Interviews on Building Nunavut's Climate Resilience

ᓄᑲ ᐆᓴᓐ−ᕼᐊᑯᓐᒑᖅ 23−ᓂᑦ ᐊᕐᕌᒍᖃᖅᑐᖅ ᐃᖃᓗᑦᑑᑦᑎᐊᕐᒥᐅᖅ ᐱᔭᕇᖅᓯᕋᑖᓚᐅᖅᑐᖅ ᐃᓄᓕᕆᓂᕐᒧᑦ ᓇᓗᓇᐃᒃᑯᑕᒥᑦ ᐊᒻᒪ ᐊᖏᖅᑕᐅᕋᑖᓚᐅᖅᑐᖅ ᒪᓕᒐᓕᕆᓂᕐᒧᑦ ᐃᓕᓐᓂᐊᓂᕐᒧᑦ ᓄᓇᕗᒻᒥ ᓯᓚᑦᑐᓴᕐᕕᒻᒥᑦ. ᐅᑭᐅᖓᓂ 2017, ᐊᐱᖅᓱᖃᑦᑕᓚᐅᖅᑐᖅ ᖃᐅᔨᒪᓂᖃᖅᑐᓂᑦ ᓄᓇᓕᒋᔭᖓᓂᑦ ᑲᑎᖅᓱᐃᓪᓗᓂ ᑐᑭᓯᒋᐊᕈᑎᓂᑦ ᐱᔾᔪᑎᖃᖅᑐᓂᑦ ᐊᓯᔾᔨᐸᓪᓕᐊᓂᖓ ᓄᓇᒋᔭᕗᑦ, ᐊᓯᔾᔨᐸᓪᓕᐊᔪᑦ ᐃᓄᖁᑎᕗᑦ: ᓄᓇᓄᑦ ᓴᖏᑎᑕᐅᒃᑲᓂᕐᓂᖓ. ᐊᐱᖅᓱᕐᓂᕆᔭᖏᓐᓂᑦ, ᑲᑎᖅᓱᐃᓚᐅᖅᑐᖅ ᐱᒻᒪᕆᐅᔪᓂᑦ ᑐᑭᓯᒋᐊᕈᑎᓂᑦ ᐊᑐᖅᑕᐅᓯᒪᔪᓂᑦ ᐊᓯᔾᔨᖅᑐᓂᑦ ᐅᐊᑦᑎᐊᕈᓂᑦ ᒫᓐᓇᒧᑦ.

ᐊᐱᖅᓱᖃᑦᑕᓚᐅᖅᑐᖓ ᐊᒥᓱᒐᒪᓐᓂᑦ ᐃᓄᓐᓂᑦ ᓄᓇᓕᒋᔭᕐᓂᑦ ᐃᖃᓗᑦᑑᑦᑎᐊᒥ, ᓄᓇᕗᑦ. ᐊᑐᓚᐅᖅᑕᒃᑲ ᐊᐱᖅᑯᑎᔅᓴᐃᑦ ᐋᔪ ᐲᑕᒥᑦ, ᐱᖓᓱᓂᑦ ᐊᐱᖅᑯᑎᖃᓚᐅᖅᑐᑦ ᐊᑖᒍᑦ ᐊᐱᖅᑯᑎᖃᒃᑲᓂᖅᑐᐃᓐᓚᐅᓪᓗᑎ. ᓄᓇᓕᒋᔭᕋ ᑐᓴᕐᕕᒋᔪᒪᓚᐅᕋᒃᑯᑦ, ᐃᒪᐃᑦᑐᓄᑦ ᑲᑎᒪᔪᓅᓚᐅᖅᓯᒪᖏᓐᓇᒪ. ᐃᓕᓐᓂᐊᖅᓯᒪᒻᒪᕆᓕᖅᑐᖓ ᐅᕙᖓ ᐊᐱᖅᓱᕐᓂᕆᔭᖏᓐᓄᑦ ᐊᒻᒪ ᑐᓵᔭᖏᓐᓄᑦ ᐊᓯᖏᓐᓂᑦ ᓄᓇᕗᒻᒥᐅᓂᑦ ᐊᑕᐅᓯᕐᒥ ᐅᓪᓗᕐᒥᑦ ᑲᑎᒪᓂᖃᖅᑎᓪᓗᖓ ᑕᒪᓐᓇ ᖁᕕᐊᒋᒻᒪᕆᑦᑕᕋ. ᐊᑐᓂ ᐊᐱᖅᓱᕐᓂᐅᔪᑦ ᓇᕿᑦᑕᖅᑕᐅᓯᒪᔪᑦ ᓯᕗᓪᓕᖅᐹᖓᓄᑦ ᐃᓄᒻᒧᑦ. ᐊᐱᖅᓱᖅᑕᐅᑎᓪᓗᒋᑦ ᑎᑎᕋᓚᐅᖅᑕᒃᑲ ᐃᓱᒪᒋᔭᖏᑦ ᓯᕗᓪᓕᖅᐹᒧ ᐃᓄᒻᒧᑦ. 

 

ᔮᓐ ᓇᓂᒍᐊᖅ, ᐊᐃᑭ ᓇᓂᒍᐊᖅ ᐊᒻᒪ ᒥᐊᓕ ᑕᐃᐸᓇ − ᕿᖓᐅᑦ ᐱᒋᐊᕐᓂᖏᓐᓂ 1970−ᖏᓐᓂᑦ

 

ᐊᐱᖅᓱᕐᓂᖅ #1 ᕉᑦ ᐆᔪᑯᓗᒃ.

ᕉᑦ ᐃᑉᐱᐊᔪᒻᒥᐅᑕᐅᔪᖅ, ᓄᓇᕗᒻᒥ, ᕉᑦᓗ ᐅᕙᖓᓗ ᐅᐸᖃᑕᐅᓯᒪᖃᑎᒋᓚᐅᖅᑕᕋ ᐃᓄᓕᕆᔨᐅᓂᕐᒧᑦ ᐱᓕᕆᐊᒧᑦ ᐃᖃᓗᑦᑑᑦᑎᐊᒥ. ᐊᕐᕌᒍᖓᓂ ᒪᕐᕈᖓᓃᓕᖅᑐᒍ ᐊᕐᕌᒎᓐᓄᒃ ᒪᕐᕉᓐᓄᓗᒃ ᐃᓕᓐᓂᐊᕋᔅᓴᒧᑦ.

