2011-ᖑᑎᓪᓗᒍ, ᑲᓇᑕᐅᑉ ᐊᕕᑦᑐᖅᓯᒪᔪᖁᑎᖏᑦ ᐱᖓᓱᑦ ᓴᒃᑯᐃᔪᒧᑦ ᐊᕕᑦᑐᖅᓯᒪᔪᓂ ᓱᖏᐅᑎᓂᕐᒧᑦ ᐅᐸᓗᖓᐃᔭᐅᑎᓂᒃ: ᓯᕗᒧᒋᐊᕐᓂᖅ ᓯᓚᐅᑉ ᐊᓯᔾᔨᐸᓪᓕᐊᓂᖓᓄᑦ ᓱᖏᐅᑎᒍᑎᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ. ᐅᑯᐊ ᑎᑎᕋᖅᓯᒪᔪᑦ ᓇᓗᓇᐃᔭᐃᔪᑦ ᐊᑦᓱᕈᕐᓇᕐᓂᖏᓐᓂᒃ ᑐᕌᒐᖏᓐᓂᓪᓗ ᑲᓇᑕᒥ ᐊᕕᑦᑐᖅᓯᒪᔪᑦ ᑲᒪᒋᐊᕐᓗᑎᑦ ᓯᓚᐅᑉ ᐊᓯᔾᔨᕐᓂᖓᓂᒃ. ᓇᓗᓇᐃᔭᐃᔪᖅ ᐃᑲᔪᖅᓯᒍᑎᑦᓴᓂᒃ ᒫᓐᓇ ᓯᕗᓂᑦᓴᒥᓗ ᓯᓚᐅᑉ ᐊᓯᔾᔨᕐᓂᖓᓄᑦ ᓱᖏᐅᑎᒍᑎᓂᒃ ᐊᐅᓚᓂᐅᔪᓂᒃ ᑲᓇᑕᐅᑉ ᐅᑭᐅᖅᑕᖅᑐᖓᓂ.
ᑎᑭᑦᓱᒪᔭᐅᔪᑦ ᐊᕕᑦᑐᖅᓯᒪᔪᓂ ᓱᖏᐅᑎᓂᕐᒧᑦ ᐅᐸᓗᖓᐃᔭᐅᑏᑦ ᐃᒫᒃ:
- ᑮᓇᐅᔭᖃᖅᑎᑦᓯᓗᑎᒃ ᐊᕕᑦᑐᖅᓯᒪᔪᓂ ᓱᖏᐅᑎᓂᕐᒧᑦ ᐊᐅᓚᔾᔭᒋᐊᕈᑎᓄᑦ
- ᑲᑐᔾᔨᖃᑎᖃᕐᓗᑎᒃ ᐊᓯᖏᓐᓂᒃ ᒐᕙᒪᓂᒃ
- ᐃᑲᔪᖅᓯᓂᖅ ᓄᓇᓕᓐᓂᒃ ᓱᖏᐅᑎᒐᓱᐊᕈᑎᖏᓐᓄᑦ
- ᐃᓚᒍᑦᓯᐅᔾᔨᓂᖅ ᓱᖏᐅᑎᓂᕐᒥᒃ ᒐᕙᒪᒃᑯᑦ ᐊᐅᓚᓂᖏᓐᓄᑦ ᖃᓄᖅᑑᕈᑕᐅᔪᓄᓪᓗ
- ᐊᒥᖅᑲᐅᑎᖃᕐᓂᖅ ᖃᐅᔨᒪᓂᕐᒥᒃ ᑐᑭᓯᐊᓂᕐᒥᓪᓗ ᖃᐅᔨᒪᔭᐅᒃᑲᓐᓂᖁᓪᓗᒋᑦ
- ᓴᖅᑮᓂᖅ ᐊᒥᖅᑲᐅᑎᖃᕐᓂᕐᓗ ᓴᓇᕐᕈᑎᓂᒃ, ᖃᐅᔨᒪᔭᕆᐊᓕᓪᓚᕆᓐᓂᒃ ᓴᓇᑐᓂᐅᔪᓐᓂᓪᓗ
ᐊᕕᑦᑐᖅᓯᒪᔪᓂ ᒐᕙᒪᐃᑦ ᑐᓂᒪᓂᖃᖅᑐᑦ ᑲᑐᔾᔨᖃᑎᖃᑦᓯᐊᕐᓂᕐᒧᑦ ᑲᑐᔾᔨᖃᑎᒌᑦᑐᓕᒫᓂᒃ ᐃᓘᓐᓇᖏᓐᓂ ᖁᑦᓯᓕᕇᓂ. ᐱᖃᓯᐅᑎᑦᓱᑎᒃ ᓄᓇᖃᖅᑳᖅᓯᒪᔪᑦ ᒐᕙᒪᖏᑦ ᑎᒥᖁᑎᖏᓪᓗ ᐊᒥᖅᑲᐅᑎᖃᕐᓂᒃᑯᑦ ᓯᓚᐅᑉ ᐊᓯᔾᔨᐸᓪᓕᐊᓂᖓᓄᑦ ᓱᖏᐅᑎᓂᕐᒧᑦ ᖃᐅᔨᒪᓂᐅᔪᓂᒃ ᐱᕙᓪᓕᐊᑎᑕᐅᔪᓂᓪᓗ ᑲᑐᔾᔨᔪᓄᑦ ᐊᐅᓚᓂᐅᔪᓂᒃ. ᑲᑐᔾᔨᖃᑎᒌᓐᓂᒃᑯᑦ, ᐊᕕᑦᑐᖅᓯᒪᔪᑦ ᐸᕐᓇᐃᕈᓐᓇᖅᑐᑦ ᐊᑦᑐᖅᑕᐅᓂᐅᔪᓄᑦ ᓯᓚᐅᑉ ᐊᓯᔾᔨᕐᓂᖓᓄᑦ ᖃᐅᔨᓴᑦᓯᐊᕈᑕᐅᓗᓂ ᓄᓇᓕᕗᑦ ᐊᓐᓇᒍᓐᓇᕐᓂᖏᓐᓂᒃ ᓯᕗᓂᑦᑎᓐᓂ ᐊᓯᔾᔨᕐᓂᐅᔪᓄᑦ.
ᐃᑲᔪᖅᓯᒍᑕᐅᔪᑦ:
ᑐᑭᓯᒋᐊᒃᑲᓐᓂᕕᑦᓴᖅ ᐊᕕᑦᑐᖅᓯᒪᔪᓂ ᐊᐅᓚᔾᔭᒋᐊᕈᑕᐅᔪᓂᒃ, ᐱᖃᓯᐅᑎᑦᓱᑎᒃ ᓄᓇᒥᐅᑕᓕᕆᔩᑦ ᐊᐅᓚᔾᔭᒋᐊᕈᑎᖏᑦ, ᑕᑯᒋᐊᓐᖑᐊᑕᖅᓯᓐᓇᕆᑦ: http://www.anorthernvision.ca