Jennifer Kilabuk
Ilauliqhimajunga ukunnungna katimajiinut taimaaltut ikajurumaplunga qaujimajakhainik hilaup aallanguqtirnirnianun pidjutaujut tapkununga atuqtaptingnut hamani Nunavunmi nunarjuamilu. Ikajurumajatka Nunavunmiut taima havaqatigiigiaqaqtugut nutqaqtitangita ihuaqhautikharniklu hilaup allanguqtinirninganut ajuqhautigivaktainik tadja atuqtaptingnik imaali upalungaijaktakhavut inulramiinut hivunirmi hilaup allanguqtinirninganut ajungnautigivakhimajainik akuktauniaqtun.
Upiruhuktunga hamna havaakhaq anginiqaqtuq taima Hilaup Aallanguqtirninga aulalirman hadjamimun allanguqtiqhimaaqtuniklu hilarlungnirmik, uunarjuumivaliqhunilu, mahaktirnirmiklu, mahaktirnirmiklu, kuukkatlu avatqutitpaliqhutiklu, hilarlurjuaqpaliqhunilu imaatutlu anukkarjuaqpaliqhutik nunarjuami ajuqhaqpaliqtut. Hamna ajuqhautauvaliqtuq pitquhiptingnun atuqtaujunut, niqailiurnirmun, imailiurnirmun, inuuhiptingnun hivunikhanutlu kingulikhaptingnut. Inuinnaupluta, inuudjuhiqqut pitquhiptingnilu ukpirniptingnik pittiarnirmik munariqnirmiklu nunaptingnhnik, imarmiklu, avatiptingnik, huradjanik inungniklu taimaatun anginiqaqtut uvamnun Inuit nipingit, ihumagijavun pitquhikkullu qaujihimaniit tuhaajauvaktun pidjutigiplugu hilaup aallanguqtirninganun Nunavunmi.
Charlotte Lapôtre
Mikaunimnit taimaatut, hulilukaaqpakhimajunga aniilukaakhunga hilami nunaptingnilu uvamnik. Aniirangama taimaa ihumaluutaitpaktunga aliagijara aniilukaariamni, uvaptut itpakhunga. Aniiriami quviagijara, humilu ihumagijakhamik qanuqtutliqaak hulilukanguakhuni tahamani quvianaqtuq. Hamna taimaatut quviagijaqquuk ataatiaralu; akhuukhaqpaganga aniilukaaquplunga ihuaqhilaqinnarmat hilami maniqqamilu hulilukaakhuta. Iliharumajamnik pitqujauliramma, pijumajamnik uqaqtunga avataujumik, iliharumaplunga qanuqtut aallanguriangani ilaujamnilu ihuaqhautikhamik. Ilaani ihuigiliqpaktatka Inuit qanuriliurutainik imaalu qanuriliujuinnapta ilaanii, kihiani huli, idjuhimmi, aliagijatka nunami hulilukaariami nunarjuami aulajuittut huli.
Taimaittumik, ihumaliuqhimajunga ilaujaangat allatqiinut katimajiinun taima aadjikiiktumik ihumaalutiqaqtun, aadjikiiktumik quviagijaqaqhutiklu. Ihumaliuqhimajunga aullaarlunga avaliitumik talvuuna ilitturittiarumaplunga uvamnik. Ihumajunga ilaujaangat ukunani katimajiini taima ilitturijaptingni allatqiinik ihumagijaptingnik atuqpakhimajainik inungnin tamainin. Arlingnaqtuq qanuqtut angijumik ajuikpalliajunga katimagangapta ubluq tamaat. Uvamnut, imaatut ituq ilaujaami katimajunut hapkunatut avatiliqijiujut ihumaliuriamingni nakuujumik ihuaqhaidjutikhanik uqautigilugitlu qanuriliurutikhainik hilaup aallangurninnganut.
Aislyn Omilgoetok
Atira Aislyn Omilgoetok, Iqaluktuutiarmiutaujunga. Ilauliqhimajunga katimajiinut ihumagiplugit ikajurumaplunga nunapta idjuhianik, uumajunut, nirjutinut, imaalu imarmik uvalu qanuqtutliqaak ikajuutikhamnik tamainut ikajurahuarutikhaptingnik nunaptingnut hilaptingnutlu. Nunakput, tariuqqutlu anginiqaqtuuk Inuinnarnun, taimaalu niqikhaqaqtitpangmatigut aallaniklu atuqtaktaptingnik. Taimaatut pamiqtauhimajunga, ikajurumaplungalu hilaup qanuriniinik,uumajunik, imarmiutaniklu aadjikutanik hilaup ikajuqpauhianik uvamnut ilagijamnunlu.
Siku Rojas
Rebecca Simms
Qanuriniaqqa nunarjuaqput hivunikhaptingni pidjutauniaqtuq ihumagijakhaqqut. Inulramiubluni, qanuriliurnivut ikahuutaujukhat munarittiariangini tamaqtailinikkut, iliharnirmik, uvalu ilitariblugit aallanguqtiqpallianinga hilaup hamaniinaungittuq Ukiuqtaqtumi America-mi, kihimi nunarjuami. Apiqqutit aallanguqataaqtut kinguliptingnut hamanga "hilaup aallanguqtirninganun atuqtauva?" itquumanikkut tapkua turaaqhimajut haffumunga "qanuqtut pidjutiginiaqtaqqut hilaup aallanguqtirninganun?". Hamani nunarjuami inuujugut tadja aallanguqataliqtuq takunaqtumik pidjutaujunik hilaup idjuhiingit, hilalungniq takunaqtut tamaini idjuhiatigut huradjat, uvalu amigaittut allat. Ukiuqtaqtumi, una aulaliqtuq kajummaqpiakhuni taima naunaijagiikhimajut hivuraani aviktuqhimajuni.
Ilaujunga ukunani katimajiini munaqhirukhat imaalu laujukhaniklu atuqtakhainik allanguqtirutikhanik piqaqtukhat munaqhidjutikhaptingnik hilaupaallanguqtirninganik. Apirihimaittumik huliniaqqat, ihumajukhaujunga huliniaqqita?