1) ᓴᖏᔪᒻᒪᕆᐅᔪᑦ ᓄᓇᓄᑦ ᓅᖃᑦᑕᕐᓂᖏᓐᓄᑦ ᒪᓕᓐᓂᖃᖅᑐᑎᑦ ᐆᒪᔪᐃᑦ ᓇᒦᓐᓂᖏᓐᓄᑦ. ᑕᐃᒪᐃᓘᖃᑦᑕᖅᑐᑎᑦ ᕿᒻᒦᔭᖅᑕᐅᓪᓗᑎ ᑭᖑᕝᕕᑕᐅᓪᓗᑎ ᖃᒧᑕᐅᔭᓄᑦ ᐊᒻᒪ ᐋᒡᒑᓚᐅᖅᓯᒪᖏᑦᑐᑦ − ᐊᖏᑐᐃᓐᓇᓚᐅᖅᑐᑦ ᑲᑉᐱᐊᓱᓐᓂᑯᒧᑦ. ᐊᑐᓕᕈᓐᓇᓯᑦᑕᐅᑎᒋᓚᐅᖅᑐᑦ − ᑕᑯᔅᓴᐅᑎᑦᑎᔪᑦ ᓴᖏᓂᖓᓂᑦ. ᐃᓄᐃᑦ ᒑᓯᑖᕆᐊᖃᖅᐸᓚᐅᖅᑐᑦ, ᖃᒧᑕᐅᔭᓂᑦ, ᐃᓚᔅᓴᓂᑦ ᐊᒻᒪ ᐅᖅᓱᐊᓗᓐᓂ ᐊᒻᒪ ᐃᖅᑲᓇᐃᔮᖃᓚᐅᖏᑦᑐᑦ ᐃᓄᐃᑦ ᐃᓅᔾᔪᑎᖃᓚᐅᕐᒪᑕ ᐊᖑᓇᓱᓐᓂᕐᒥᑦ ᓲᕐᓗ ᑎᕆᒐᓂᐊᑦ ᒥᖅᑯᖏᓐᓄᑦ ᐊᒻᒪ ᓇᑦᑏᑦ ᕿᓯᖏᓐᓄᑦ ᓂᓪᓚᓱᑦᑐᒻᒪᕆᐅᔪᒥᑦ ᑮᓇᐅᔭᔅᓴᐅᑎᒋᔭᐅᓪᓗᑎ. ᐊᒥᓲᓂᖅᓴᐃᑦ ᐃᓅᓚᐅᖅᑐᑦ ᐃᓪᓗᕕᒐᕐᓂᑦ ᓯᓚᖓᓂᑦ ᐊᔅᓱᕈᓐᓇᖅᑐᒥᑦ ᐊᒻᒪ ᐆᒪᐃᓐᓇᓚᐅᖅᑐᑦ. ᐃᓄᐃᑦ ᐊᖑᓇᓱᖃᑦᑕᓚᐅᖅᑐᑦ ᐃᓅᕕᒋᓪᓗᒍᓗ ᓄᒧᓇᐅᔪᖅ, ᓂᕿᑖᕐᕕᓐᓂᑦ ᓂᐅᕕᕐᕕᑕᖃᓚᐅᖏᑦᑐᖅ ᐊᒻᒪ ᐅᖃᕈᓐᓇᓚᐅᖏᑦᑐᑦ “ᐊᔪᓴᖅᑐᒍᑦ” ᐊᒻᒪ ᐅᕕᐊᒋᑐᐃᓐᓇᓚᐅᖅᑕᖏᑦ ᐱᓯᒪᔭᖏᓐᓂᑦ. ᓘᑦᑖᖃᓚᐅᖏᑦᑐᖅ ᐊᒻᒪ ᖃᐅᔨᒪᔭᒥᓐᓂᑦ ᐊᑐᖃᑦᑕᓚᐅᖅᑐᑦ ᐃᑲᔪᖃᑦᑕᐅᑎᓪᓗᑎ. ᐃᒪᖏᑦ ᐃᓄᐃᑦ ᓱᓕ ᐅᓂᒃᑳᕈᓐᓇᖅᑐᑦ ᑕᒪᓐᓇ ᐱᔾᔪᑎᒋᓪᓗᒍ. ᑕᒪᐅᓇ ᓴᖏᓂᖏᑦ ᑕᑯᓐᓇᑕᒃᑲ, ᑲᒪᓇᒻᒪᕆᑦᑐᖅ.

ᓇᑭᓐᖔᕐᕕᒋᔭᕐᓂᑦ ᐅᖃᐅᓯᕗᑦ ᓴᖏᔫᔪᖅ. ᐊᒥᓲᓂᖅᓴᐃᑦ ᐃᓄᑦᑎᑑᓲᑦ ᐊᒻᒪ ᒪᐅᓐᖓᕋᒪ ᐃᓄᓐᓂᑦ ᑕᑯᓚᐅᖅᑐᖓ ᐱᔪᒪᓂᖃᖅᑐᓂᑦ ᐊᒻᒪ ᐃᓕᓐᓂᐊᕈᒪᓂᖃᖅᑐᓂᑦ ᓴᒐᐃᓯᒪᓂᖏᓐᓄᑦ ᐅᖃᐅᓯᖏᓐᓂᑦ. ᓴᖏᔪᓂᑦ ᑕᑯᓚᐅᖅᑐᖓ. ᐊᒥᓲᓂᖅᓴᐃᑦ ᐅᕙᓂ (ᐃᖃᓗᑦᑑᑦᑎᐊᒥ) ᐅᑎᖅᓯᒪᓕᖅᑐᑦ ᓴᒐᐃᓚᐅᕋᓗᐊᖅᑎᓪᓗᒋᑦ ᐅᖃᐅᓯᖏᓐᓂᑦ. ᓱᒃᑲᐃᑦᑐᒥ ᐅᑎᖅᐸᓪᓕᐊᔪᖅ. ᐃᓐᓇᑐᖃᐃᑦ ᐃᓄᐃᓐᓇᖅᑐᑦ ᐅᖃᑦᑎᐊᕈᓐᓇᖅᑐᑦ − ᑕᒪᓐᓇ ᑕᑯᓴᐅᓂᕆᓚᐅᖅᑕᖓ.

1a) ᐊᑖᑕᑦᑎᐊᕋ ᐆᔪᑯᓗᒃ ᐅᓂᒃᑳᖅᑐᐊᖏᓐᓇᖅᐸᓚᐅᖅᑐᖅ ᐅᕙᓐᓄᑦ ᖃᓄᖅ ᐃᓅᕙᓚᐅᕐᓂᖏᓐᓄᑦ ᑭᓱᓕᕆᔾᔪᑎᑕᖃᑦᑎᐊᑎᓐᓇᒍ. ᐅᕙᓐᓂᑦ ᐅᖃᐅᔾᔨᓚᐅᖅᑐᖅ ᐊᕐᓇᐅᔪᖅ ᐃᕐᓂᓂᕐᒪᑦ ᐅᑭᐅᒃᑯᑦ ᐊᒻᒪ ᐱᐊᕋᖅ ᐃᓅᒐᒥ ᐅᑲᓕᕋᔭᒻᒧᑦ ᐃᒻᒧᓯᖅᑕᐅᓪᓗᓂ ᐱᐊᕋᐅᔪᖅ ᐊᒻᒪ ᐅᖅᑰᑎᑦᑏᓇᖅᑐᓂ. ᖁᐃᖏᓕᓴᖅᑕᖃᓚᐅᖏᑦᑐᖅ ᑕᐃᔅᓱᒪᓂ ᐱᐊᕋᐅᔪᖅ ᐊᐅᓚᕈᓘᔭᓚᐅᖅᑎᓪᓗᒍ ᖃᐅᔨᒪᕙᓚᐅᖅᑐᑦ ᐱᐊᕋᐅᔪᖅ ᖁᐃᓂᖓᓄᑦ ᐊᓇᕐᓂᖓᓄᓪᓘᓐᓃᑦ.

1b) ᕿᒻᒥᖅᔭᖅᑕᐅᑎᓪᓗᒋᑦ ᓱᑲᑦᑐᒥᑦ ᐊᓯᔾᔨᓚᐅᖅᑐᑦ ᐊᒻ,ᒪ ᐊᑐᓕᕈᓐᓇᕆᐊᖃᓚᐅᖅᑐᑦ ᐊᔾᔨᒋᖏᑕᖓᓂᑦ ᐊᐅᓪᓚᖃᑦᑕᓂᕐᒥᑦ.

ᕿᒧᔅᓰᑦ ᐅᒥᖕᒪᒃᑑᒨᖅᐸᓪᓕᐊᔪᑦ ᐱᒋᐊᕐᓂᖏᓐᓂ 1970−ᖏᓐᓂᑦ, HBC ᓂᐅᕕᕐᕕᒃ ᑐᓄᐊᓃᑦᑐᖅ

 

Iᐊᐱᖅᓱᕐᓂᖅ #3 ᓇᐊᐅᒥᑦ ᔪᐃ.

