ᓯᓚᐅᑉ ᐊᓯᔾᔨᖅᑕᕐᓂᖓ ᐅᑭᐅᖅᑕᖅᑐᒥ ᓄᓇᓂ, ᐊᑕᐅᓯᒃᑯᑦ ᓯᓚ ᖃᓄᑐᐃᓐᓇᑦᓯᐊᖅ ᐱᕙᑦᑎᓪᓗᒍ, ᓴᖅᑮᒍᑕᐅᒍᓐᓇᖅᑐᖅ ᑐᓐᖓᕕᓗᐊᓐᖏᓂᕐᒥᒃ ᐅᓗᕆᐊᓇᖅᑐᓂᓪᓗ, ᐱᖃᓯᐅᑎᑦᓱᓂ ᐅᓕᕕᔾᔪᐊᕐᓂᖅ, ᓄᓇᐃᑦ ᓯᑑᕐᓂᖏᑦ, ᐊᐅᑉᐸᓪᓕᐊᔪᑦ, ᓯᓈᓂ ᓯᑯᒧᑦ ᐅᔭᐅᖅᑕᐅᔪᑦ, ᓯᓚᕐᓂᓪᓗᓯᑲᓪᓚᖃᑦᑕᕐᓃᑦ ᐊᒻᒪᓗ ᓯᓈᑉ ᓄᖑᑎᖅᐸᓪᓕᐊᓂᖓ. ᐱᓕᕆᖃᑎᒌᕗᑦ ᐊᐅᓚᓂᕐᒧᑦ ᖃᐅᔨᓴᖅᑐᑦ ᑕᒪᒃᑮᓐᓂᒃ ᐱᔾᔪᑕᐅᔪᓂᒃ ᐊᓯᔾᔨᕐᓂᕐᒧᑦ ᐊᒻᒪᓗ ᐊᑦᑐᐃᓂᖏᑦ ᑐᓐᖓᕕᖃᑦᓯᐊᖏᑦᑐᑦ ᓄᓇᓕᓐᓂ ᓄᓇᐃᑦ ᓂᕈᐊᖅᑕᐅᓯᒪᔪᑦ ᐅᑭᐅᖅᑕᖅᑐᒥ.
ᖃᐅᔨᓴᕐᓂᖅ ᓄᓇᓂᒃ ᓂᕈᐊᖅᑕᔪᓂᒃ ᐃᓚᖓᒍᑦ ᐅᖃᖃᑎᒋᑦᓱᒋᑦ ᐅᑭᐅᖅᑕᖅᑐᒥᓄᓇᓖᑦ ᑲᑐᔾᔨᖃᑕᐅᔪᓪᓗ ᑭᒡᒐᖅᑐᐃᑦᓱᑎᓪᓗ ᐃᓂᓪᓗᐊᑕᐅᔪᓂᒃ ᖃᐅᔨᕐᓴᕐᓂᑦᒧ ᓯᓈᑉ ᓄᓇᐅᓪᓗ ᒪᓐᓂᑦᓯᐅᑎᓯᒪᓂᖏᓐᓂᒃ ᐅᓗᕆᐊᓇᖅᑐᓂ.
ᓯᕗᓂᑦᑎᓐᓂ ᓯᓚᐅᑉ ᖃᓄᐃᑦᑑᓂᖏᑦ ᐊᑦᑐᐃᓂᖏᓪᓗ ᓂᕆᐅᒍᑕᐅᒻᒪᑕ ᐊᓯᔾᔨᕐᓂᐅᔪᓂᒃ ᓯᓚᐅᑉ ᖃᓄᐃᑦᑑᓂᖏᓐᓄᑦ ᐱᕚᓪᓕᕈᑕᐅᑐᐃᓐᓇᕆᐊᓕᓐᓄᑦ ᓯᓈᓂ ᑐᓐᖓᕕᖃᑦᓯᐊᕈᓐᓃᕐᓂᖏᓐᓄᑦ ᓄᓇᐃᑦ ᐅᓗᕆᐊᓇᕐᓂᐅᓪᓗ.
