ᓂᕿᑦᓴᖃᑦᓯᐊᖏᓐᓂᖅ ᐱᓇᐃᓗᑕᐅᔪᖅ ᐊᑦᑐᐃᓯᒪᔪᖅ ᐊᒥᓱᓂᒃ ᐃᓄᓐᓄᑦ ᓄᓇᓕᓐᓂᒃ ᐊᒻᒪᓗ ᓇᓗᓇᓗᐊᓐᖏᑦᑐᖅ ᐃᓄᐃᑦ ᓂᕿᖏᓐᓄᑦ ᐊᑲᐅᓈᓐᖏᒍᑕᐅᓕᕐᓂᐊᖅᑐᖅ ᓯᓚᐅᑉ ᐊᓯᔾᔨᕐᓂᖓ. ᐊᑐᕐᓗᒋᑦ ᐃᑎᓂᖃᖅᑐᑦ ᐊᑑᑎᓯᒪᔪᓂᒃ ᖃᐅᔨᓴᕐᓂᐅᔪᑦ, ᑖᓐᓇ ᐊᐅᓚᓂᐅᔪᖅ ᓇᓗᓇᐃᖅᓯᒍᑕᐅᓂᐊᖅᑐᖅ ᒪᓐᓂᑦᓯᐅᑎᓯᒪᔪᓂᒃ ᓂᕿᓂᒃ ᓯᑕᒪᓂᒃ ᐊᕕᑦᑐᖅᓯᒪᔪᓂ ᐃᓄᓐᓄᑦ ᑐᑦᑕᕐᕕᐅᔪᓂ (ᐃᖃᓗᐃᑦ, ᐊᕐᕕᐊᑦ ᐃᓅᕕᒃ ᐊᒻᒪᓗ ᑰᔾᔪᐊᖅ) ᓯᓚᐅᑉ ᐊᓯᔾᔨᕐᓂᖓᓄᑦ ᑐᓐᖓᕕᒋᓗᒍ ᓇᓗᓇᐃᔭᐃᓂᕐᓄᑦ ᓱᖏᐅᑎᓂᕐᒧᑦ ᐃᑎᕐᕕᐅᔪᓂᒃ. ᐃᖅᑲᓇᐃᔮᖅ ᑐᕌᒐᖃᓗᐊᓐᖑᐊᕐᓂᐊᖅᑐᖅ ᓂᕿᑦᓴᖃᕐᓂᕐᒥᒃ ᐅᓗᕆᐊᓇᖅᑐᓃᑦᑐᓂ ᐃᓄᓐᓂ ᐃᓗᐊᓐᓂ ᐊᕕᑦᑐᖅᓯᒪᔪᓃᑦᑐᑦ ᐊᓯᔾᔨᐸᓪᓕᐊᔪᒥ ᓯᓚᒥ, ᓇᓗᓇᐃᔭᖅᑕᐅᓯᒪᓗᑎᒃ ᐱᖃᓯᐅᔾᔨᓗᑎᒃ ᐃᓄᓐᓂᒃ ᐊᑐᖅᐸᑦᑐᓂᒃ ᓄᓇᓕᓐᓂ ᓂᕿᖃᖅᑎᑦᓯᔨᓂᒃ ᐊᑑᑎᕙᑦᑐᓂᓪᓗ ᓂᕿᑦᓴᖃᑦᓯᐊᖏᓐᓂᕐᒥᒃ.
ᐊᐅᓚᓂᐅᔪᖅ ᑕᓪᓕᒪᓪᓗᐊᑕᕐᓂᖅ ᑐᕌᒐᓕᒃ:
- ᑎᑎᕋᖅᑕᐅᓗᑎᒃ ᓇᓗᓇᐃᔭᖅᑕᐅᓗᑎᓪᓗ ᓂᕿᑦᓴᖃᑦᓯᐊᖏᓐᓂᐅᔪᑦ ᐊᑯᕐᖓᓐᓂ ᐅᓗᕆᐊᓇᖅᑐᒦᑦᑐᑦ ᐃᓄᐃᑦ ᐊᕕᑦᑐᖅᓯᒪᔪᓂ ᑐᑦᑕᕐᕕᐅᔪᓂ
- ᓇᓗᓇᐃᔭᕐᓗᒋᑦ ᐊᕙᑎᒧᑦ, ᐆᒪᔪᕐᓄᑦ ᐊᒻᒪᓗ ᐃᓅᕐᓯᑦᒧ ᖃᑭᒪᓇᓱᐊᕐᓂᕐᒧᓪᓗ ᓄᖅᑲᖓᔾᔪᑕᐅᔪᑦ ᓂᕿᑦᓴᖃᑦᓯᐊᕐᓂᖏᓐᓄᑦ
- ᑎᑎᕋᕐᓗᒋᑦ ᐊᓐᓇᒍᑕᐅᒍᓐᓇᖅᑐᑦ ᐅᐸᓗᖓᐃᔭᐅᑏᑦ ᐊᐅᓚᑦᓯᓂᕐᒧᑦ ᓂᕿᑦᓴᐃᓐᓂᐊᕐᓂᕐᒥᒃ
- ᕿᒥᕐᕈᓗᑎᒃ ᐊᖅᑯᑎᓂᒃ ᓯᓚᐅᑉ ᐊᓯᔾᔨᕐᓂᖓᑕ ᐊᑦᑐᑐᐃᓐᓇᕆᐊᓕᖏᓐᓂᒃ ᓂᕿᑦᓴᖃᕐᓂᕐᒥᒃ ᐅᓗᕆᐊᓇᖅᑐᒦᑦᑐᓄᑦ ᐊᕕᑦᑐᖅᓯᒪᔪᓂ ᐃᓄᓐᓄᑦ ᑐᑦᑕᕐᕕᓐᓂ.