ᕼᐊᐅᒥᒃ ᐃᖃᓗᑦᑑᑎᐊᕐᒥᐅᖅ ᑭᓯᐊᓂ ᐃᓅᓚᐅᖅᑐᖅ Jenny Lynd Island, ᐊᑯᓐᓂᖓᓃᑦᑐᖅ ᒫᓂ ᐊᒻᒪ ᐅᖅᓱᖅᑑᒥᑦ.

1a) ᓱᖅᑯᐃᓱᑦᑐᖓ ᐱᕈᖅᐸᓕᐊᓪᓗᖓ ᐃᓪᓗᕕᒐᕐᒥᑦ ᐊᒻᒪ ᖁᓪᓕᑕᖃᖅᑐᓂ (ᐅᖅᑰᓴᐅᑎᐅᔪᑦ, ᐃᒐᕕᑦ, ᐆᑦᑎᕕᒃ ᓂᕆᔭᔅᓴᓄᑦ ᐊᒻᒪ ᐸᓂᖅᓯᖅᑐᒋᑦ ᐊᓐᓄᕌᕗᑦ). ᑭᒃᑯᓕᒫᑦ ᐃᖅᑲᓇᐃᔭᖃᑎᒌᑉᐸᓚᐅᖅᑐᑦ −

ᒥᑭᔫᓐᓂᕋᓗᐊᕈᑯᑦ. ᐊᓯᖏᓐᓂᑦ ᓂᕆᔭᔅᓴᖅᑕᖃᓚᐅᖏᑦᑐᖅ. ᐃᓅᓯᑦᑎᐊᕙᐅᓚᐅᖅᑐᖅ. ᖃᓪᓗᓈᖅᑕᖃᕋᓂ. ᑭᓱᓕᒫᑦ ᑲᑐᑎᔭᐅᓚᐅᖅᑐᑦᖅ. ᐊᖑᑏᑦ ᒪᕐᕉᓐᓂᒃ ᓄᓕᐊᖃᒪᐅᖅᑐᑦ ᐊᕐᓇᐃᑦ ᒪᕐᕉᓐᓂ ᐅᐃᖃᓚᐅᖅᑐᑦ ᐊᒻᒪ ᖃᓄᐃᓘᕐᓂᖅᑕᖃᓚᐅᖏᑦᑐᑦ. ᐃᓅᓯᖅ ᖁᑯᐊᓇᓚᐅᖅᑐᖅᒻ − ᑭᑦᑐᓕᒫᑦ ᐱᖃᑎᒌᑦᑎᐊᖅᑐᑎ. ᐋᓐᓂᖅᑎᕆᔪᖃᒪᐅᖏᑦᑐᖅ. ᐱᔪᒪᓐᓂᕈᕕᑦ ᑭᓱᑐᐃᓐᓇᕐᒥᑦ ᐃᓄᐃᑦ ᐊᐱᕆᒧᑦ ᐅᕝᕙᓘᓐᓃᑦ ᖃᐅᔨᒍᕕᑦ ᐱ.ᔭᕿᐊᖃᖅᑕᖏᓐᓂᑦ ᑐᓂᑐᐃᓐᓇᖅᑐᒋᑦ. ᐊᖑᓇᓱᑦᑎᐅᔪᖅ ᐆᒪᔪᕐᓂᕈᓂ ᖃᑐᑎᑕᐅᕙᓚᐅᖅᑐᑦ. ᐅᓪᓗᒥ ᐋᓐᓂᖅᑎᕆᓕᖅᑐᑦ, ᐅᑉᐱᕆᔭᖃᕈᓐᓃᖅᑐᑦ, ᐅᐊᑦᑎᐊᕈᑎᑑᖏᑦᑐᖅ ᐃᓚᒌᓂᑦ. ᓱᕈᓯᐅᔪᖅ ᐃᓚᐃᕐᓂᕈᓂ ᐊᓯᖏᓐᓄᑦ ᐃᓚᒌᓄᑦ ᐱᔭᐅᖔᖅᑐᓂ ᐊᐱᖅᓱᖃᑦᑕᕋᑎ. ᓱᕈᓯᖅ ᐱᔭᐅᑐᐃᓐᓇᕼᖅᑐᓂ. ᐊᖏᔪᒥᑦ ᐊᔾᔨᒌᖏᓐᓂᖃᖅᑐᖅ ᐅᐊᑦᑎᐊᕈᒥ ᓱᕈᓯᐅᓂᕆᓚᐅᖅᑕᕐᓂᑦ ᒫᓐᓇᒧᑦ. ᐊᒥᕐᓂᑦ ᐃᑭᐊᒥᓕᖃᖅᐸᓚᐅᖅᑐᒍᑦ, ᓱᖅᑯᐃᓱᑦᑐᖓ ᐊᒃᑲᒐ ᐳᐊᕐᕆᔭᖅᑐᓂ ᖅ ᐃᓯᒐᓐᓂ ᐃᑎᓂᓕᒻᒥᑦ Anderson Bayᐊᒻᒪ ᖁᐊᒃᑯᕕᓕᐅᖅᑐᓂᐅᒃ. ᐅᓕᑦᑐᒍ ᕿᔪᒻᒧᑦ ᓄᓇᒧᑦ ᐊᒻᒪ ᑖᓂᑭᔅᓯᓪᓗᓂ. ᓯᕗᓪᓕᖅᐹᒥ ᐅᓪᓛᒃᑯᑦ, ᐅᓐᓄᒃᑯᑦ ᓂᕆᕋᑖᖅᑎᓪᓗᒋᑦ ᐅᑕᖅᑭᒍᓐᓇᖅᐸᓚᐅᖏᑦᑐᒍᑦ ᑲᑭᕙᕗᑦ ᐊᑐᕐᓗᒋᑦ ᑯᑰᒻᒥᓂ − ᐃᓪᓗᕋᓛᑦᑕ ᓴᓂᑦᑎᐊᖓᓃᖅᑐᖅ.

1b) ᐃᖏᕋᓂᖓᓄᑦ ᐃᖏᕋᕙᒪᐅᖅᑐᒍᑦ. ᐊᓯᔾᔩᒍᓐᓇᖏᑦᑐᑎᑦ, ᐱᐅᔅᓴᖏᑦᑐᒍᑦ ᓈᒻᒪᓴᖏᑦᑐᓂᑦ. ᐅᕙᓐᓄᓪᓕ, ᖃᓄᐃᓕᓯᒍᓐᓇᖏᑦᑐᑎᑦ; ᒪᓕᑐᐃᓐᓇᕐᓗᒍ ᐃᖏᕋᓂᖓ. ᐊᐳᕈᑎᑕᓴᖃᓕᖅᑐᑦ ᐃᓐᓇᑐᖃᐃᑦ ᖃᐅᔨᓯᒪᔭᖏᑦ. ᐆᑦᑑᑎᒋᓗᒍ, ᐸᐃᑉᐹᓕᕆᒋᐊᖑᒋᐊᓖᑦ ᐃᖅᑲᓇᐃᔭᖅᑐᖅᓯᐅᑎᑖᕐᓗᓂ, ᔅᓈᓴᐅᑎᖃᓂᐊᕐᓗᓂ” ᐊᒥᓱᐊᓗᓐᓂ ᑭᓪᓕᖃᓕᖅᑐᑦ, ᐊᒥᓱᓪᓗᑎ ᐅᑐᐊᒐᐃᑦ. ᐊᒥᓱᑦᓂᑦ ᓂᖁᐊᖅᑕᐅᓯᒪᔪᒃᑰᕆᐊᓖᑦ ᖃᓄᐃᓕᓯᖁᔨᓪᓗᓂ. ᐊᑕᐅᓯᕐᒥᑦ ᓯᕗᓕᖅᑎᖃᓚᐅᖅᑐᒍᑦ − ᐊᒍᓇᓱᑦᑎᑦᑎᐊᕙᒃ, ᒥᖅᓱᑎᑦᑎᐊᕙᒃ − ᑖᒃᑯᐊ ᑕᑯᓐᓇᖃᑦᑕᓚᐅᖅᑕᕗᑦ. ᑕᒪᒃᑯᐊ ᐱᔪᒪᕙᒪᐅᖅᑕᕗᑦ. ᕿᑐᓐᖓᐃᑦ ᐃᓕᓐᓂᐊᕆᐊᖅᑎᖃᑦᑕᓂᖏᒃᑯᕕᐅᒃ ᐊᑭᓕᖅᑕᐅᖃᑦᑕᓚᐅᖏᑦᑐᑦ ᐃᑲᔫᓯᐊᓂᑦ.