ᓂᕆᐅᓐᓂᖅ ᓯᕗᓂᕐᒥ ᐊᐅᓚᔾᔭᒋᐊᕈᑕᐅᓂᐊᖅᑐᓂᒃ ᓯᓈᓂ ᓄᓇᐅᑉ ᑖᒃᑯᓄᖓ ᐊᓯᔾᔨᕐᓂᐅᔪᓄᑦ ᓴᖅᑮᒍᑕᐅᒋᕗᖅ ᑐᕌᒐᓪᓗᐊᑕᐅᔪᒥᒃ ᑖᑦᓱᒧᖓ ArcticNet ᐊᐅᓚᓂᕐᒧᑦ. ᑐᕌᒐᕗᑦ ᓴᖅᑮᒐᔭᕆᐊᖅᓴᖅ ᓂᕆᐅᒋᔭᐅᔪᓂᒃ ᐃᖏᕐᖃᓂᖓᓄᑦ ᐊᓯᔾᔨᕐᓂᐅᑉ ᐊᕙᑎᒥ ᓇᓗᓇᐃᕈᑎᓪᓗᐊᑕᐅᔪᓄᑦ ᐊᑑᑎᓂᐊᖅᑐᕆᔭᐅᔪᓄᑦ ᐊᑖᓂ ᓯᓚᐅᑉ ᐊᓯᔾᔨᐸᓪᓕᐊᓂᖓᑕ ᕿᒥᕐᖁᓗᒋᓪᓗ ᒪᓐᓂᑦᓯᐅᑎᓯᒪᔪᑦ ᓯᓈᓂ ᓄᓇᐃᑦ ᓄᓇᓕᓐᓂᓗ ᐃᑲᔪᖅᓯᒍᑎᑦᓴᑉᐃᑦ ᐋᖅᑭᐅᒪᔾᔪᑏᓪᓗ ᑖᒃᑯᓄᖓ ᐊᓯᔾᔨᕐᓂᐅᔪᓄᑦ.
ᑲᑐᔾᔨᖃᑎᒋᓗᒋᑦ ᐅᑭᐅᖅᑕᖅᑐᒥ ᓄᓇᓖᑦ ᑲᑐᔾᔨᖃᑕᐅᔪᓪᓗ ᐸᕐᓇᑦᑐᒍᑦ ᑲᑐᓯᐅᔾᔨᓂᐊᕆᐊᖅᓴᖅ ᓄᓇᓕᓐᓂ ᓯᓚᑖᓂᓗ ᖃᐅᔨᓴᕐᓂᕐᒥᒃ ᖃᐅᔨᒪᓂᐅᔪᓂᓪᓗ ᓯᓚᐅᑉ ᐊᓯᔾᔨᕐᓂᖓᓄᑦ ᐊᐅᓚᓂᐅᔪᓄᑦ ᐊᑦᑐᐃᓂᖏᓐᓄᓪᓗ ᐊᑐᐃᓐᓇᐅᑎᑦᓯᒍᑎᒋᓗᒍ ᑐᓐᖓᕕᒻᒥᒃ ᖃᓄᖅᑑᕈᑕᐅᓂᖓᓄᑦ ᖁᑦᓯᓕᕇᓐᓂᓕᒫᓂ, ᑕᐃᒫᒃ ᐱᕙᓪᓕᖅᑎᓪᓗᒋᑦ ᓄᓇᓕᓐᓂ ᓱᖏᐅᑎᒍᓐᓇᕐᓂᐅᔪᑦ. ᑐᕌᒐᓪᓗᐊᑕᕆᔭᕗᑦ ᖃᐅᔨᒪᔭᐅᑎᑦᓯᓂᖅ ᑐᓴᐅᒪᓗᑎᒃ ᖃᓄᖅᑑᕈᑎᑦᓴᓂᒃ ᓱᖏᐅᑎᓂᕐᒧᑦ ᐊᒻᒪᓗ ᐊᓐᓇᒍᓐᓇᑲᓐᓂᖁᓪᓗᒋᑦ ᓯᓈᓃᑦᑐᑦ ᓄᓇᓖᑦ.
