You are here

ᓇᖕᒥᓂᖃᕐᕕᐅᔪᓄᑦ ᐆᒻᒪᖅᑯᑎᑐᕈᓯᕐᓄᑦ ᖃᓄᖅᑑᒐᒃᓴᑦ

ᖃᕋᓴᐅᔭᐃᑦ ᑎᑎᕋᕐᕕᖕᒦᔾᔪᑏᓪᓗ

ᐊᑐᕐᓗᑎᑦ ᑎᑎᕋᐅᑎᐅᑉ ᐃᒪᖓᓂᑦ ᐊᑐᖅᑐᓂᑦ ᑎᑎᖅᑲᓕᐅᕈᑎᒥᑦ ᖃᐅᒪᔪᓅᖅᑐᓄᑦ ᑎᑎᖅᑲᓕᐅᕈᑎᓅᖏᖔᖅᑐᖅ ᐊᑐᕈᓐᓇᕐᓂᖅᓴᓂᑦ, ᐊᑐᖃᑦᑕᕐᒪᑕ 90% ᒥᑭᓐᓂᖅᓴᒥᑦ ᐊᐅᓚᔪᓐᓇᐅᑎᒥᑦ

ᐊᑐᕐᓗᒋᑦ ᓴᕐᓕᐊᕆᐊᓖᑦ ᖃᕋᓴᐅᔭᐃᑦ ᑭᐳᒦᑦᑕᕆᐊᖃᖖᒋᖔᖅᑐᓂᑦ ᖃᕋᓴᐅᔭᕐᓂᑦ ᐊᑐᕈᓐᓇᕐᓂᖅᓴᓂᑦ, ᐊᑐᖃᑦᑕᕐᒪᑕ 90% ᒥᑭᓐᓂᖅᓴᒥᑦ ᐊᐅᓚᔪᓐᓇᐅᑎᒥᑦ

ᓂᐅᕕᓕᕈᕕᑦ ᖃᕋᓴᐅᔭᕐᒥᑦ, ᖃᕋᓴᐅᔭᐅᑉ ᐊᐅᓚᐅᑎᖓᓂᑦ, ᑎᑎᖅᑲᓕᐅᕈᑎᓂᑦ, ᐅᓄᖅᑐᓕᐅᕈᑎᓂᑦ ᐊᒻᒪᓗ ᓱᒃᑲᔪᒃᑰᕈᑎᓂᑦ, ᐃᓱᒪᒋᓗᒍ ᐊᐅᓚᔪᓐᓇᐅᑎᓄᑦ ᐱᐅᔪᖅ® ᓴᓇᓯᒪᓂᖏᑦ “ᖃᒥᖃᑦᑕᖅᑐᑦ” ᐊᑐᖅᑕᐅᖏᑯᑖᓗᐊᓕᕌᖓᒥᒃ

ᖃᒥᓪᓗᒋᑦ ᖃᕋᓴᐅᔭᐃᑦ, ᐊᐅᓚᐅᑎᖏᑦ, ᑎᑎᖅᑲᓕᐅᕈᑏᑦ, ᐅᓄᖅᑐᓕᐅᕈᑏᑦ ᐊᒻᒪᓗ ᐃᑯᒪᐃᑦ ᐅᓐᓄᐊᒃᑯᑦ ᐊᒻᒪᓗ ᐱᓇᓱᐊᕈᓯᐅᑉ ᓄᖖᒍᐊᓂ

ᓄᑖᑦ ᐃᒡᓗᕐᔪᐊᑦ

ᐃᒡᓗᓕᐅᕐᐸᒡᓗᑎᑦ ᐊᒻᒪᓗ ᐊᓯᖏᓐᓂᑦ ᐃᒡᓗᕐᔪᐊᓂᑦ ᓂᒋᕐᒧᑦ ᓵᖖᒐᔪᒥᒃ ᐃᒐᓛᖃᕐᓗᓂ ᓯᕿᓐᓂᖅᑐᖅᓯᐅᖃᑦᑕᕐᓂᐊᕐᒪᑦ ᐊᒻᒪᓗ ᐅᖅᑰᑎᓪᓗᒍ ᐃᒡᓗ

ᐅᖅᑰᓴᕐᓂᕐᒧᑦ ᐊᑮᑦ ᒥᒃᖠᒋᐊᕈᓐᓇᖅᑐᑦ 20%-ᒥᑦ.