1c) ᐃᖅᑲᓇᐃᔭᖃᑎᒌᑦᑐᐃᓐᓇᐅᕙᒪᐅᑐᒍᑦ. ᐱᔪᓐᓇᓚᐅᖅᑐᒍᑦ. ᐅᓪᓗᒥᐅᔪᖅ ᐊᒥᓱᓂᑦ ᐃᖅᑲᓇᐃᔭᐅᑎᑕᖃᓕᖅᑐᖅ ᑲᑎᓐᖓᐃᓴᕐᓗᒋᑦ ᐃᓚᒋᔭᑎᑦ, ᐃᖅᑲᓇᐃᔭᖃᑎᑎᑦ ᐊᒻᒪ ᐱᖃᓐᓇᑎᑦ. ᐅᓪᓗᒥ ᐃᖅᑲᓇᐃᔭᕆᐊᖃᓕᖅᑐᑎᑦ ᐃᓅᓇᓱᓐᓂᐊᕐᓗᓂ, ᓇᒻᒥᓂ ᐊᖏᕋᖃᕐᓗᓂ, ᓂᖀᑦ ᐊᑭᑐᔪᒻᒪᕆᐅᓪᓗᑎ, ᒑᓯᑖᕆᐊᖃᖅᑐᑎᑦ ᐊᐅᓚᓂᐊᕐᓗᑎ ᐊᖑᓇᓱᓪᓗᑎ. ᐊᑭᓕᕐᓗᒋᑦ ᖃᐅᒪᓯᐅᑏᑦ, ᐅᖅᑰᓴᐅᒻᒧᑦ ᐊᒻᒪ ᐃᒥᕐᒧᑦ ᐅᖄᓚᐅᑎᓄᑦ ᐊᓯᖏᓐᓄᓪᓗ. ᑕᐃᓱᒪᓂᓕ ᑮᓇᐅᔭᖅᑕᖃᓚᐅᖏᑦᑐᖅ ᑕᐅᖅᓰᓚᐅᖅᑐᑦ ᒥᖅᑯᓂᑦ, ᓴᓇᕐᕈᑎᓂᑦ ᐅᕝᕙᓘᓐᓃᑦ ᒥᖅᓱᓚᐅᖅᑐᑎᑦ. ᒥᖅᓱᖃᑦᑕᖅᑐᑎ ᐃᓚᖏᓐᓄᑦ ᐊᒻᒪ ᖁᕕᐊᓱᕝᕕᒻᒥ ᕿᒻᒦᑦ ᖁᖓᓯᕈᖃᒪᐅᖅᑐᑦ ᓯᕙᓂᕈᑎᓕᓐᓂᑦ ᑐᓴᕈᓐᓇᕐᓂᐊᕋᕕᒋᑦ ᐊᓯᖏᓐᓃᖔᖅᑐᑦ ᓄᓇᓕᓐᓂᑦ. ᖁᑯᐊᓱᒍᑎᖃᕐᓂᐅᔪᑦ ᐊᔾᔨᒋᓚᐅᖏᑕᖏᑦ − ᐃᒥᐊᓗᑦᑕᖃᓚᐅᖏᑦᑐᖅ. ᑭᒃᑯᑐᐃᓐᓇᐃᑦ ᐱᓕᕆᔪᐃᓐᓇᐅᕙᒪᐅᖅᑐᑦ ᐅᓪᓛᒃᑯᑦ ᐱᒋᐊᖅᑐᑎᑦ ᐅᓐᓄᒧᑦ ᐊᑐᐃᓐᓇᕈᐃᓪᓗᓂ ᐊᖑᓇᓱᓐᓂᐅᓂᐊᖅᑐᒧᑦ ᐅᖅᑰᓇᓱᓐᓂᒧᓪᓘᓐᓃᑦ.

2) ᐅᑎᖅᑎᓐᓇᓱᐊᖅᑕᕗᑦ ᐅᖃᐅᓯᕗᑦ. ᐊᒥᓱᑦ ᐊᕐᓴᐃᑦ ᒥᖅᓱᖃᑦᑕᓕᖅᑐᑦ ᐊᒻᒪ ᐊᖑᓴᓱᖃᑦᑕᖅᑐᑎ. ᐆᒪᓇᓱᓐᓂᕐᒧᑦ ᐊᔪᖏᓐᓂᐅᔪᑦ. ᑕᐃᒪᐃᑦᑐᓂ ᐃᓕᓐᓂᐊᑎᑦᑎᖃᑦᑕᕐᓂᕈᑎ ᐃᓕᓐᓂᐊᕆᖅᑎᑕᐅᓯᒪᖃᑦᑕᑎᓪᓗᒋᑦ, ᓴᖏᓂᖅᓴᐅᒐᔭᖅᑐᒍᑦ, ᐃᓅᔪᓐᓇᕐᓗᑕ ᐊᒻᒪ ᐅᖃᕈᓐᓇᕐᓂᕈᑦᑎᒍᑦ ᐅᖃᐅᓯᕗᑦ ᐱᓇᓱᐊᕋᔭᖏᑕᕗᑦ “ᐱᓯᒪᐃᓐᓇᕐᓂᖅ ᐅᖃᐅᓯᑦᑎᓐᓂᑦ” ᐅᓪᓗᒥ.