- ᓇᓗᓇᐃᔭᕐᓗᒋᑦ ᐱᕕᑦᓴᖃᕐᓂᐅᔪᑦ ᓯᕗᓪᓕᐅᔾᔭᐅᔪᓪᓗ ᓱᖏᐅᑎᓂᕐᒧᑦ ᐃᓗᐊᓂ ᓱᑲᑦᑐᐊᓗᒻᒥᒃ ᐊᓯᔾᔨᕐᓂᐅᑉ ᓯᕗᓂᑦᑎᓐᓂᓗ ᐊᓯᔾᔨᕐᓂᐅᓛᖅᑑᑉ.
ᑖᓐᓇ ᐊᐅᓚᓂᐅᔪᖅ ᑲᑐᔾᔨᖃᑎᒌᒍᑕᐅᓂᐊᖅᑐᖅ ᓄᓇᓕᓕᓐᓄᑦ, ᓴᖅᑮᓯᒪᔪᑦ ᑲᑐᔾᔨᖃᑎᒌᓂᒃ ᖃᑦᓯᒐᓛᓂ ᐊᕕᑦᑐᖅᓯᒪᔪᓂ ᓄᓇᓕᓐᓂᓗ ᑎᒥᐅᔪᓂ.
ᖃᐅᔨᓴᕐᕕᐅᔪᑦ
ᐃᖃᓗᐃᑦ, ᐊᕐᕕᐊᑦ, ᐃᓅᕕᒃ ᐊᒻᒪᓗ ᑰᔾᔪᐊᖅ
ᓄᓇᓕᓐᓂᒃ ᑲᑐᔾᔨᖃᑎᒌᑦ
ᒍᐊᓐ ᕼᐄᓕ, ᖃᐅᔨᒋᐊᖅᑏᑦ ᖃᐅᔨᓴᕐᕕᖓᓐᓂᒃ, (AHRN-NU), ᐃᖃᓗᐃᑦ, ᓄᓇᕗᑦ
ᓲᓕ ᑕᕐᕋᓕᒃ, ᐊᕐᕕᐊᓂ ᐋᓐᓂᐊᖃᕐᓇᖏᑦᑐᓕᕆᔨᒃᑯᑦ ᑲᑎᒪᔨᕋᓛᖏᑦ, ᐊᕐᕕᐊᑦ, ᓄᓇᕗᑦ
ᑕᐃᕕᑦ ᐅᐃᐅᓪᒪᓐ ᐊᒻᒪᓗ ᐃᓕᓴᐱ ᑕᐃᕕᑎ ᐊᓐᓂᕐᒥᐅᖅ, ᐃᖃᓗᐃᑦ ᑐᑭᓯᒋᐊᕐᕕᒃ ᑲᑐᔾᔨᖃᑎᒌᖏᑦ, ᐃᖃᓗᐃᑦ, ᓄᓇᕗᑦ
ᓲᓴᓐ ᓵᑦᕗᑦ, ᐅᑭᐅᖅᑕᖅᑐᖓᓂ ᓄᓇᕐᔪᐊᑉ ᐋᓐᓂᐊᖅᑐᓕᕆᓂᕐᒧᑦ ᖃᐅᔨᓴᕐᓂᖅ, ᔭᓗᓇᐃ, ᓄᓇᑦᓯᐊᖅ
ᐊᐅᓚᓂᐅᔪᒥᒃ ᑐᑭᓯᒋᐊᕐᕕᑦᓴᖅ:
ᐃᓕᓯᒪᔪᕐᔪᐊᖅ ᔭᐃᒻᔅ ᕗᐊᕐᑦ
ᐃᓕᓴᐃᔨᕐᔪᐊᒧᑦ ᐃᑲᔪᖅᑎ
ᒥᓂᔅᑕᐅᕕᖓᓐᓂ ᓄᓇᓐᖑᐊᓕᕆᔩᑦ
ᒪᒋᐅᓪ ᓯᓚᑦᑐᓴᕐᕕᔾᔪᐊᖅ