ᐃᓱᒪᒋᓗᒍ ᐃᓕᓯᔭᕆᐊᒃᓴᖅ ᓵᑦᑑᔭᕐᒥᑦ ᕿᔪᐊᕐᔪᖕᒥᑦ ᓂᒋᖔᖓᓂ ᐃᒡᓘᑉ

Lorem ipsum dolor sit amet, consectetur adipiscing elit. Aenean feugiat finibus lectus sit amet bibendum. Nullam vulputate lacus in lorem blandit, eget ullamcorper tortor mollis. In dolor diam, dapibus eu maximus sit amet, tristique egestas magna. Mauris elementum lobortis urna, ac aliquet neque placerat ac. Nunc id gravida purus. Proin finibus convallis urna, quis maximus nunc sagittis ut. Sed accumsan pellentesque finibus.

ᐃᑯᒪᐃᑦ

ᐃᓕᓯᓗᑎᑦ ᐊᐅᓚᔪᒧᑦ ᖃᐅᔨᔭᑦᑐᒥᑦ ᖃᐅᒪᑎᑦᑎᑐᐃᓐᓇᖁᓪᓗᒍ ᐃᓄᐃᑦ ᐃᒡᓗᕈᓯᕐᒦᑎᓪᓗᒋᑦ

ᐃᓕᓯᓗᑎᑦ ᐊᓯᐊᓄᑦ ᖃᒥᑦᑕᐅᑎᒥᑦ ᒥᑭᓐᓂᖅᓴᓂᒃ ᐊᕙᑎᖃᖅᑐᓄᑦ ᐃᑯᒪᔭᕆᐊᖃᕐᓂᖓ ᐊᑐᑐᐃᓐᓇᖃᑦᑕᕐᓂᐊᕐᒪᑦ ᐱᔭᕆᐊᖃᕌᖓᑦ

ᐊᓯᔾᔨᕐᓗᒋᑦ ᐊᑐᒐᔪᒃᑐᑦ ᖃᐅᒻᒪᖅᑯᑏᑦ ᐊᐅᓚᔪᓐᓇᐅᑎᑐᓗᐊᖖᒋᓐᓂᖅᓴᓄᑦ ᖃᐅᒻᒪᖅᑯᑎᓄᑦ

ᐊᑐᓲᑦ 75% ᒥᑭᓐᓂᖅᓴᒥᑦ ᐊᐅᓚᔪᓐᓇᐅᑎᒥᑦ ᐊᒻᒪᓗ ᖁᓕᓂᑦ ᐊᑯᓂᐅᓂᖅᓴᖅ ᐊᑐᓲᖑᓪᓗᑎᒃ.

ᐊᓯᔾᔨᕐᓗᒋᑦ ᐱᑕᕐᑳᓂᒃᑐᑦ T12 ᖃᐅᒻᒪᖅᑯᑎᕋᓛᑦ ᐊᒻᒪᓗ ᖃᐅᒻᒪᖅᑯᑎᐅᑉ ᐃᓕᔾᔨᕝᕕᖓ ᐅᑯᓄᖓ T8 ᖃᐅᒻᒪᖅᑯᑎᕋᓛᓄᑦ ᐊᒻᒪᓗ ᖃᐅᒻᒪᖅᑯᑎᐅᑉ ᐃᓕᔾᔨᕝᕕᖓᓄᑦ.

ᐊᓯᔾᔨᕐᓗᒋᑦ ᓇᑲᓲᔭᑐᐃᓐᓇᐃᑦ ᐅᕝᕙᓘᓐᓃᑦ ᖃᐅᒻᒪᖅᑯᑏᑦ ᐊᓂᑐᐃᓐᓇᕆᐊᓖᑦ ᐊᑯᓂᐅᓂᖅᓴᖅ-ᐊᑐᕈᓐᓇᖅᑐᓄᑦ, ᐊᑐᖖᒋᓐᓂᖅᓴᖅ-ᐊᐅᓚᔪᓐᓇᐅᑎᒥᑦ LED ᐊᓂᑐᐃᓐᓇᕆᐊᓕᖕᓄᑦ