3a) ᐃᓪᓗᖃᕐᓂᖅᓴᐅᓂᖅ. ᕿᑎᐊᓄᑦ ᐃᓂᓐᓂᐊᕐᑯᒃ ᐃᖃᓗᑦᑑᑦᑎᐊᒥ. ᐊᐅᓪᓚᖃᑦᑕᐸᓪᓚᐃᓚᐅᖅᑐᑦ ᖁ−ᕙᓯᓐᓂᓕᓐᓂ 7, 8 ᐊᒻᒪ 9. ᐃᖃᓗᑦᑑᑦᑎᐊᒥ ᖁᕝᕙᓯᓐᓂᓖᑦ 7 ᓱᓕ ᓱᕈᓯᕋᓛᑦ ᐊᒻᒪ ᑕᐃᒪᐃᓪᓗᐊᖃᑎᖃᖅᑐᑎᑦ ᖁᑦᑎᓂᖅᓴᐅᔪᓐᓇᖅᑐᑦ ᐊᑎᓂᖅᓴᐅᓗᑎᓪᓘᓐᓃᑦ ᖁᕝᕙᓯᓐᓂᖏᑦ. ᐃᓅᖃᑎᒌᓐᓂᒃᑯᑦ ᐱᔭᕇᖅᑎᑕᐅᔪᑦ ᑕᐃᒪ ᑕᐃᔭᐅᕙᓪᓚᐃᔪᖅ. ᐃᑲᒧᕐᓂᐊᖅᑐᑦ ᐃᓕᓐᓂᐊᕕᖕᕝᒧᐊᒨᕐᓂᖏᓐᓄᑦ. ᖃᐅᔨᒪᒧᖓ ᐅᕙᓐᓂᑦ ᐃᑲᔪᓚᐅᖅᑐᖅ ᐃᓕᓐᓂᐊᕆᐊᖅᑎᑕᐅᓯᒪᑎᓪᓗᖓ. ᑲᔪᓯᓴᔭᐃᓐᓇᕆᒪ,ᐅᖏᑕᒃᑲ ᖁᕝᕙᓯᓐᓂᖏᑦ ᐊᒻᒪ ᖁᕕᐊᒋᒪᐅᖅᑕᕋ ᐱᔾᔪᑎᒋᓪᓗᒍ ᐱᔭᕇᖅᓯᓚᐅᕋᒪ ᐊᒻᒪ ᐱᔭᕇᖅᑐᖅᓯᐅᑎᑖᖅᑐᖓ ᐊᒻᒪ ᓄᓇᕗᑦ ᒐᕙᒪᒃᑯᓐᓄᑦ 21 ᐊᕐᕌᒍᓂᑦ ᐃᖅᑲᓇᐃᔭᖅᓯᒪᓕᖅᑐᖓ. ᑎᑎᕋᕈᓐᓇᖅᑐᖓ ᐅᖃᕈᓐᓇᖅᑐᖓᓗ ᐅᕙᖓ ᐅᖃᐅᓯᖓᓂᑦ.

3b) ᓲᕐᓗ ᑕᒪᕖᓴᒃᑯᑦ ᓵᓇ 51 – ᑕᒪᕖᓴᖃᖅᑐᓂ ᑐᑭᓯᒋᐊᕈᑎᖃᖅᑎᑦᑎᔪᓂᑦ. ᐅᖄᓚᐅᑎᒃᑯᑦ ᐅᖃᓪᓚᓐᓂᖅ.

3c) ᓈᒪᕝᓚᐅᑎᒃᑯᑦ – ᐃᖅᑲᓇᐃᔭᕐᕕᐅᔪᓂᑦ ᑕᑯᖦᔅᓴᐅᑎᑕᐅᔪᓂᑦ.

3d) ᖃᕋᓴᐅᔭᒃᑯᑦ ᐋᓐᓂᐊᖅᑐᓕᕆᓂᕐᒥᑦ ᑲᑎᒪᓂᐅᔪᑦ ᐊᑭᑐᓂᖓᓄᑦ ᐊᐅᓪᓚᓂᕐᒧᑦ ᐊᒻᒪ ᐊᑭᑐᖓᓄᑦ ᐊᐅᓪᓚᓂᕐᒧᑦ ᐊᐳᕈᑎᓪᓚᕆᐅᔪᖅ.

ᓗᑦᑖᑉ ᐊᖏᕋᖓ ᐃᖃᓗᑦᑑᑦᑎᐊᖅ 1970−ᖏᓐᓂᑦ

 

ᐊᐱᖅᓱᕐᓂᖅ #4 ᓇᐃᑲᒃ ᕼᐊᑯᓐᖓᖅ ᐃᓅᓚᐅᖅᑐᖅ ᐃᖃᓗᑦᑑᑦᑎᐊᒥ ᐊᒻᒪ ᐱᕈᖅᓴᓪᓗᓂ ᐅᒥᒻᒪᑦᑑᒥᑦ ᐊᒻᒪ ᕿᖓᐅᒻᒥᑦ ᑭᓯᐊᓂ ᐅᒥᒻᒪᑦᑑᒥᐅᓂᖅᓴᖅ, ᓇᐃᑲᒃ ᐊᑖᑕᒋᒻᒥᔭᕋ.

1a) ᖁᕕᐊᓇᑦᑎᐊᖏᑦᑐᖅ ᐅᑎᖅᑐᓂ ᐊᖏᕋᒧᑦ ᐅᒥᒻᒪᑦᑑᒧᑦ ᐱᓗᐊᖅᑐᒥᑦ ᑕᑯᓪᓗᒍ ᓯᓄᓪᓕᖅᐹᒥ ᐊᖏᕋᕆᓚᐅᖅᑕᕗᑦ ᐊᑖᑕᒪ ᓴᓇᓚᐅᖅᓯᒪᔭᖓ, ᖁᓕᖓ ᑲᑕᑉᐸᓪᓕᐊᓕᖅᑐᖅ. ᐅᖃᐅᓯᖃᕈᓐᓇᖅᑐᖓ ᓴᖏᓂᕐᒥᑦ ᓄᓇᒃᑯᑦ ᐊᐅᓪᓚᓂᕐᒥᑦ ᐊᒻᒪ ᑕᑯᓪᓗᒋᑦ ᑐᐱᖃᕐᕕᒥᓃᑦ ᐊᒻᒪ ᐃᓪᓗᑯᑖᑦ. ᐃᓄᐃᑦ ᐊᑐᓕᕈᓐᓇᓚᐅᖅᑐᑦ ᐊᕐᕌᒍ ᐃᓗᐊᓂ ᒪᓕᓐᓂᖃᖅᑐᑎ ᐆᒪᔪᓂᑦ. ᐅᖅᑰᑎᓪᓗᒍ ᐊᕐᕌᒍᖓᓂ ᐃᓄᐃᑦ ᓄᓇᒦᑉᐸᓚᐅᖅᑐᑦ ᖃᓂᒋᔭᖏᓐᓂᑦ ᐃᖃᓗᒐᓱᕝᕕᐅᔪᓂᑦ, ᑰᒋᔭᕗᑦ ᐆᑦᑑᑎᑦᑎᐊᕙᐅᔪᖅ ᑕᑯᒍᓐᓇᖅᑕᑎᑦ ᐃᓚᖏᑦ ᐱᕈᔭᓯᒪᕕᒦᑦ ᐊᒻᒪ ᑐᐱᖃᕐᕕᒥᓃᑦ. ᐅᑭᐅᒃᑯᑦ ᓇᔪᖅᑕᐅᖃᑦᑕᕐᓂᖓ ᖃᐅᔨᔭᔅᓴᐅᖏᑦᑐᑐᐊᖅ ᐃᓪᓗᕕᒐᕐᒦᑉᐸᓚᐅᕐᖓᑕ ᓯᑯᒥ. ᑕᑯᔅᓴᐅᑎᑦᑎᔪ ᓴᖏᓂᖓᓂᑦ ᐅᐱᓐᓇᕋᓂ ᓴᖏᔫᒋᐊᖃᕐᓂᖓᓄᑦ ᐃᓅᓇᓱᐊᓂᕐᒧᑦ. ᐊᓈᓇᖓ ᐊᑖᑕᒐᓗ ᑕᐃᒫᒃ ᐊᓯᔾᔨᐸᓪᓕᐊᓚᐅᖅᑐᑦ ᐃᓅᓯᖏᓐᓂᑦ − ᓄᓇᓕᖃᓕᖅᑐᑦ ᐊᒻᒪ ᐅᓪᓗᒥᒨᖓᔪᑦ ᐃᓪᓗᐃᑦ. ᐊᑐᓕᕈᓐᓇᕐᓂᖅ ᑕᓯᐅᖃᑦᑕᐅᑭᓂᒃᑰᕙᓪᓚᐃᔪᖅ ᐊᒻᒪ ᐊᖑᓇᓲᑎᓂᑦ ᓴᓇᕐᕈᑎᓕᐅᕐᓗᑎ ᐊᑐᓕᖅᑎᑎᓪᓗᑎ ᓄᑖᓂᑦ ᓲᕐᓗ ᑳᐳ ᐅᓈᕐᓄᑦ ᓴᒃᑯᓕᐅᕈᑕᐅᓪᓗᑎ, ᐅᓗᐃᑦ ᐊᒻᒪ ᑎᒍᒻᒥᕖᑦ ᐅᒥᒻᒪᐃᑦ ᓇᔾᔪᖏᓐᓂᑦ ᐊᒻᒪ ᕿᔪᓐᓂᑦ. ᑕᐃᒪᐃᑦᑐᑦ ᐊᔾᔨᒌᖏᔾᔪᑎᒋᔭᖓ ᖃᓄᖅ ᐊᖑᑏᑦ ᐊᕐᓇᐃᓪᓗ ᐱᕈᖅᑎᑕᐅᑎᓪᓗᒋᑦ. ᐊᖑᑏᑦ ᐱᕈᖅᓴᑎᑕᐅᓚᐅᖅᑐᑦ ᐊᖑᓇᓱᑦᑎᐊᓗᑎ ᐊᒻᒪ ᑭᓱᖃᖅᑎᑦᑎᔨᐅᓗᑎ ᐊᒻᒪ ᐊᕐᓇᐃᑦ ᐱᕈᖅᓴᔭᐅᓚᐅᖅᑐᑦ ᒥᕐᓱᕈᓐᓇᕐᓗᑎ ᐊᔪᖏᓐᓂᖃᕐᓗᑎ ᐊᓈᓇᖏᑎᑐᑦ ᐊᒻᒪ ᐊᓐᓄᕌᓕᐅᖅᑐᑎ ᐊᒻᒪ ᕿᐱᓐᓂᑦ ᐊᒻᒪ ᕿᓯᓐᓂᑦ ᑐᐱᕐᓂᑦ ᐊᓯᖏᓪᓗ.