ᖃᐅᔨᓴᕐᕕᐅᔪᑦ
ᐃᒃᐱᐊᕐᔪᒃ, ᐊᕐᕕᐊᑦ, ᐃᖃᓗᑦᑑᑦᑎᐊᖅ, ᑲᖏᖅᑐᒑᐱᒃ, ᓴᓂᕋᔭᒃ, ᐃᖃᓗᐃᑦ, ᖁᒡᓗᖅᑐᖅ, ᒥᑦᑎᒪᑕᓕᒃ, ᖃᐅᓱᐃᑦᑐᖅ, ᑎᑭᕋᕐᔪᐊᖅ.
ᓄᓇᓕᓐᓂᒃ ᖃᑐᔾᔨᖃᑕᐅᔪᑦ
ᓲᕐᓗ ᐱᖃᓯᐅᔾᔨᔪᑦ ᕿᑭᖅᑕᕈᒃ ᒥᓐᖑᐃᓯᕐᕕᒻᒥᒃ Herschel Island-ᒥ ᔫᑳᓐᒥ, ᑲᖏᖅᑐᒑᐱᒻᒥ ᖃᐅᔨᕐᓴᓂᕐᒧᑦ ᑲᑎᒪᔨᕋᓛᑦ (ᐃᑦᑕᒃ ᐊᒻᒪᓗ ᐃᓕᓴᖅᓯᕕᒃ ᑲᑐᔾᔨᖃᑎᒌᑦ), ᓄᓇᓕᓐᓂ ᖃᓄᖅᑑᖅᑏᑦ (ᐃᓄᑐᖃᐃᑦ, ᐊᖑᓇᓱᑦᑑᑦ ᒥᑭᒋᐊᕐᓂᐊᖅᑏᓪᓗ, ᓄᓇᓕᓐᓂ ᑲᑎᒪᔩᑦ) ᑐᒃᑑᔭᖅᑐᒥᒃ ᐅᖅᓱᖅᑑᒧᑦ ᓴᓪᓗᕐᓄᑦ ᓇᐃᓂᒧᑦ ᐊᒻᒪᓗ ᐊᕕᑦᑐᖅᓯᒪᔪᓂ ᑎᒥᐅᔪᓄᑦ ᒐᕙᒪᓄᓪᓗ (ᓲᕐᓗ ᐃᓄᕕᐊᓗᐃᑦ ᑲᑐᔾᔨᖃᑎᒌᑦ ᑐᑦᑕᕐᕕᖓᑦ ᐆᒪᔪᓄᓪᓗ ᑲᑎᒪᔩᑦ, ᓄᓇᕕᒃ ᒐᕙᒪᖓ, ᓄᓇᑦᓯᐊᕗᑦ ᒐᕙᒪᖓ).
ᐊᐅᓚᓂᕐᒧᑦ ᑐᑦᑕᕐᕕᐅᔪᑦ:
ᑖᓐ ᕗᐊᕐᕝᔅ
ᐃᓕᓴᐃᔨᕐᔪᐊᖅ
ᓯᓚᑦᑐᓴᕐᕕᔾᔪᐊᖓᓂ ᓂᐅᕙᓐᓛᓐ c/o ᓄᓇᓐᖑᐊᓕᕆᔨᑦ ᑲᓇᑕᒥ
Bedford Institute ᐃᒪᓕᕆᔩᑦ
ᑕᕐᒪᐅᖦ, ᓅᕙ ᓯᑰᓯᐊ
ᑐᕆᕗ ᕕᐅᓪ
ᐃᓕᓴᐃᔨᕐᔪᐊᖅ
ᓯᓚᑦᑐᓴᕐᕕᔾᔪᐊᖓᓂ ᓂᐅᕙᓐᓛᓐ
ᓴᐃᓐᑦ ᔮᓐᔅ ᓂᐅᕙᓐᓛᓐ