ᐅᖅᑰᓴᕐᓂᖅ

ᐃᓕᓯᓗᑎᑦ ᐋᖅᑭᒃᑕᐅᓯᒪᕙᒌᕈᓐᓇᖅᑐᒥᑦ ᐅᖅᑰᓴᐅᑎᒥᑦ

ᐊᑐᖖᒋᓐᓂᖅᓴᐅᔪᓐᓇᖅᑐᑎᑦ 1-2% ᐅᖅᑰᓴᐅᑎᒧᑦ ᐊᑭᓕᒐᒃᓴᒥᑦ ᑕᒫᑦ 1o ᐅᖅᑰᓇᕐᓂᖓ ᖃᒥᒋᐊᕌᖓᕕᐅᒃ ᐅᖅᑰᓴᐅᑎᒧᑦ ᕿᓪᓚᔾᔪᒐᖅ. ᐃᓱᒪᒋᓗᒍ ᐃᓕᓯᔭᕆᐊᒃᓴᖅ ᑮᒃᑕᖅᑐᒥᑦ ᒪᑐᒥᑦ ᐅᖅᑰᓴᐅᑎᒧᑦ ᐱᖁᓇᒋᑦ ᐃᖅᑲᓇᐃᔭᖅᑏᑦ ᐊᓯᔾᔩᒋᐊᖅ ᐅᖅᑰᓴᐅᑎᒥᑦ.

ᐃᓕᓯᖖᒋᓪᓗᑎᑦ ᐃᒡᓗᕈᓯᕐᒧᑦ ᐅᖅᑰᓴᐅᑎᒥᑦ ᓂᒡᓕᓇᖅᑐᒥᑦ ᓯᓚᑖᓂ ᐊᑭᓐᓇᐅᑉ, ᓴᓂᓕᖓᓄᑦ ᐃᒐᓛᖅ, ᐃᓂᑦᑎᐊᕙᐅᖖᒋᑦᑐᒥᑦ ᐅᕝᕙᓘᓐᓃᑦ ᖃᓂᒋᔭᖓᓄᑦ ᐅᖅᑰᓴᐅᑎᕈᔪᐃᑦ

ᐃᓪᓕᕆᓗᒍ ᐆᓇᖅᑐᖃᐅᑏᑦ ᕿᓪᓕᖅᑑᔭᒥᑦ ᐊᕙᑖᒍᑦ ᐆᓇᔪᒃᐸᑦ ᐊᒃᑐᕐᓗᒍ

ᐃᓱᒪᒋᓗᒍ ᐃᓕᓯᒋᐊᒃᓴᖅ ᐊᐅᓚᔪᓐᓇᐅᑎᓄᑦ ᐱᐅᔪᖅ® ᑭᐊᒃᓴᐅᑎᒥᑦ ᐅᕝᕙᓘᓐᓃᑦ ᐆᓇᖅᑐᖃᐅᑎᒥᑦ

ᓴᓗᒻᒪᖅᓴᕐᓗᒋᑦ ᐅᕝᕙᓘᓐᓃᑦ ᐊᓯᔾᔨᕐᓗᒋᑦ ᓱᕈᕐᒧᑦ ᐴᖃᐅᑎᑦ ᑭᐊᒃᓴᐅᑎᒥᑦ ᐊᒻᒪᓗ/ᐅᕝᕙᓘᓐᓃᑦ ᕿᑎᐊᓃᑦᑐᓂᑦ ᐊᓂᖅᑎᕆᔾᔪᑎᑦᑎᐊᕙᐅᔪᓂᑦ ᐊᑕᐅᓯᐊᕐᓗᒍ ᑕᖅᑭᖅ ᐅᕝᕙᓘᓐᓃᑦ ᐱᔭᕆᐊᖃᖅᐸᑦ

