᑯᕖᑦ ᓂᒡᓕᓇᕐᓂᕐᒦᖏᓐᓇᕆᐊᖃᖅᑐᑦ 1’C – 3’C, ᐃᓗᑦᑕᐃᓐᓇᐃᑦ ᖁᐊᒃᑯᕖᑦ ᐃᒪᓐᓇᐅᑎᓪᓗᒍ -18’C.

ᒪᑐᐃᖅᑕᐅᑐᐊᕌᖓᑦ, ᐆᓇᔪᒃᑐᖅ ᐃᓯᑲᐅᑎᒋᖃᑦᑕᕐᒪᑦ ᐊᒻᒪᓗ ᐊᐅᓚᔪᓐᓇᐅᑎ ᐊᑐᕆᐊᖃᕐᖢᓂ ᓂᒡᓕᒃᑲᓐᓂᕋᓱᖕᓂᖓᓂ.

ᐊᖏᓂᖅᓴᒥᑦ ᐊᑐᖅᑐᑎᑦᑎᓲᖑᖕᒪᑕ ᐊᐅᓚᔪᓐᓇᐅᑎᒥᒃ ᐃᖏᕐᕋᖁᓪᓗᒍ ᐊᐅᓚᐅᑎᖓ ᓂᓚᒃᓯᒪᓗᐊᖅᑎᓪᓗᒍ.

ᐊᑐᓗᐊᖖᒋᓐᓂᖅᓴᐅᓂᐊᖅᑐᑎᑦ ᐃᒪᕐᒥᑦ, ᐃᑲᕐᕋᒥᑦ, ᐊᒻᒪᓗ ᑮᓇᐅᔭᕐᒥᑦ.

ᑲᑎᑉᐸᓪᓕᐊᔪᑦ ᐆᓇᖅᑐᑦ ᑐᑭᖃᕐᒪᑦ ᒥᑭᓐᓂᖅᓴᒥᑦ ᐊᐅᓚᔪᓐᓇᐅᑎᒥᑦ ᐊᑐᕐᓂᕐᒥᑦ.