Nunavunmi, huanngautit aktuqhivaktut hunaqutinik tamangnik inuuhiptingnit. Taimaa qulliit ikitaqhugit, uqquuhaqhugit ikluit, uqhiqtuqhugillu sikiitukput, aghuurnaqtuq ilihimattiariamik nakinngaariaghait huanngautit qanuqlu mihingnautivaktuq avatiptingnit. Uqhutuqanik atuinnariamik avatinik aallannguqtirivakkami, atuqpallaaqtailigupta nakuutqiyauniaqtuq.
Hapkunani qaritauyakkuurutinit, takuniaqtatit huanngautinut naunaitkutait Nunavunmi nunallaat, amihuuyullu aturianaqtut huanngautinut havaanguyut tahamani nunallaarnit, ilittuqhautillu aallatqiingnut huanngautauyut alruyaqtuqtut tajja ittut. Naunaitkutaqaqtuqlu huanngautinut havauhiqnut Nunavunmi qaffiniklu huanngautituqpallaarnaittut ikayuutighat upluq tamaat inuuhiptingnit.
Maliguaruminaqtut maligumalugit nakuuyumik tuhaayaghakkut huanngautinut unipkaanguyunik Nunavunmi ilittuqhitilugit ilannatillu ilatillu!
Naunaiqhitiyumaguffi huliyaaghaffingnik nunallaani huanngit mighaagut hilalu aallannguqpalliayumi, qaritauyakkut titiraqluta hamani: climatechange@gov.nu.ca atuqluguluuniit titiraaghaq ataani hivayaqluguluuniit (867) 975-7700.
Naunaiqhimaluhi taimaa naunaitkutat takupkaqtitauyut hamani qaritauyakkuurutinit ilittuqhitiuyut Inuit Qauhimayatuqanginnik maliktaghanik.