ᖁᐊᒃᑯᕖᑦ

ᐃᓕᓯᓗᑎᑦ ᒪᑐᓯᑲᐅᑎᒋᔾᔪᑎᓂᑦ ᐊᒻᒪᓗ ᑕᓗᓯᒪᔾᔪᑎᓂᑦ ᐃᓯᓕᕐᓗᓂ ᓂᒡᓕᓇᖅᑐᒃᑯᕕᖕᓂ ᐊᒻᒪᓗ ᖁᐊᒃᑯᕕᖕᓂ

ᐊᐅᓚᔾᔭᒃᑎᑉᐸᒡᓗᒍ ᖁᐊᒃᑯᕕᒃ ᐊᑕᐅᓯᐊᕐᓗᒍ ᐊᕐᕌᒍ ᒥᓪᓗᐊᕐᓗᒋᑦ ᓱᕈᕈᔪᖏᑦ (ᑭᓯᐊᓂ ᐱᖃᕈᕕᑦ “ᓴᓗᒻᒪᖅᓴᕆᐊᖃᖖᒋᑦᑐᒥᑦ” ᓴᓇᓯᒪᔪᒥᑦ)

ᐃᖏᕐᕋᓂᖓ ᓇᐃᓐᓂᖅᓴᐅᖃᑦᑕᕋᔭᖅᑐᖅ ᓴᓗᒪᑎᓪᓗᒍ ᐊᒻᒪᓗ ᐊᑐᖖᒋᓐᓂᖅᓴᐅᓗᑎ ᐊᐅᓚᔪᓐᓇᐅᑎᒥᑦ. ᐊᒻᒪᓗᑦᑕᐅᖅ ᐱᑏᓐᓇᕐᓗᒋᑦ ᐊᐅᓚᔪᓐᓇᐅᑎᖓᓄᑦ ᓱᕈᐃᑦ ᓴᓗᒪᑎᓪᓗᒋᑦ ᐊᒻᒪᓗ ᓂᓚᖃᖖᒋᑏᓐᓇᕆᐊᕐᓗᒍ.

ᐊᑐᕐᓗᑎᑦ ᐅᓐᓄᐊᒃᑯᑦ ᒪᑐᓯᒪᔾᔪᑎᓂᑦ ᖁᐊᒃᑯᕕᐅᑉ ᐃᓂᖓᓂ

ᐊᑐᖅᑏᓐᓇᕐᓗᒋᑦ ᖁᐊᒃᑯᕖᑦ ᐊᒻᒪᓗ/ᐅᕝᕙᓘᓐᓃᑦ ᐃᓗᑦᑕᐃᓐᓇᐃᑦ ᖁᐊᒃᑯᕖᑦ ᐱᔭᕆᐊᖃᖅᑐᒥᑦ ᓂᒡᓕᓇᕐᓂᖓᓂᒃ

ᖁᐊᒃᑯᕖᑦ ᓂᒡᓕᓇᕐᓂᕐᒦᖏᓐᓇᕆᐊᖃᖅᑐᑦ 1’C – 3’C, ᐃᓗᑦᑕᐃᓐᓇᐃᑦ ᖁᐊᒃᑯᕖᑦ ᐃᒪᓐᓇᐅᑎᓪᓗᒍ -18’C.

ᒪᒃᐱᖃᑦᑕᖖᒋᓐᓂᖅᓴᐅᒋᐊᕐᓗᒍ ᖁᐊᒃᑯᕕᒃ. ᒪᑐᐃᖅᑕᐅᑐᐊᕌᖓᑦ

ᐆᓇᔪᒃᑐᖅ ᐃᓯᑲᐅᑎᒋᖃᑦᑕᕐᒪᑦ ᐊᒻᒪᓗ ᐊᐅᓚᔪᓐᓇᐅᑎ ᐊᑐᕆᐊᖃᕐᖢᓂ ᓂᒡᓕᒃᑲᓐᓂᕋᓱᖕᓂᖓᓂ.