1b) ᓴᖏᓂᖏᑎᒍᑦ. ᓯᕗᓪᓕᖅᐹᒥ ᓱᑲᑦᑐᒥ ᐊᓯᔾᔨᖅᑐᓂᑦ ᐱᒋᐊᕐᓂᖃᕋᔭᑐᖅ “ᐅᑉᐱᕆᔭᖃᖏᓐᓂᑦ” ᓴᖅᑭᖅᑎᑕᐅᓪᓗᑎ ᐃᔅᓯᕋᕐᔪᐊᒃᑯᑦ ᑐᔅᓯᐊᕐᕕᖏᑦ ᐊᒻᒪ ᐋᖕᓕᑲᒃᑯᑦ ᑐᔅᓯᐊᕐᕕᖏᑦ. ᐊᖓᒃᑰᓂᐅᔪᖅ ᐃᔨᕋᑐᖅᑕᐅᓕᓚᐅᖅᑐᑦ ᐅᑉᐱᕐᓂᓕᕆᓂᖅ ᐱᔭᐅᓕᖅᑎᓪᓗᒍ. ᐊᑖᑕᑦᑎᐊᒪ ᐊᑖᑕᖓ ᐃᓚᑦᑎᐊᖅ ᐊᖓᒃᑰᓇᓱᓚᐅᖅᑐᖅ ᐃᓅᒍᓐᓃᕋᓱᓐᓂᖓᓄᑦ (ᑐᖁᕕᒥᖓ ᐅᓪᓗᖓ ᖃᐅᔨᒪᔭᐅᖏᑦᑐᖅ). ᑖᓐᓇ ᐊᓯᔾᔨᕈᑕᓪᓗᐊᖑᓚᐅᖅᑐᖅ ᐃᓄᐃᑦ ᐱᓕᕆᐊᕆᒋᐊᖃᓚᐅᖅᑕᖓ ᐊᒻᒪ ᐊᑐᓕᕈᓐᓇᕐᓗᒍ. ᐃᓱᒪᒋᔭᕋ ᐊᑲᐅᖏᓕᐅᕈᑕᐅᓚᐅᖅᑐᖅ ᐃᓚᒌᓄᑦ ᐊᒻᒪ ᐊᔾᔨᒌᖏᑕᖏᓐᓂᑦ ᐅᑉᐱᕆᓂᕆᔭᖏᓐᓂᑦ ᐅᓪᓗᒥᒨᖓᔪᓄᑦ ᓴᖅᑭᖅᕕᐅᓚᐅᖅᑎᓪᓗᒋᑦ. ᐃᔅᓯᕋᕐᔪᐊᒃᑯᑦ ᑕᑯᔅᓴᐅᓂᖃᓚᐅᖅᑐᑦ ᕿᖓᐅᒻᒥᑦ 1930’s-1940’s – ᐊᐅᓪᓚᖅᓯᒪᓕᖅᑎᓪᓗᒋᑦ ᐊᔪᕆᖅᓱᐃᔨᖏᑦ ᐋᖕᓕᑲᒃᑯᑦ ᒫᓃᖏᓐᓇᓚᐅᖅᑐᑦ. ᐋᖕᓕᑲᐅᓂᖅᓴᐅᔪᑦ ᐅᒥᒻᒪᑦᑑᒥᑦ ᐊᒻᒪ ᕿᖓᐅᒻᒥᑦ. ᐃᓄᐃᑦ ᐱᓕᕆᐊᕆᒋᐊᖃᓚᐅᖅᑕᖏᑦ ᐃᒪᒌᖑᒋᐊᖃᓚᐅᕐᖓᑕ ᑭᓱᑐᐃᓐᓇᒨᒐᓗᐊᖅᑲᑦ. ᐊᖏᓛᖑᔪᖅ ᐊᑐᓕᕈᓐᓇᕆᐊᖃᓚᐅᖅᑕᖏᑦ ᐊᖑᓇᓱᑦᑎᑦᑎᐊᕙᐅᓗᑎ ᑭᓱᖃᖅᑎᑦᑎᔨᐅᓗᑎ ᓄᓇᓕᒻᒨᕐᓗᑎ ᐊᒻᒪ ᑐᓐᖓᓂᖃᖅᑐᑎ ᐃᓄᓕᕆᔨᒃᑯᓐᓂᑦ ᐃᑲᔫᓯᐊᓂᑦ ᐱᖅᑯᓯᑐᖃᖏᓐᓂᑦ ᐊᑐᖏᖔᖅᑐᑎ.

1c) ᓄᓇᓕᒻᒧᑦ ᑲᑎᒪᔨᓃᖃᑕᐅᓂᖅ ᐊᒻᒪ ᐊᓯᔾᔨᐸᓪᓕᐊᔪᑦ ᓄᓇᓕᒻᒧᑦ ᐊᒻᒪ ᒫᓐᓇ ᕼᐊᒻᒪᓚᐅᓕᖅᑐᑎ. ᐊᓯᐊ ᐃᓱᒪᒋᔭᐅᒻᒥᔪᖅ ᓱᕈᓰᑦ ᐃᓕᓐᓂᐊᖃᑦᑕᓕᖅᑐᑦ ᐊᒻᒪ ᐅᓪᓗᒥᒨᖓᒧᓂᑦ ᐊᑐᓕᕈᓐᓇᓕᖅᑐᑎᑦ. ᐅᑎᖅᑐᖃᕈᓐᓇᐃᓕᔪᖅ ᐅᐊᑦᑎᐊᕈᕐᓂᓴᕐᓄᑦ − ᑭᓯᐊᓂ ᑲᔪᓯᒋᐊᑐᐃᓐᓇᕐᓗᓂ ᐅᓪᓗᒥᐅᓕᖅᑐᖅ.

