ᑕᑯᔭᐅᓯᒪᔪᖅ ᐊᐅᔭᒃᑯᑦ ᓯᑯᐃᕈᑉᐸᓪᓕᐊᑐᐃᓐᓇᕐᓂᖅ, ᑕᒪᒃᑮᓐᓂ ᐃᓂᖏᑦ ᐊᐅᓚᓂᖏᓪᓗ, ᖁᐊᖅᓵᕐᓇᖅᑐᖅ. ᐊᓯᔾᔩᕙᓪᓕᐊᔪᒍᑦ ᐅᑭᐅᖅᑕᖅᑐᒥᒃ ᐊᐅᓚᑕᐅᖃᑦᑕᖅᓯᒪᔪᓄᑦ ᑲᕝᕙᓄᑦ ᒫᓐᓇᓗ ᐊᐅᓚᑕᐅᕙᓐᓂᐊᓕᖅᓱᓂ ᓯᑯᒋᐊᓐᖓᐅᑎᓄᑦ ᓯᑯᓄᑦ ᐊᑦᑐᐊᔪᓄᑦ ᐊᐅᓚᓂᐅᔪᓄᑦ. ᓂᕆᐅᒍᓐᓇᖅᑐᒍᑦ ᓯᑯᖃᓐᖏᑦᑐᒥᒃ ᐅᑭᐅᖅᑕᖅᑐᒥ ᐊᕐᕌᒍᓂ ᖃᓂᑦᑐᓂ. ᐱᒻᒪᕆᐅᕗᖅ ᐅᔾᔨᕆᒋᐊᖓ ᓄᓇᕐᔪᐊᕗᑦ ᓯᑯᖃᓐᖏᑦᑑᓚᐅᖅᓯᒪᓐᖏᒻᒪᑦ ᐅᑭᐅᖅᑕᖅᑐᖓ ᐊᕐᕌᒍᓂ 1.1-ᒥᓕᐊᓂ ᐊᓂᒍᖅᑐᓂ.
ᑕᒪᕐᒥᒃ ᐱᕈᖅᑐᐃᑦ ᐊᓯᔾᔨᐸᓪᓕᐊᓯᒪᔪᑦ ᐊᕐᕌᒍᓂ ᒥᓕᐊᕋᓴᓐᓂ ᓈᒻᒪᓈᖅᓱᑎᒃ ᑕᕆᐅᑉ ᓯᑯᖓᑕ ᐊᐅᓚᓂᖓᓄᑦ. ᒫᓐᓇᓕ, ᐅᑭᐅᖅᑕᖅᑐᒥᐅᑦ ᐃᓄᐃᑦ ᐃᑉᐱᒍᓱᑉᐸᓪᓕᐊᑐᐃᓐᓇᖅᑐᑦ ᐱᖅᑯᓯᖓᑦ ᐊᑦᓱᕉᑎᖃᖅᑎᓪᓗᒍ ᐊᓯᔾᔨᕐᓂᐅᔪᓂᒃ ᓱᖏᐅᑎᒐᓱᐊᖅᓱᑎᒃ.
ᐊᕐᕌᒍᑲᓪᓚᒐᓛᑦ ᐊᒡᒋᖅᑐᑦ ᐊᑦᓱᕈᕐᓇᖅᑐᖃᕐᓂᐊᖅᑐᑦ ᐊᓚᒡᒐᐃᑦᑐᒥᒃ ᐅᑭᐅᖅᑕᖅᑐᒧᑦ. ᐳᐃᔩᑦ ᐊᑦᓱᕈᕐᓇᖅᑐᒦᓕᖅᐸᓪᓕᐊᓂᐊᖅᑐᑦ; ᓴᓇᔩᑦ ᐊᐅᓚᓂᖏᑦ ᐱᕙᓪᓕᐊᓂᐊᖅᑐᑦ ᖃᐅᔨᓴᖅᑏᑦ ᐱᕙᓪᓕᐊᑐᐃᓐᓇᑎᓪᓗᒋᑦ; ᐊᒻᒪᓗ ᐃᓄᐃᑦ ᐊᑦᓱᕈᓐᓇᖅᑐᒃᑰᕐᓂᐊᖅᑐᑦ ᐊᑐᕆᐊᑦᓴᖅ ᐃᒪᕕᐅᑉ ᓯᑯᖓᓂᒃ ᐱᖅᑯᓯᖅ ᐱᔾᔪᑎᒋᓪᓗᒍ ᐆᒪᓇᓱᐊᕈᑏᓪᓗ.