ᓂᐅᕕᕐᓗᑎᑦ ᖁᐊᒃᑯᕕᖕᒥᑦ ᐊᒻᒪᓗ/ᐅᕝᕙᓘᓐᓃᑦ ᐃᓗᑦᑕᐃᓐᓇᒥᑦ ᖁᐊᒃᑯᕕᖕᒥᑦ ᐊᖏᓂᖓ ᓈᒻᒪᒋᑐᐃᓐᓇᕐᓗᒍ ᐱᔭᕆᐊᖃᕐᑕᕐᓂᒃ

ᐊᖏᓗᐊᖅᑐᑦ ᐊᑐᓗᐊᖅᑎᑦᑎᓲᖑᖕᒪᑕ ᐊᐅᓚᔪᓐᓇᐅᑎᒥᑦ ᐊᒻᒪᓗ ᑮᓇᐅᔭᒥᑦ. ᐅᒃᐱᕆᕕᐅᒡᓘᓐᓃᑦ ᐋᒃᑲᓘᓐᓃᑦ, ᐊᐅᓚᔪᓐᓇᐅᑎᒥᒃ ᐊᑐᕐᓇᖖᒋᓐᓂᖅᓴᖅ ᓂᒡᓕᓇᖅᑎᒋᐊᕐᓗᒍ ᖁᐊᒃᑯᕕᒃ ᐅᕝᕙᓘᓐᓃᑦ ᐃᓗᑦᑕᐃᓐᓇᖅ ᖁᐊᒃᑯᕕᒃ (ᐃᓗᓕᖃᓗᐊᕌᓗᖖᒋᑉᐸᑦ ᐊᓂᖅᓵᕐᕕᖓ ᐃᖏᕐᕋᑦᑎᐊᕈᓐᓇᕐᓂᖅᓴᖅ) ᐃᓗᓕᖃᖖᒋᑦᑐᒥᐅᓂᖅᓴᖅ. ᐃᓗᑐᐃᓐᓇᐃᑦ ᖁᐊᒃᑯᕖᑦ ᐊᑐᕐᓂᖅᓴᐅᓲᑦ ᐊᐅᓚᔪᓐᓇᐅᑎᒥᑦ ᓇᖏᖅᑐᓂᑦ ᖁᐊᒃᑯᕕᖕᓂᑦ, ᒥᑭᓐᓂᖅᓴᒥᑦ ᓂᒡᓕᓇᖅᑐᒥᑦ ᐊᓂᑎᑦᑎᕙᖕᒪᑕ ᒪᑐᐃᖅᑕᐅᔭᕌᖓᑦ.

ᓂᓚᐃᔭᒐᔪᒡᓗᒍ ᐃᖕᒥᖕᓂᒃ-ᓂᓚᓲᑦ ᖁᐊᒃᑯᕖᑦ ᐊᒻᒪᓗ ᐃᓗᑦᑕᐃᓐᓇᐃᑦ ᖁᐊᒃᑯᕖᑦ

ᐊᖏᓂᖅᓴᒥᑦ ᐊᑐᖅᑐᑎᑦᑎᓲᖑᖕᒪᑕ ᐊᐅᓚᔪᓐᓇᐅᑎᒥᒃ ᐃᖏᕐᕋᖁᓪᓗᒍ ᐊᐅᓚᐅᑎᖓ ᓂᓚᒃᓯᒪᓗᐊᖅᑎᓪᓗᒍ.

ᖃᐅᔨᓴᕐᓗᒍ ᖁᐊᒃᑯᕕᒃ ᐊᒻᒪᓗ ᐃᓗᑦᑕᐃᓐᓇᖅ ᖁᐊᒃᑯᕕᒃ ᒪᑐᖏᑦ ᐊᓂᖅᑎᕆᔾᔪᑎᖏᓐᓄᑦ ᐊᒃᑐᐊᑦᑎᐊᕋᓗᐊᕐᒪᖔᑕ

ᑕᐃᒪᐃᑦᑐᓐᓇᖅᑐᑎᑦ ᒪᑐᓗᒍ ᐸᐃᑉᐹᒥᑦ ᐊᑐᕐᓗᑎᑦ ᐊᒻᒪᓗ ᐸᐃᑉᐹᖅ ᑎᓱᑲᐅᑎᒋᖖᒋᑦᑐᓐᓇᕐᓗᓂ. ᐋᖅᑭᒋᐊᕐᓗᒋᑦ ᒪᑐᖏᑕ ᓂᕈᒻᒫᒃᑯᑎᖏᑦ ᐊᒻᒪᓗ ᐊᓯᔾᔨᕐᓗᒋᑦ ᐊᑐᓕᒪᔪᑦ ᒪᑐᖓᓄᑦ ᓂᐱᑦᑕᐅᑎᑦ.