2a) ᐃᓚᕗᑦ ᐱᓕᕆᕕᒃ ᖁᓪᓗᖅᑑᒥ ᑎᒍᔭᐅᓯᒪᔪᓄᑦ ᐊᓂᓂᐊᓕᖅᑐᓄᑦ ᑎᒍᔭᐅᒪᕕᒃ ᐅᑎᖅᑐᑎ ᐱᔭᕇᓕᖅᑐᑎᓪᓘᓐᓃᑦ ᑎᒍᔭᐅᓯᒪᓂᖏᑦ. ᐱᓕᕆᐊᖃᖅᑐᑦ ᐊᐅᓪᓚᖃᑦᑕᓂᕐᒧᑦ, ᐱᖅᑯᓯᓄᑦ ᐱᓕᕆᐊᓂᑦ ᐊᒻᒪ ᐃᑲᔪᖃᑦᑕᖅᑐᑦ ᐅᑎᕈᓐᓇᖁᓪᓗᒋᑦ ᐃᓅᖃᑕᐅᓂᕐᒧᑦ. ᖃᓄᐃᖏᑎᐊᕐᕕᒻᒥ ᐅᕙᓂ ᐃᖃᓗᑦᑑᑦᑎᐊᒥ ᑖᒃᑯᐊᓴᐃᓐᓴᐃᑦ ᐃᓄᐃᑦ ᐃᖅᑲᓇᐃᔭᖅᑐᑦ. ᑕᑯᖃᑦᑕᖅᑐᖓ ᑕᐃᒪᐃᓪᓗᐊᖃᑎᒌᖏᑦᑐᓂᑦ ᒪᒃᑯᓂᖅᓴᓂᓪᓗ ᐃᖃᓗᑦᑑᑦᑎᐊᒥ ᐃᑲᔪᖃᑦᑕᖅᑐᑎ ᐊᒻᒪ ᐱᔨᑦᑎᕐᓗᑎ ᐃᑲᔪᕐᓗᑎ ᐃᖃᓗᑦᑑᑦᑎᐊᖅ ᓄᓇᓕᑦᑎᐊᕙᐅᓂᖅᓴᐅᑎᓪᓗᒍ. ᖁᕕᐊᓇᖅᑐᖅ ᑕᒪᓐᓇ ᑕᑯᒋᐊᔅᓴᖅ.

3a) ᐃᓕᓐᓂᐊᕐᕕᐊᓗᒃ ᐊᑐᖃᑦᑕᑐᔅᓴᐅᔪᖅ ᐱᖅᑯᓯᓕᕆᕕᒻᒥᑦ ᐃᓕᓐᓂᐊᕐᓗᑎ ᐃᓄᐃᑦ ᐱᖅᑯᓯᖏᓐᓂᑦ ᐃᓕᓐᓂᐊᕐᓗᑎ ᖃᓄᖅ ᐱᓇᓱᓐᓂᖃᓚᐅᕐᒪᖔᑕ ᐅᓪᓗᒥᒧᑦ ᐊᒻᒪ ᐱᓯᒪᐃᓐᓇᕐᓗᒍ ᐱᖅᑯᓯᐅᔪᖅ.

3b) ᓄᓇᓕᒻᒥᐅᑕᓂᑦ ᑲᑎᑦᑎᑦᑎᖃᑦᑕᕐᓂᖅ ᐃᓐᓇᑐᖃᒃᕕᒻᒥ, ᐱᓐᖑᐊᕕᒻᒥ ᐱᖅᑯᓯᓕᕆᕕᒻᒧᓘᓐᓃᑦ. . ᐱᖅᑯᓯᓕᕆᕕᒃ ᐃᖅᑲᑐᖃᒃᑯᕕᓪᓘᓐᓃᑦ ᐱᐅᓛᖑᔪᑦ ᐱᓐᖑᐊᓂᕐᒧᑦ.

3c) ᓄᓇᓕᒻᒥ ᓈᓚᐅᑎᒃᑯᑦ ᐱᓇᓱᐊᕈᓯᑕᒫᑦ/ᐱᓇᓱᐊᕈᓰᑦ ᒪᕐᕉᓐᓂᑕᒫᑦ ᑲᑎᓐᓂᐅᔪᑦ, ᐊᕙᓗᒥᐅᑕᐃᑦ, ᑕᓚᕖᓴᒃᑯᑦ 51 – ᐊᑐᕐᓗᑎ ᐱᕙᓪᓕᐊᔪᓕᕆᔨᓂᑦ.

3d) ᖃᕋᓴᐅᔭᒃᑯᑦ ᐃᕐᖐᓐᓈᕈᑦ – ᐅᓪᓗᒥᒨᖓᓕᖅᑎᑕᐅᓗᑎ ᖃᕋᓴᐅᔭᓕᕆᔾᔪᑏᑦ. ᐊᒥᓲᓂᖅᓴᐃᑦ ᓄᓇᓖᑦ ᐅᖄᓚᐅᑎᖃᕋᓛᖃᓕᖅᑐᑦ. ᑕᕐᕆᔭᐅᑎᒃᑯᑦ ᑲᑎᒪᓂᖅ. ᐊᒥᓱᑦ ᐃᓄᐃᑦ ᐃᓄᑦᑎᒍᑦ ᑲᑎᖃᑦᑕᕈᒪᓲᑦ ᑭᓯᐊᓂ ᐃᖅᑲᓇᐃᔭᐅᑎᐅᔪᑦ ᐊᒻᒪ ᑮᓇᐅᔭᑎᒍᑦ ᐊᑭᑐᔪᒻᒪᕆᐅᔪᑦ. ᐃᑲᒧᖅᑕᐅᓂᖅ ᕼᐊᒻᒪᓚᐅᔪᓂᑦᒪ ᐃᓄᓕᕆᔨᒃᑯᑦ ᐊᒻᒪ ᐱᖅᑯᓯᓕᕆᔨᒃᑯᑦ ᐊᕕᑦᑐᖅᓯᒪᔪᖓ KIA (ᕿᑎᕐᒥᐅᑦ ᐃᓄᐃᑦ ᑲᑐᔾᔨᖃᑎᒌᖏᑦ) ᐊᒻᒪ NTI (ᓄᓇᕗᑦ ᑐᓐᖓᕕᒃ ᑎᒥᖓᑦ) ᑕᒪᑐᒥᖓ ᑕᐃᒪᐃᒍᓐᓇᑎᑦᑎᓗᓂ.

 

ᔭᐃᑲᑉ ᑯᑦᓚᖅ ᐊᒻᒪ ᒪᐃ Hᐊᑯᖓᖅ ᐊᖏᕋᐸᓪᓕᐊᔪᑦ ᐅᒥᖕᒪᒃᑑᒧᑦ

 

ᐊᐱᖅᓱᕐᓂᖅ #5 ᐊᑏᒪ ᕼᐊᑦᓛᕆ.

1) ᐃᓄᐃᑦ ᐊᑐᓕᕈᓐᓇᑎᐊᖅᑐᑦ ᐃᓅᖃᑦᑕᕐᓂᖏᓐᓄᑦ ᓄᓇᒥ 24/7 ᐊᒻᒪ ᐃᓪᓗᖃᓚᐅᖏᑦᑐᑦ ᐅᖅᑰᓴᖅᑐᓂᑦ. ᐆᒪᔪᕋᔭᓐᓂᑦ ᐊᓐᓄᕌᖃᖅᐸᓚᐅᖅᑐᑦ. ᐊᑐᓕᕈᓐᓇᓚᐅᖅᑐᑦ ᖃᓄᐃᑦᑐᑐᐃᓐᓇᐅᒐᓗᐊᖅᑲᑦ ᓯᓚᖓ.