ᐅᓇ ᐊᐅᓚᓂᐅᔪᖅ ᑲᑎᑎᑦᓯᔪᖅ ᐃᒪᕕᒻᒥ ᓯᑯᒥᒃ ᖃᐅᔨᓴᖅᑎᓂᒃ ᕿᒥᕐᕈᓗᑎᒃ ᐊᐅᓚᓂᐅᔪᓂᒃ ᐱᔾᔪᑕᐅᔪᓂᒃ ᑕᑯᔭᐅᔪᓂᒃ ᐊᓯᔾᔨᕐᓂᐅᔪᓂᒃ ᑕᕆᐅᕐᒥ ᓯᑯᐃᑦ ᐊᐅᓚᓂᖏᓐᓄᑦ, ᐊᐳᑏᑦ ᕐᑳᕈᕕᐊᑦ, ᑕᐅᑦᑐᖏᑦᑕᓗ ᑕᕆᐅᕐᒥ ᓯᑯᒥᓗ. ᐊᑐᐃᓐᓇᐅᑎᑦᓯᓂᐊᖅᑐᒍᑦ ᑕᕆᐅᕐᒧᑦ ᓯᑯᓄᑦ ᖃᐅᔨᒪᔪᒻᒪᕆᓐᓂᒃ ᑐᑭᒧᐊᑦᑎᑕᐅᓯᒪᔪᓄᑦ ArcticNetᕝᑯᓐᓄᑦ ᓯᓈᓕᕆᔨᖏᓐᓄᑦ ᑲᓇᑕᐅᑉ ᐅᑭᐅᖅᑕᖅᑐᖓᓂ, ᐊᑐᐃᓐᓇᐅᑎᑦᓗᑕ ᑐᓴᖅᑕᐅᔭᕆᐊᓕᓐᓂᒃ ᐊᐅᓚᑕᐅᑦᓯᐊᕐᓂᖏᓐᓄᑦ ᑖᒃᑯᐊ ᐊᓱᑦᕈᕐᓇᖅᑐᑦ.
ᖃᐅᔨᓴᕐᕕᐅᔪᑦ
ᐃᖃᓗᒃᑑᑦᑎᐊᖅ, ᖃᐅᓱᐃᑦᑐᖅ, ᐊᐅᔪᐃᑦᑐᖅ, ᒥᑦᑎᒪᑕᓕᒃ, ᐊᕐᕕᐊᑦ, ᑲᖏᖅᖠᓂᖅ, ᐃᖃᓗᐃᑦ, ᓴᓂᑭᓗᐊᖅᐞ
ᓄᓇᓕᓐᓂ ᑲᑐᔾᔨᖃᑎᒌᓐᓂᐅᔪᑦ
ᐊᐅᓚᓂᕆᔭᕗᑦ ᑲᑐᔾᔨᖃᑎᒌᒍᑕᐅᔪᖅ ᐊᔾᔨᒌᓐᖏᑦᑐᓄᑦ ᐅᑭᐅᖅᑕᖅᑐᒥ ᑲᑎᒪᐅᖅᑐᓄᑦ ᐱᖃᓯᐅᑎᑦᓱᑎᒃ ᐃᓄᕕᐊᓗᐃᑦ ᑲᑐᔾᔨᖃᑎᒌᑦ ᑐᑦᑕᕐᕕᖓᑦ, ᐃᓄᕕᐊᓗᐃᑦ ᐆᒪᔪᕐᓄᑦ ᑲᑎᒪᔨᖏᑦ, ᐆᒪᔪᕐᓂᒃ ᐊᐅᓚᑦᓯᓂᕐᒧᑦ ᐅᖃᐅᔾᔨᒋᐊᖅᑏᑦ ᑲᑎᒪᔨᕋᓛᖏᑦ, ᐊᕙᑎᐅᑉ ᐊᑦᑐᖅᑕᐅᓂᖓᓂᒃ ᕿᒥᕐᕈᓂᕐᒧᑦ ᑲᑎᒪᔨᕋᓛᑦ, ᐊᖑᓇᓱᑦᑏᑦ ᑲᑎᒪᔨᖏᑦ ᐃᑲᕼᐅᒃᒥ, ᐅᓗᒃᕼᐊᒃᑑᖅ, ᐸᐅᓚᑐᒃ, ᓴᓂᑭᓗᐊᖅ, ᑰᔾᔪᐊᕐᒥ ᐅᑭᐅᖅᑕᖅᑐᒥᒃ ᖃᐅᔨᕐᓴᕐᓂᕐᒧᑦ ᑐᑦᑕᕐᕕᒃ, ᓄᓇᕗᒻᒥ ᑕᓯᐅᔭᕐᔪᐊᕐᒧᑦ ᐱᓕᕆᖃᑎᒌᑦ, ᐊᒻᒪᓗ ᑰᔾᔪᐊᕌᓗᒃ.
ᐊᐅᓚᓂᕐᒧᑦ ᑐᑭᓯᒋᐊᕐᕕᑦᓴᖅ:
ᑕᐃᕕᑦ ᕚᕙ
ᐃᓕᓴᐃᔨᕐᔪᐊᖅ - ᓯᓚᑦᑐᓴᕐᕕᔾᔪᐊᖓᓂ ᒫᓂᑑᕙ
ᑲᑎᒪᔨ - ᑐᑦᑕᕐᕕᒃ ᓄᓇᕐᔪᐊᕐᒥ ᖃᐅᔨᓴᕐᓂᕐᒧᑦ
Wallace Building
125, Dysart Rd,
ᐅᐃᓂᐲᒡ, ᒫᓂᑑᕙ
R3T 2N2
Email: dbarber@cc.umanitoba.ca