1a) ᐊᑖᑕᑦᑎᐊᕋ ᐱᕈᖅᓴᖃᑎᒋᓚᐅᖅᑕᕋ ᐃᓅᓚᐅᖅᓯᒪᔪᖅ 1800−ᖏᓐᓂᑦ. ᐅᑭᐅᒃᑯᑦ ᐊᔅᓱᕈᓐᓇᑎᓪᓗᒍᓘᓐᓃᑦ ᐊᓐᓄᕌᖅᓯᒪᓚᐅᖅᑐᑦ ᓯᓚᒦᒍᓐᓇᕐᓗᑎ ᐃᓪᓗᕕᒐᕐᒦᓪᓗᑎᓪᓘᓐᓃᑦ ᐅᖅᑰᓂᖅᓴᐅᔪᑦ ᑐᐱᕐᓂᑦ ᐅᓪᓗᒥ ᐊᑐᖅᑕᐅᔪᓂᑦ. ᑭᓱᑐᐃᓐᓇᐃᑦ ᓄᓇᒦᖔᓚᐅᖅᑐᑦ.

1b) ᐊᑖᑕᑦᑎᐊᕋ ᐊᒥᓱᐊᖅᑎᖅᑐᓂ ᐅᖃᖃᑦᑕᓚᐅᖅᑐᖅ ᓯᓚᕐᔪᐊᖅ ᐊᓯᔾᔨᐸᓐᓪᓕᐊᒻᒪᑦ. ᖃᐅᔨᒪᔪᖅ ᐅᖃᐅᔾᔭᐅᓯᒪᓂᖓᓄᑦ ᓂᓚᐃᓐᓇᐅᑎᓪᓗᒍ ᐊᒻᒪ ᐅᑭᐅᖃᑦᑎᐊᖃᑦᑕᔮᖏᑦᑐᖅ. ᐸᕐᓇᓯᒪᕙᒪᐅᖅᑐᑦ ᐱᐅᖏᓛᖑᔪᓐᓇᖅᑐᓄᑦ ᐊᒻᒪ ᐊᑐᓕᕈᓐᓇᖅᑐᑎ ᓯᓚᖓᓄᑦ ᐊᓯᔾᔨᖅᑐᓄᑦ. ᐸᕐᓇᓯᒪᒋᐊᖃᖅᑐᒍᑦ ᐊᖏᔪᓂᑦ ᐊᓯᔾᔨᖅᑐᖃᕐᓂᐅᕈᓂ, ᑭᓱᑐᐃᓐᓇᐅᒐᓗᐊᖅᑲᑕ ᐊᓯᔾᔨᖅᑐᑦ.

1c) ᐊᑐᐃᓐᓇᐅᒋᐊᖃᓚᐅᖅᑐᑦ ᑭᓱᑐᐃᓐᓇᕐᓂᑦ ᐊᖏᔪᓂᑦ ᐊᓯᔾᔨᖅᑐᓂᑦ ᓴᖅᑭᓂᐊᖅᑐᓂᑦ ᐊᒻᒪ ᐃᖅᑲᓇᐃᔭᖃᑎᒌᑦᑐᑎ. ᐸᕐᓇᓯᒪᐃᓐᓇᕐᓗᓂ ᐱᐅᖏᓛᖑᔪᓐᓇᖅᑐᓄᑦ.

2) ᐆᒻᒪᖅᑯᑎᖃᖏᑯᑦᑕ ᓄᓇᓕᒻᒥ ᐆᒪᔪᓐᓇᖅᑐᒍᑦ ᐆᓇᖅᑐᑕᖃᖅᑎᓐᓇᒍ ᐃᓪᓗᒥᑦ ᖃᐅᔨᒪᓂᖃᕋᒪ ᐊᑖᑕᑦᑎᐊᓐᓂ ᐱᓯᒪᔭᒃᑲ. ᐃᓪᓗᓕᒍᓐᓇᖅᑐᖓ ᑕᐃᒪᐃᒋᐊᖃᕐᓂᕈᒪ ᑭᓯᐊᓂ ᓱᑲᑦᑑᖏᑦᑐᖓ ᐱᓇᓱᐊᖏᓐᓇᖃᑦᑕᖏᓐᓇᒃᑯ.

3a) ᓴᓇᓯᒪᔪᓕᕆᔩᑦ ᐅᑭᐅᑕᖅᑐᒥᑦ ᐱᔾᔪᑎᒋᓪᓗᒍ ᖃᐅᔨᒪᒐᑦᑕ ᓂᓪᓕᓴᓐᓂᖓᓄᑦ ᐊᒻᒪ ᐱᓕᕆᐊᖅᑕᖃᕆᐊᓕ ᓴᓇᓯᒪᔪᓕᕆᓂᕐᒥᑦ ᐅᑭᐅᑕᖅᑐᒥ. ᐊᑐᕐᓗᒋᑦ ᓄᓇᒦᖔᖅᑐᑦ ᐅᖅᑰᓴᓂᕐᒧᑦ, ᖃᐅᒻᒪᖅᑯᑎᓄᑦ ᐊᓯᖏᓪᓗ. ᑐᓐᖓᕕᖃᖏᖔᕐᓗᑕ ᐅᖅᓱᐊᓗᓐᓂᑦ.

3b) ᓄᓇᓕᓕᒫᑦ ᐊᒻᒪ ᓯᕗᓕᖅᑏᑦ ᐅᖃᐅᔾᔭᐅᑦᑎᐊᖃᑦᑕᕆᐊᓖᑦ ᐊᒻᒪ ᑕᑯᓗᒋᑦ ᖃᓄᐃᑦᑐᑦ ᓇᓖᕌᕋᔅᓴᐅᒻᒪᖔᑕ ᒐᕙᒪᑐᖃᒃᑯᓐᓂᑦ. ᑐᓴᐅᒪᔾᔪᑎᓕᕆᔾᔪᑎᖃᒃᑲᓂᕐᓂᖅ ᓄᓇᓕᓐᓂᑦ ᐊᒻᒪ ᒐᕙᒪᑐᖃᒃᑯᓐᓂᑦ.

3c) ᑐᕌᑦᑕᐅᑎᒋᔪᒥᑦ ᒐᕙᒪᑐᖃᒃᑯᓐᓄᑦ ᐱᒧᓐᓇᐅᑎᓕᒻᒥᑐᓴᖅᑎᑦᓗᒋ ᓄᓇᓖᑦ ᑐᓴᖅᑎᑦᑎᑐᐃᓐᓇᖅᑐᒥᐅᖏᖔᖅᑐᖅ.

3d) ᐃᒻᒪᖃ ᓯᕗᓕᖅᑏᑦ ᖃᐃᖅᑯᔭᐅᑲᓐᓂᖃᑦᑕᕆᐊᓖᑦ ᐊᒻᒪ ᐃᓱᒪᓕᐅᖃᑕᐅᓗᑎ ᐅᑭᐅᑕᖅᑐᒧᑦ.

ᑳᓐᓱ ᐊᐅᓪᓚᐸᓪᓕᐊᔪᖅ ᐃᖃᓗᑦᑑᑦᑎᐊᒥ ᒧᖑᖏᓐᓂ 1940−ᖏᓐᓂᑦ, ᓵᖓᔭᖓ "ᓄᑖᖅ ᓄᓇᓕᐅᔪᖅ"
ᐊᐅᓚᓂᐅᔪᑦ ᐃᒻᒥᒃᑯᐊᖅᑎᖅᓯᒪᓂᖏᑦ: